शेयर बजारमा आजः मच्चियो, थच्चियो अनि फेरि मच्चियो

A+ A A-

साताकोदोस्रो दिन पनि बजार खुल्दा देखिएको उत्साह केही बेरमै निरुत्साहमा परिणत भए पनि अन्तिम समयसम्म आइपुग्दा सूचक र कारोबार रकम दुबै बढेर बन्द भएको छ । झन्डै १२ सय अंकको हाराहारीमा पुग्न लागको सूचक बजार बन्द हुँदा अघिल्लो दिन भन्दा करिब १० अंकले बढेर बन्द भएको छ । कमाउनेको सूचीमा नपरे पनि लगानीकर्ताको चाप बैंकमा नै अधिक देखिएको छ ।

संख्यात्मकरुपमा हेर्दा सर्वाधिक शेयर कारोबार भएका १० वटा कम्पनीमा बाणिज्य बैंकको हिस्सा बढी देखिन्छ । कारोबार संख्याको आधारमा हेर्दा पनि सर्वाधिक बढी कारोबार हुनेमा वाणिज्य बैंक नै माथि देखिन्छ । कमाउने १० वटा कम्पनीको सूचीमा आज वाणिज्य बैंक देखिएको छैन ।

कारोबार रकममा भने अस्वाभाविक वृद्धि देखिएको छ । यसलाई आर्थिक वर्षको तेस्रो त्रैमासिकको अन्तिम समयको लाभ लिने प्रयास मान्ने पनि देखिएका छन् । शेयर कर्जाको किस्ता र व्याज बुझाउने अन्तिम समय र मार्जिन कल जोगाउने अस्त्रको रुपमा पनि केही दिन यताको कारोबारलाई हेर्ने गरिएको छ ।

आजको सूचक वृद्धिलाई स्वाभाविक मान्न सकिए पनि कारोबार रकममा आएको वृद्धिलाई त्यति स्वाभाविक मानिएको छैन । यसको निरन्तरताको लागि भोलिको बजारले निर्धारण गर्नेछ । सूचकमा अगिल्लो हप्तादेखि निरन्तर वृद्धि देखिएको छ ।

भर्खर सूचीकरण भएको युनिभर्सल पावर कम्पनीले मूल्य घट्ने क्रम रोकिएको छैन । आज पनि यसको मूल्य ४ प्रतिशतले घटेको छ ।

आजको बजार संक्षेप

विषय	अंक
कारोबाररकम	९०,६९,३६,७६३
शेयरसंख्या	२९,५१,४७८
कुलकारोबार	११,३६०
कम्पनी	१७०
सूचक	१,१९१.६८

समूहगत स्थिति (कमाउने)

कमाउने समुहमा आज बीमाका दुबै समुह परेका छन् । त्यसपछि लघुवित्त तेस्रो स्थानमा परेको छ ।वाणिज्य बैंक समुह चौथो स्थानमा झरेको छ । हेपिएको जलविद्युत समुह पनि कमाउने समुहमा परेको छ । जीवन तर्फ गुराँस लाइफले अधिक कमाएको छ भने निर्जीवनतर्फ प्रभुले धेरै कमाएको छ । सर्वाधिक कमाउनेमा समिट लघुवित्त परेको छ ।

समुह	सूचक	परिवर्तन (अंक)
जीवन बीमा	६०५२.८२	१६७.५०
निर्जीवन बीमा	५,४९२.३५	१५३.७०
लघुवित्त	१,४०७.८९	३६.५१
वाणिज्य बैंक	१,०५७.९७	४.९८
विकास बैंक	१,४७८.६२	१.८३
वित्त	६१८.९५	१.२८
जलविद्युत	१,१५०.६९	०.६९
उत्पादन तथा प्रशोधन	२,०४६.८५	०.३१

गुमाउने समूहको स्थिति

गुमाउने समुहमा आज होटल र नेपाल टेलिकम सूचिकृत अन्य समुह परेको छ । तारा गाउँ होटलले आज समुहमा धेरै गुमाएको छ । गुमाउने कम्पनीमा राधी विद्युत कम्पनी सिरानमा छ ।

समुह	सूचक	परिवर्तन (अंक)
होटेल	१७४१.६९	-५.५
अन्य	७०५.४८	२.५६

कमाउने र गुमाउने

विषय	कम्पनी	अन्तिम मूल्य	प्रतिशत
कमाउने	समिट लघुवित्त	६७०	९.८४
	ग्लोबल आइएमई समुन्नत स्किम १	८.४	९.८०
	स्वरोजगार लघुवित्त	५१५	८.४२
	एनएमवि लघुवित्त	१,०६५	८.१२
	सूर्योदय लघुवित्त	९४३	७.५३
गुमाउने	राधि विद्युत कम्पनी	१६७	-४.५७
	युनिभर्सल पावर	९४	-४.०८
	राष्ट्रिय बीमा कम्पनी (संस्थापक)	८,४००	-३.०६
	सिन्धु विकास बैंक	१२८	-३.०३
	अरुण काबेली पावर	१६९	-२.८७

रकम, शेयर संख्या र कारोबार

विषय	कम्पनी	अंक	अन्तिम मूल्य
रकम (रुपैयाँ)	एनआइसी एशिया बैंक	७,६३,८९,४९३	४६६
	एनएमवि बैंक	५४,२,०१,६५५	३५७
	नेपाल इन्भेष्टमेन्ट बैंक	४,३२,६४,६७४	५५९
	नेको इन्सुरेन्स	४,२१,८८,२८१	५३२
	नेपाल क्रेडिट एण्ड कमर्श बैंक	३,९८,६७,७२३	२२७
शेयर (संख्या)	नेपाल क्रेडिट एण्ड कमर्श बैंक	१,७४,२५५	२२७
	एनआइसी एशिया बैंक	१,६१,९७१	४६६
	एनएमवि बैंक	१,५२,५३८	३५७
	प्रभू बैंक	१,३१,२७१	२५१
	माछापुच्छ्रे बैंक	१,२६,२२९	२४२
कारोबार (संख्या)	एनआइसी एशिया बैंक	६७६	४६६
	एनएमवि बैंक	५०६	३५७
	युनिभर्सल पावर	४७८	९४
	अपर तामाकोशी	४५३	२३५
	शिवम सिमेन्ट	३५८	३२९

कर्पोरेट गतिविधि

किसान माइक्रोफ़ाइनान्सका प्रमुख कार्यकारी अधिकृत प्रकाश पोखरेलले राजीनामा गरेका छन् ।
नेपाल राष्ट्र बैंकले जेविल्स फाइनान्सले प्रस्ताव गरेको १ दशमलब २४ प्रतिशत बोनस शेयर स्वीकृत गरेको छ ।

भोलिको कार्यक्रम

युनियन हाइड्रोपावरको साधारण शेयरमा भोली पनि आवेदन गर्न पाइनेछ । युनियन हाइड्रोपावरको शेयरमा पर्याप्त आवेदन परेमा जुनसुकै बेला बन्द हुनेछ ।सनराइज बैंकको ऋणपत्रमा पनि आवेदन गर्ने समय वैशाख १९ गतेसम्म थप गरेको छ ।

हाथवे फाइनान्सको भोली चैत २६ गते होटेल द रत्न इन, धरानमा साधारणसभा हुँदैछ।
एसियन लाइफ इन्सुरेन्सको हकप्रद खुलेको छ ।
स्ट्याण्डर्ड चार्टड बैंकले नगद लाभांश वितरण शुरु गरेको छ ।
स्पर्श लघुवित्तले जनता क्यापिटललाई शेयर रजिष्ट्रार नियुक्त गरेको छ ।
सबैको लघुवित्तले ५ लाख ३० हजार कित्ता शेयर जारी गर्न अनुमति मागेको छ ।

र अन्त्यमा,

कन्काइ विकास बैंक, आरएमडीसि लघुवित्त, श्री इन्भेष्टमेन्ट फाइनान्स, लक्ष्मी बैंक, नेपाल इन्भेष्टमेन्ट बैंक, भार्गव विकास बैंक र हिमालयन बैंकले बोनस शेयर दर्ता गरेका छन् ।

प्रकाशित मिति: मंगलबार, चैत २६, २०७५ ०२:१५