वेस्टह्यामसँग चेल्सी पराजित, लेस्टरमाथि एभर्टनकाे जित

A+ A A-

प्रिमियर लिग फुटबलमा लन्डन क्लब चेल्सी वेस्टह्याम युनाइटेडसँग पराजित भएकाे छ । शीर्ष चारको दौडमा रहेको चेल्सी लन्डन स्टेडियममा बुधबार राति वेस्टह्यामसँग ३–२ गाेलले पराजित भएकाे हाे ।

जिली स्टार विलियनमले दुई गोल गरे पनि चेल्सीकाे जितका लागि त्याे पर्याप्त बन्न सकेन । वेस्टह्यामको जितमा टोमस सौसेक, मिचेल एन्टेनियो र एन्ड्री यारमोलेन्कोले गोल गरे ।

वेस्ट ह्यामका एन्ड्री यरमालेन्कोले खेल सकिनुभन्दा एक मिनेटअघि गरेकाे गाेल नै निर्णायक बन्याे । वैकल्पिक खेलाडीको रूपमा मैदान छिरेका उनले काउन्टरमा गोल गर्दै टिमकाे जित सुनिश्चित गरे ।

हारसँगै चेल्सीले तेस्रो स्थानमा उक्लने अवसर गुमाएकाे छ । चेल्सीको ३२ खेलबाट ५४ अंक छ । समान खेलबाट तेस्रो स्थानमा रहेको लेस्टर सिटीको ५५ तथा पाँचौ स्थानमा रहेको म्यानचेस्टर युनाइटेडको ५२ अंक छ । चेल्सीलाई हराएकाे वेस्टह्याम भने ३० अंक जोड्दै रेलिगेसन जोनबाट बाहिर १६औँ स्थानमा उक्लिएको छ । याेसँगै चेल्सीको च्याम्पियन्स लिग छनोटको दौड थप प्रतिस्पर्धात्मक हुने देखिएकाे छ ।

बुधबार राति नै भएकाे भएकाे खेलमा शीर्ष चारभित्र रहेकाे लेस्टर सिटी एभर्टनसँग २-१ गाेलले हार्‍याे । एभर्टनकाे जितमा रिचर्डसन र जी सिगर्डसनले गाेल गरे भने लेस्टरका इहनाचोले ५१औँ मिनेटमा एक गोल फर्काए पनि हार टार्न सकेनन् । लेस्टर ५५ अंकसहित तालिकाको तेस्रो र एभर्टन ४४ अंकसहित ११औँ स्थानमा छ ।

बुधबार राति नै भएकाे अर्काे खेलमा बाेर्नमाउथले घरेलु मैदानमा न्युक्यासल युनाईटेडसँग ४–१ गाेलकाे पराजय बेहाेर्‍याे । न्युक्यासलका लागि ड्वाई गेल, सीन लान्गस्टाफ, मिगुएल अल्मिरान, भालेन्टिनो लजारोले गोल गरे । बाेर्नमाउथका लागि दान गोसलिङ्गले सान्त्वना गोल फर्काए ।

अंक तालिकामा न्युक्यासल ४२ अंकसहित १३औँ स्थानमा छ भने बाेर्नमाउथ २७ अंकसहित १९औँ स्थानमा छ ।

प्रकाशित मिति: बिहीबार, असार १८, २०७७ ०६:२२