१० हजार तिर्दा २८ लाखकाे गाडी

A+ A A-

२८ लाख मूल्य पर्ने भक्सवागन ब्राण्डको पोलो गाडी अब मासिक १० हजार तिरेर चढ्न पाइने भएकाे छ ।

भक्सवागन ब्राण्डको पोलो गाडीकाे नेपालका लागि आधिकारिक विक्रेता पूजा इन्टरनेसल प्रालिले आफ्ना ग्राहकका लागि यस्ताे याेजना सार्वजनिक गरेकाे हाे ।

हाल काेराेना भाइरस महामारी र यसकाे राेकथामका लागि सरकारले लागू गरेकाे लकडाउनका कारण विश्वकै अर्थतन्त्र आक्रान्त बनेकाे छ । नेपाल पनि यसकाे चपेटामा परेकाे बेला पोलो गाडीका नेपाली पारखीहरूकाे गाडी चढ्ने सपना पूरा गर्न सहज र सरल रूपले गाडी उपलब्ध गराउने उद्देश्यले कम्पनीले मासिक १० हजार रुपैयाँ किस्ता तिरेर भक्सवागनको पोलो गाडी चढ्न सकिने व्यवस्था गरेको छ ।

कम्पनीका अनुसार याे गाडी खरिद गर्दा १ वर्षसम्म १० हजार रुपैयाँ मात्र मासिक किस्ता तिरे पुग्छ भने १ वर्षपछि चाहिँ कम्पनीको नियमबमोजिमको रकम मासिक किस्ताको रूपमा बुझाउनुपर्नेछ ।

यसरी किन्दा ग्राहकले १६ प्रतिशत ब्याज तिर्नुपर्ने कम्पनीले जनाएको छ । ग्राहकले ५ देखि १० वर्षसम्मको चुक्ता गर्ने समयावधि आफैँले छान्न पाउनेछन् ।

यीबाहेक यस योजनाअन्तर्गत प्रिमियम ह्याचब्याक गाडी पोलोमा सुरक्षाका विभिन्न व्यवस्था जस्तै– एन्टिलक ब्रेकिङ सिस्टम, एयर ब्याग, गाल्भनाइज्ड बडी, पावर विन्डो, रियर भ्यू क्यामेरा, पोलन फिल्टरसहितको एयर कन्डिसन, पावर स्टेरिङ आदि विशेषता समावेश छन् ।

लकाडाउनलाई नै लक्षित गरेर ल्याएको छुटमा गाडी किन्दा फ्रि एक्सेसरिज, सुलभ फाइनान्सिङ सुविधा, प्रथम वर्षको सडक शुल्क, ४ वर्षसम्मको निःशुल्क सर्भिस , डेलिभरीका लागि कुर्नु नपर्ने आदि सुविधा पनि उपलब्ध रहेकाे कम्पनीकाे भनाइ छ ।

प्रकाशित मिति: मंगलबार, असार ९, २०७७ १६:३८