एनआईसीले ल्यायो घर, सवारी र व्यवसाय कर्जाको आकर्षक योजना

A+ A A-

एनआईसी एशिया बैंकले सुपर चामत्कारिक घर कर्जा, सुपर चामत्कारिक सवारी कर्जा र सुपर चामत्कारिक व्यवसाय कर्जा याेजना सार्वजनिक गरेको छ ।

यसअन्तर्गत बैंकले ८.२५ प्रतिशत ब्याजदर तथा ०.२५ प्रतिशत प्रशासनिक शुल्कमा कर्जाहरू उपलब्ध गराउनेछ र उक्त ब्याजदर १ वर्षसम्मका लागि परिवर्तन नहुने व्यवस्था गरेको छ ।

बैंकले ग्राहकमाझ नेपालको बैंकिङ क्षेत्रकै सर्वाधिक न्यून ब्याजदर तथा प्रशासनिक शुल्कमा ३ सुपर चामत्कारिक कर्जा योजनाहरू सार्वजनिक गरेकाे दाबी गरेकाे छ ।

सुपर चामत्कारिक घर कर्जा याेजना

सुपर चामत्कारिक घर कर्जाअन्तर्गत घर तथा अपार्टमेन्ट खरिद, घर निर्माण, घर निर्माण गर्नका लागि जग्गा खरिद आदिमा वित्तीय सेवा सुविधा लिन चाहनुहुने ग्राहकले यस योजनाको लाभ लिन सक्ने बैंकले जनाएकाे छ ।

बैंकका अनुसार यस याेजनाअन्तर्गत न्यूनतम ५ वर्षदेखि अधिकतम ३० वर्षसम्म कर्जाको समयावधि कायम गरिएको छ । यसमा अधिकतम १ करोड ५० लाख रुपैयाँसम्म कर्जा सीमा कायम गरिएको छ । याे याेजनाअन्तर्गत अधिकतम ५० लाख रुपैयाँसम्मको ओभरड्राफ्ट सुविधासमेत लिन सकिने व्यवस्था छ ।

घर निर्माण गर्दाको हकमा बैंकले निर्माण लागतको शतप्रतिशतसम्म कर्जा प्रवाह गर्ने, घर निर्माणका लागि अधिकतम ५ वर्षसम्मको मोरोरियम अवधि लिन सकिने र उक्त अवधिमा ऋणीले कर्जाको ब्याज मात्र भुक्तानी गर्न सक्ने सुविधा रहेको बैंकले जनाएकाे छ ।

यसबाहेक लचिलो ईएमआईमार्फत ग्राहकले आफ्नो आर्थिक क्षमताअनुसारको आफूले तिर्न सक्ने ईएमआई वार्षिक रूपमा आफैँले निर्धारण गरेर भुक्तानी ग्राहकले गर्न सक्नेछन् ।

यस योजनाअन्तर्गत घर कर्जा उपभोग गरिरहेका ग्राहकले बन्डल अफरअन्तर्गत सवारी कर्जा उपभोग गर्न सक्ने व्यवस्था समेत छ । अन्य बैंक तथा वित्तीय संस्थामार्फत घर कर्जा उपभोग गरिरहेकाले यस कर्जाअन्तर्गत आफ्नो कर्जा स्थानान्तरण गरी आफ्नो आर्थिक भारलाई न्यून गर्न सक्नेछन् ।

सुपर चामत्कारिक सवारी र व्यवसाय कर्जा

यसैगरी, सुपर चामत्कारिक सवारी कर्जाअन्तर्गत रातो प्लेटका निजी तथा व्यवसायका लागि सवारी र विद्युतीय सवारीका लागि ग्राहकले कर्जा प्राप्त गर्न सक्नेछन् ।

यस योजनाअन्तर्गत अधिकतम २ करोड रुपैयाँ कर्जा सीमा कायम गरिएको छ । सवारी धितो राखेको हकमा कर्जा अवधि अधिकतम १० वर्षसम्म र सवारी तथा रियलइस्टेट दुवै धितो राखेको खण्डमा अधिकतम १५ वर्षसम्म कर्जा अवधि हुने व्यवस्था छ ।

सर्वाधिक न्यूनतम ब्याजदर तथा अनुपम सुविधाले भरिपूर्ण बैंकको सुपर चमत्कारिक कर्जामार्फत ग्राहक महानुभावहरूलाई सहज रूपमा कर्जा प्रदान गर्ने रणनीतिअनुरुप आवश्यक कागजात प्राप्त भएपश्चात् बैंकले यी ३ वटा कर्जाबारे ४८ घण्टाभित्र नै निर्णय दिने व्यवस्था गरेको छ ।

यी कर्जाहरूबारे आवेदन बैंकको वेबसाइट http://www.nicasiabank.com मार्फत अनलाइन दिन सकिनेछ अथवा ३४४८८ मा Lone टाइप गरी एसएमएस वा बैंकको ९८०१२२७७५५ नम्बरमा मिस कल गरी थप जानकारी प्राप्त गर्न सकिन्छ ।

प्रकाशित मिति: शुक्रबार, असार १९, २०७७ १३:११