साताको पहिलो दिनको शेयरबजार : मच्चियो थचियो फेरि मच्चियो

A+ A A-

साताकोपहिलो दिन बजार खुल्दा देखिएको उत्साह केही बेरमै निरुत्साहमा परिणत भएको थियो । बजार खुलेको करिब आधा घण्टासम्म उकालो लागेको बजार एकाएक ताल झरेको थियो । तर, १२ बजेपछि क्रमशःफेरी उकालिएर अस्वाभाविक अंक वृद्धिसहित बन्द भएको छ ।

वाणिज्य बैंक समुहमा लगानीकर्ताको अधिक चाप देखिएको छ । समयमै सबै वाणिज्य बैंकले साधारणसभा सकेर नाफा बाँडीसकेको हुँदा आगामी वर्ष पनि लोभलाग्दो नाफा दिने अपेक्षा गरिएको छ ।

आज सूचक र कारोबार रकम दुबै बढेको छ । सूचकमा अस्वाभाविक वृद्धि देखिए पनि कारोबार रकममा भने स्वाभाविक देखिन्छ । अगिल्लो हप्ता पनि सूचक व्हात्तै बढ्दा पनि नटिक्ला कि भन्ने संशय भए पनि टिकेको थियो ।

भर्खर सूचीकरण भएको युनिभर्सल पावर कम्पनीले ११औँ पटक १० प्रतिशत घट्दो मार सहेको छ । ३ सय रुपैयाँमा पहिलो कारोबार खुलेको आजको दिनमा आइपुग्दा अंकित मूल्य १ सय रुपैयाँ भन्दा तल ९८ रुपैयाँसम्म झरेर कारोबार भएको छ । आजको लागि घट्ने सिमा सकिएको हुँदा यो भन्दा तल झर्ने अवसर युनिभर्सलले पाएन ।

आजको बजार संक्षेप

विषय	अंक
कारोबाररकम	५४,३९,५५,६४२
शेयरसंख्या	१८,८७,३७३
कुलकारोबार	७,५३२
कम्पनी	१६८
सूचक	१,१८२.३६

समूहगत स्थिति (कमाउने)

कमाउने समुहमा आज वाणिज्य बैंक समुह अग्रस्थानमा छ । एनआईसि एशिया बैंकले सर्वाधिक कमाएको छ । त्यसपछि कुमारी बैंक, अफ काठमाडौं र सनराइज कमाउने १० वटा भित्र परेको छ । कमाउने समुहमा विकास बैंक समुह दोस्रो स्थानमा रहेको छ । कन्काई र भार्गव विकास बैंक सर्वाधिक कमाउनेमा परेका छन् । कमाउने समुहमा होटेल वित्त समूह पनि परेका छन् ।

समुह	सूचक	परिवर्तन (अंक)
वाणिज्य बैंक	१,०५२.९८	२८.१९
विकास बैंक	१४७६.७९	१४.९९
होटेल	१,७४७.१९	१३.००
वित्त	६१७.६८	१.७८
जीवन बीमा	५,८८५.३१	०.१२
अन्य	७०८.०४	०

गुमाउने समूहको स्थिति

निर्जीवन बीमा समुहले सबैभन्दा धेरै गुमाएको छ । आइएमई जनरल इन्सुरेन्सले आज सर्वाधिक गुमाएको छ । उत्पादन तथा प्रशोधन समुहको शिवमले गुमाएको छ । हेपिएको समूह जलविद्युत पनि गुमाउनेमा तेस्रो स्थान लिएको छ ।

समुह	सूचक	परिवर्तन (अंक)
निर्जीवन बीमा	५,३३८.६५	-१९.२१
उत्पादन तथा प्रशोधन	२,०६४.५४	-५.८२
जलविद्युत	१,१५०.००	-२.७५
लघुवित्त	१,३७१.३८	-०.९५

कमाउने र गुमाउने

विषय	कम्पनी	अन्तिम मूल्य	प्रतिशत
कमाउने	एनआईसि एशिया बैंक	४६८	६.३६
	किसान माइक्रोफाइनान्स	८३१	५.०६
	कुमारी बैंक	२५३	४.९८
	कन्काई विकास बैंक	१२८	४.९२
	भार्गव विकास बैंक	१७३	४.८५
गुमाउने	युनिभर्सल पावर	९८	-९.२५
	सिन्धु विकास बैंक	१३२	-७.०४
	सामुदायिक लघुवित्त	६३६	-५.०७
	चौतारी लघुवित्त	४८०	-४.९५
	नेपाल सेवा लघुवित्त	४८९	-३.५५

रकम, शेयर संख्या र कारोबार

विषय	कम्पनी	अंक	अन्तिम मूल्य
रकम (रुपैयाँ)	एनआइसी एशिया बैंक	६,७१,८४,२५८	४६८
	एनएमवि बैंक	३,३१,७४,९३०	३४९
	सानिमा माइ हाइड्रोपावर	२,५५,००,८९३	२२९
	प्रभू बैंक	२,२२,०७,९७३	२५१
	नेपाल क्रेडिट एण्ड कमर्श बैंक	२,२०,६४,५७५	२२८
शेयर (संख्या)	एनआइसी एशिया बैंक	१,४७,९८७	४६८
	सानिमा माइ हाइड्रोपावर	१,१३,२६१	२२९
	नेपाल क्रेडिट एण्ड कमर्श बैंक	९८,२५०	२२८
	एनएमवि बैंक	९६,८२५	३४९
	प्रभू बैंक	९०,०१९	२५१
कारोबार (संख्या)	एनआइसी एशिया बैंक	५७०	४६८
	अपर तामाकोशी	५०९	२३५
	युनिभर्सल पावर	३३४	९८
	एनएमवि बैंक	३०८	३४९
	शिवम सिमेन्ट	२१०	३२०

कर्पोरेट गतिविधि

जोशी हाइड्रोपावर कम्पनीले अधिवक्ता लिलाराज कोइरालालाई कम्पनी सचिव नियुक्त गरेको छ । मिथिला लघुवित्तमा मनोजकुमार सिंह र सरोजकुमार सिंह सर्वसाधारण शेयरधनीको तर्फबाट निर्वाचित भएका छन् ।

भोलिको कार्यक्रम

भोलि चैत २५ गते हिमालय उर्जा बिकासको साधरण शेयरमा आवेदन गर्ने अन्तिम दिन हो । युनियन हाइड्रोपावरको साधारण शेयरमा भोली पनि आवेदन गर्न पाइनेछ । युनियन हाइड्रोपावरको शेयरमा पर्याप्त आवेदन परेमा जुनसुकै बेला बन्द हुनेछ । सनराइज बैंकको ऋणपत्रमा पनि आवेदन गर्न सकिनेछ ।

शिवम सिमेन्टको चैत २६ गते हुने बुक क्लोजका लागि भोलि चैत २५ गतेको कारोबार अन्तिम दिन हो । भोलिसम्म शेयर किन्नेले मात्र शिवमले प्रस्ताव गरेको लाभांश लिन साधारणसभामा भाग लिन पाउनेछ । साधारणसभामा एक संचालक निर्वाचनको समेत प्रस्ताव रहेकोले उम्मेदवार हुन वा मतदान गर्न पाउनेछ ।

सानिमा बैंकको संस्थापक लिलामी शेयर खरिद गर्न भोलि चैत २५ गते आवेदन गर्ने अन्तिम दिन हो । त्यस्तै प्रोग्रेशिभ फाइनान्सको साधारण शेयरमा लिलामी हुँदैछ | यसमा पनि आवेदन गर्न सकिनेछ ।

एनएमवि बैंक (१० प्रतिशत) ऋणपत्रमा आवेदन गर्ने अन्तिम मिति भोलि चैत २५ गते हो । त्यस्तै, नेपाल इन्सुरेन्सको हकप्रदमा आवेदन गर्ने अन्तिम मिति पनि भोलि नै हो ।

भोलि चैत २५ गतेदेखि एसियन लाइफ इन्सुरेन्सको हकप्रद खुल्दैछ ।

नबिल म्युचुअल फण्डद्वारा सन्चालन गर्न लागिएको नबिल व्यालेन्स फन्ड – २ नामक म्युचुअल फण्डले आगामी बैशाख २ गतेदेखि इकाई बिक्री खुला गर्ने भएको छ ।

प्रकाशित मिति: सोमबार, चैत २५, २०७५ ०२:०७