नेप्से सूचक ३ अंकले बढ्दा ८४ कम्पनीको शेयर मूल्य बढ्यो

A+ A A-

साताको अन्तिम दिन बिहीबार सेयर बजार परिसूचक नेप्से ३.०६ अंकले बढ्दा ८४ कम्पनीको शेयर मूल्य बढेको छ । सामान्य अंकले बढ्दा नेप्से सूचक १३२९.५९ अंकमा पुगेर बन्द भयो ।

बिहीबार कारोबारमा आएका १ सय ७८ कम्पनीको २१ लाख ९३ हजार ८ सय ४७ कित्ता शेयर १४ हजार ४ सय ९५ पटक किनबेच भएर कुल ८९ करोड ४५ लाख ७९ हजार २ सय ५८ रुपैयाँको कारोबार भएको छ । कारोबार बुधबारको तुलनामा घटे पनि ८४ वटा कम्पनीले शेयर मूल्य बढाउन सफल भएका हुन् ।

बिहीबारकोे कारोबारमा सबैभन्दा धेरै शेयर मूल्य सूर्योदय लघुवित्त तथा वित्तीय संस्था लिमिटेडले ९.९९ प्रतिशतले बढाएको हो । योबाहेक एनआईसी एशिया लघुवित्त वित्तीय संस्थाले ९.९७, वोमी माइक्रोफाइनान्स वित्तीय संस्थाले ९.९० प्रतिशतले शेयर मूल्य बढाउन सफल भएका हुन् ।

शेयर मूल्य बढे पनि कारोबार भने सबैभन्दा धेरै नेपाल रि–इन्स्योरेन्स कम्पनी लिमिटेडको ५ हजार २ सय ९४ पटक भएको छ । कारोबारको अन्तिम समयमा ५ सय ४ रुपैयाँमा खरिदबिक्री भएको यस कम्पनीको पछिल्ला केही दिनदेखि निरन्तर १० प्रतिशतले शेयर मूल्य बढ्दा लगानीकर्ताको चाप बिहीबार पनि देखिएको हो ।

त्यस्तै, बिहीबारको कारोबारमा सबैभन्दा धेरै ग्लोबल आईएमई समुन्नत सेमको ३.८५ प्रतिशतले शेयर मूल्य घटेको छ । आजको कारोबारमा ५६ वटा कम्पनीले गुमाएका छन् ।

बिहीबार कारोबारमा आएका समूहमध्ये म्युचुअल फण्डको २.९४, जीवन बीमा कम्पनीको ०.८८, माइक्रोफाइनान्सको ०.४३, अन्य समूहको ०.४३, उत्पादन तथा प्रशोधन १.३३, निर्जीवन बीमा कम्पनीको ०.५२, फाइनान्सको ०.७४, जलविद्युतको ०.०८ र विकास बैंकको समूहको ०.२६ प्रतिशतले नेप्से सूचक बढेको छ । यीबाहेक बैंकिङ, ट्रेडिङ र होटल समूहको सूचक भने घटेको छ ।

त्यस्तै, क वर्गका कम्पनीहरूको कारोबार मापन गर्ने सेन्सेटिभ परिसूचक पनि ०.११ अंकले बढेर २८०.०६ अंकमा पुगेर बन्द भएको छ ।

प्रकाशित मिति: बिहीबार, असार २५, २०७७ १५:२९