काका राष्ट्रपति बनेकाे रात मेरो जीवनकै खराब क्षण

A+ A A-

अमेरिकी राष्ट्रपति डोनाल्ड ट्रम्पकी भतिजी मेरी ट्रम्पले लेखेको किताब ‘टु मच एन्ड नेभर इनफः हाउ माइ फेमिली क्रिएटेड द वर्ल्ड्स मोस्ट डेन्जरस मेन’ को चर्चा पछिल्ला दिनमा चुलिएको छ ।

मेरी ट्रम्पले यो किताबमा ट्रम्प आत्ममुग्ध व्यक्ति भएको र उनले आमअमेरिकीको जीवनलाई नै खतरामा पारेको दाबी गरेकी छन् ।

मेरी ट्रम्प यही रोकिएकी छैनन् । उनले काकालाई ‘धोकेबाज र दबंग’ सम्म भनेकी छन् । यो किताबका केही अंश अमेरिकी सञ्चारमाध्यममा आएपछि ह्वाइट हाउसले त्यसमा गरिएको दाबीलाई खारेज गरेको छ ।

पुस्तकको रिलिज १४ जुलाईमा हुने तय भएको छ र ट्रम्प परिवारले यसलाई रोक्नका लागि अदालतमा मुद्दा दायर गरेको छ ।

‘आत्ममुग्धताभन्दा बढी’

५५ वर्षीय मेरीले ट्रम्पका बारेमा लेखेकी छन्, ‘जति गरेका छन्, कम छ । एक आत्ममुग्ध व्यक्तिका तमाम खुबी छन् ।’ क्लिनिकल साइकोलोजीमा विद्यावारिधि गरेकी मेरी भन्छिन्, ‘यो अरुसँग समझदारी, समर्थन, सहानुभूति, दूरदर्शी, मिलनसार हुने आशा गर्नु नै ठूलो कुरा हो ।’

‘डोनाल्ड ट्रम्प कमजोर मात्रै हाेइनन्, उनमा इगो पनि उस्तै छ । जसका कारण उनले लामो झन्झटको सामना गर्नुपरिरहेको छ, किनकि उनी जे दाबी गर्छन्, त्यो विल्कुल हाेइन भन्ने जान्दछन् ।

मेरीका अनुसार राष्ट्रपति ट्रम्पमाथि आफ्ना बाबु फ्रेड ट्रम्प सिनियरको गहिरो प्रभाव थियो । मेरी १६ वर्षको हुँदा रक्सी सेवनका कारण उनका बाबुको मृत्यु भएको थियो ।

‘टु मच एन्ड नेभर इनफः हाउ माइ फेमिली क्रिएटेड द वर्ल्ड्स मोस्ट डेन्जरस मेन’ मा मेरीले आफ्ना बाबुमाथि हजुरबुबा सिनियर ट्रम्पको रवैया अत्यन्तै कठिन थियो ।

उनी परिवारको रियल इस्टेटको कारोबार फ्रेड ट्रम्प जुनियरले हेरून् भन्ने चाहन्थे । तर, फ्रेड ट्रम्प जुनियर परिवारको बिजनेसबाट टाढा हुँदै जाँदा सिनियर ट्रम्प अर्को छोरासँग नजिक हुुनुको विकल्प रहेन । मेरी ट्रम्पका अनुसार उनले यो निर्णय हाँसीखुसी लिएका थिएनन् ।

अमेरिकाका राष्ट्रपति ट्रम्पप्रति सिनियर ट्रम्पको कस्तो रवैया थियो भन्नेबारेमा मेरी लेख्छिन्, ‘८० को दशकको अन्त्यमा अवस्था बिग्रिँदै गएपछि बाबुका साथै छोरामाथि भरोसा गर्नुको विकल्प रहेन । उनीभित्रको ‘सैतान’ लाई स्वतन्त्रता प्राप्त भयो ।’

व्हाउट हाउसले राष्ट्रपति ट्रम्पका बाबु उनीसँग खुसी थिएनन् भन्ने कुराको खण्डन गरेको छ । ह्वाइट हाउसले भनेको छ, ‘राष्ट्रपति ट्रम्पले बाबुसँग आफ्नो सम्बन्ध अत्यन्तै राम्रो रहेको बताएका छन् र बाबुले पनि उनीसँग राम्रो व्यवहार गर्दथे ।’

‘डोनाल्डलाई जमिनमा लैजानु थियो’

आफ्नो जीवनीमा मेरी ट्रम्पले कसरी न्युयोर्क टाइम्सलाई करसँग जोडिएका दस्तावेज उपलब्ध गराइन् भन्नेसमेत उल्लेख गरेकी छन् । जसको प्रयोग १४ हजार शब्दको खोजी रिपोर्ट लेख्नमा गरिएको थियो ।

यो रिपोर्टमा दाबी गरिएको छ, ‘९० को दशकमा ट्रम्पले ट्याक्स पेपर्समा कथित रूपमा गडबढी गरेर आफ्ना बाबुलाई प्राप्त सम्पत्तिमा धेरै वृद्धि गरेका थिए ।’ रिपोर्टमा उल्लेख भएका केही घटनाले सिधा रूपमा धोखाधडी गरेका घटनासमेत उल्लेख गरिएको थियो ।’

मेरीका अनुसार सन् २०१७ मा पत्रकारले उनको घरमा आएर सम्पर्क गरेका थिए । सुरुमा उनी पत्रकारलाई सहयोग गर्न हिचकिचाएकी थिइन् । तर, मेरीले महिनाभरि पर्खिइन् र हेरिन्, ‘डोनाल्ड ट्रम्पले नियमको धज्जी उडाइरहेका छन् । सम्बन्धलाई खतरामा पारिरहेका छन् र कमजोर मानिसलाई कुल्चिरहेका छन् ।’

कथित् घोटालासँग जोडिएका कानुनी दस्तावेजका १९ बाकस कुनै ल फर्ममा राखिएको थियो र त्यहाँबाट मेरीले चुपचाप पत्रकारसम्म पुर्‍याइदिइन् । मेरीले रिपोर्टरसँग गला मिलाइन् । उनी भन्छिन्, ‘महिनौँमा यति खुसी महसुस गरेकी थिइनँ ।’

सिरियाली शरणार्थीका लागि काम गरिरहेको एक संगठनका लागि भोलेन्टियरका रूपमा काम गर्नु मात्रै पर्याप्त थिएन र डोनाल्डलाई जमिनमा लैजानु थियो ।’

ट्रंप पर लिखी मैरी ट्रंप की किताब

विश्वविद्यालयमा ‘नक्कली’

मेरीले आफ्ना काकाले आफ्ना एक साथीलाई एसएटी टेस्टमा आफ्नो बदलामा परीक्षा दिन पैसा दिएका थिए । एसएटी टेस्ट परीक्षाबाट नै विश्वविद्यालयमा ‘प्लेसमेन्ट’ को निर्णय हुन्छ ।

‘ग्रेड प्वाइन्ट औसत भएका कारण कक्षामा पछि रहने डर थियो,’ मेरी भन्छिन्, ‘एक स्मार्ट युवकलाई यो कामका लागि छाने, जो टेस्ट क्वालिफाई गर्नमा माहिर थिए । डोनाल्ड ट्रम्पसँग पैसाको कमी थिएन । उनले आफ्ना साथीलाई धेरै पैसा दिए ।’

डोनाल्ड ट्रम्पले न्युयोर्कको फोर्डहम विश्वविद्यालयमा अध्ययन गरेका थिए । त्यसपछि उनी पढ्नका लागि पेन्सिलभानिया विश्वविद्यालयको व्हार्टन बिजनेस स्कुल गएका थिए ।

ह्वाइट हाउसले राष्ट्रपति ट्रम्पले विश्वविद्यालयको परीक्षामा समेत यस्तो क्रियाकलाप गरेको भनाइको पनि खण्डन गरेको छ ।

‘डोनाल्डले मेरा बाबुलाई कहिल्यै इज्जत गरेनन्’

‘फ्रेड ट्रम्प सिनियर धेरै हदसम्म परिवारमा समस्या आउनुको जिम्मेवार थिए,’ मेरी ट्रम्पले आफ्नो किताबमा दाबी गरेकी छन्, ‘न्युयोर्क शहरमा रियल इस्टेटको ठूलो व्यापारी ट्रम्प परिवारका प्रमुखले मानवीय संवेदनालाई सिक्ने र जान्ने डोनाल्ड ट्रम्पको क्षमतामा दख्खल दिएर व्यवहार गरे ।’

मेरी लेख्छिन्, ‘डोनाल्ड ट्रम्पले आफ्नै भावनालाई टाढा राखे र त्यसमध्ये केहीलाई अस्वीकार गरे । संसारलाई लिएर छोराको समझदारी र त्यसमा बाँच्नका लागि उनको क्षमता सिनियर ट्रम्पले बिगारिदिए ।’

‘सिनियर ट्रम्प कोमलताका बारेमा सोच्न पनि सक्दैन थिए । जब मेरा बाबु फ्रेडीले कुनै गल्तीका लागि माफी माग्थे, तब भड्किने गर्दथे । उनी मजाक उडाउँथे । सिनियर ट्रम्प आफ्नो ठूलो छोरो ‘किलर’ बनोस् भन्ने चाहन्थे । डोनाल्ड ट्रम्प मेरा बाबुभन्दा ७ वर्ष कान्छा थिए ।’

जेठो छोरालाई बेवास्ता गरेर सिनियर ट्रम्पलाई डोनाल्ड ट्रम्पले लामो समयसम्म प्रभावमा पारे ।’ डोनाल्ड ट्रम्पले सिधा सवक सिके कि मेरा बाबु फ्रेडीजस्तो बन्नु ठीक होइन । सिनियर ट्रम्पले मेरा बाबुलाई कहिल्यै इज्जत दिएनन्, न त डोनाल्ड ट्रम्पले नै दिए ।’

महिलासँगको समस्या

मेरी ट्रम्पलाई उनका काका डोनाल्ड ट्रम्पले आफूमाथि एक किताब लेख्न लगाएका थिए । जसमा लेखकका रूपमा अरु कसैको नाम जाने भनिएको थियो । यो किताबको नाम ‘आर्ट अफ कमब्याक’ राखिएको थियो ।

उनले असन्तुष्ट महिलाबारे एक सूचना पनि दिएका थिए, जोसँग उनी डेट गर्नेवाला थिए । तर, सहमति बन्न सकेन र अचानक सम्बन्धमा समस्या आयो र भेट भएन । यो कामका लागि पछि अरु कसैलाई राखियो र उनीहरूलाई पैसा समेत दिइएन ।

मेरीका अनुसार उनी २९ वर्ष हुँदा डोनाल्ड ट्रम्पले उनको शरीरलाई लिएर इशारामा कमेन्ट गरेका थिए । म उनकी भतिजी हुँ र उनी आफ्नी दोस्रो पत्नी मार्ला मैपल्ससँग विवाहित थिए ।

डोनाल्ड ट्रम्पले अहिलेकी पत्नी मेलानियालाई पनि आफ्नी भतिजीले विश्वविद्यालयको पढाइ बीचमा नै छाडेर किताबको योजनामा काम गर्न लागेको र मदिरा पिउने गरेको समेत बताएका थिए ।

मेरीले कलेजको पढाइ छाडेकी थिइन्, तर मदिरा सेवन गर्दैनथिन् । मेरीले आफूलाई उनको सेवकको रूपमा चिनाउन यस्तो कुरा गरेका थिए ।

को हुन् मेरी ट्रम्प ?

५५ वर्षीया मेरी ट्रम्प राष्ट्रपति ट्रम्पका दाजु फ्रेड ट्रम्प जुनियरकी छोरी हुन् । फ्रेडको ४२ वर्षको उमेरमा १९८१ मा मृत्यु भएको थियो । ट्रम्पले दाजुको लागू औषधका कारण मृत्यु भएको भन्दै आफूले यो समस्याविरुद्ध कडा कदम चालेको दाबी गरेका थिए ।

डोनाल्ड ट्रम्प राष्ट्रपति बनेपछि मेरी छायाँमा पर्दै गइन् । तर उनी डोनाल्ड ट्रम्पको आलोचना गर्दै आएकी छन् । वासिङ्गटन पोस्टका अनुुसार मेरीले सन् २०१६ मा ट्रम्प राष्ट्रपतिमा निर्वाचित भएपछि भनेकी थिइन्, ‘यो मेरो जीवनको सबैभन्दा खराब रात हो । कडाइपूर्वक मूल्यांकन गर्नुपर्छ । मलाइ अफसोच छ ।’

(बीबीसी र न्युयोर्क टाइम्सको रिपोर्टमा आधारित)

प्रकाशित मिति: बिहीबार, असार २५, २०७७ १९:०९