साताको बजार उत्साहप्रद : कारोबार रकम र सूचक दुबै बढ्यो

A+ A A-

यस साताको शेयरबजार अघिल्लो साताभन्दा उत्साहप्रद भयो । साताको अन्तिम दिन सूचक र कारोबार घटे पनि अघिल्लो साताको तुलनामा बढेर बन्द भएको छ। कारोबार रकममा झन्डै ५० प्रतिशतले वृद्धि भएको छ । सूचक पनि झन्डै २ प्रतिशत बढेको छ ।

कारोबारमा महत्वपूर्ण हिस्सा ओगट्ने वाणिज्य बैंक समुहको कुल कारोबार रकम ८२ प्रतिशतले बढेको छ । यस हप्ता वाणिज्य बैंक समुहको सूचक ३५ अंकभन्दा बढीले बढेको छ।

देश समृद्ध बनाउन आयोजना गरिएको लगानी सम्मेलन सम्पन्न भएको छ । सम्मेलन सकिएपछिको लगानी कति हुने हो त्यसको लागि केही समय पर्खन पर्छ ।

साताको मध्यतिर तराईका बारा र पर्सा जिल्लामा आएको आँधीबेहरीले धनजनको क्षति गरेको छ । बीमा दावी कति पर्ला कुन कम्पनीलाई बढी पर्ला शेयरबजारमा चर्चाको विषय बनेको छ । यसको लेखाजोखा हुन् बाँकी छ ।

आर्थिक वर्ष सकिन लाग्दा पनि गत आर्थिक वर्षको वार्षिक साधारणसभा हुन बाँकी रहेका कम्पनीको संख्या अझ पनि उल्लेख्य छ । यसै साता एउटा वाणिज्य बैंकले सभा आव्हान गरेको छ । कुनै पनि बीमा कम्पनीले सभा आव्हान गरेका छैनन् ।

लगातार शेयर मूल्यमा घटिरहेको नेपाल टेलिकमको मूल्य यस साता स्थीर रह्यो ।

यस हप्ताको सूचीकरण

यस हप्ता सूचीकरण भएका कम्पनी निम्न रहेका छन् ।

कम्पनी	प्रकार
लुम्बिनी विकास बैंक	हकप्रद
सांग्रिला डेभलपमेन्ट बैंक	बोनस
सिन्धु विकास बैंक	बोनस
आइएमई जनरल इन्सुरेन्स	हकप्रद
समता लघुवित्त	बोनस

यस हप्ता र अगिल्लो हप्ताको बजार संक्षेप

विषय	यस हप्ता	अगिल्लो हप्ता	फरक
पूँजीकरण (रु.)	१४,२४,०८,९६,२०,०००	१३,९८,७८,३६,००,०००	१.८१ प्रतिशत
कारोबार रकम (रु.)	२,०८,९६,१०,०००	१,४२,८४,९०,०००	४६.२८ प्रतिशत
औसत दैनिक कारोबार (रु.)	४१,७९,२०,०००	२८,५७,००,०००	४६.२८ प्रतिशत
कारोबार (संख्या)	३३,७५९	२८,३८६	१८.९३ प्रतिशत
नेप्से सूचक	१,१६५.२०	१,१४४.४९	२०.७१ अंक

उच्च पूँजीकरण भएका ५ वटा कम्पनी

पूँजीकरण भनेको कुल सूचीकृत शेयरसंख्या र अन्तिम बजार मूल्यको गुणनफल हो । यस हिसाबले उच्च पूँजीकरण भनेको कारोबार रकम हैन ।

कम्पनी	यो हप्ता		गत हप्ता
कम्पनी	पूँजीकरण	अन्तिम मूल्य	पूँजीकरण	अन्तिम मूल्य
नेपाल दूरसञ्चार	१,०२,७५,००,००,०००	६८५	१,०२,७५,००,००,०००	६८५
नबिल बैंक	५८,४४,०६,४०,१७५	७२७	५७,३९,५६,२१,८५०	७१४
नेपाल इन्भेष्टमेन्ट बैंक	५६,८५,१४,३०,९९५	५३५	५६,३२,०१,०९,२१०	५३०
नेपाल लाइफ इन्सुरेन्स	४७,८८,२५,५२,४५४	१,०८९	४८,३२,२२,४५,३१४	१,०९९
स्ट्याण्डर्ड चार्टर्ड बैंक	४५,९८,५६,११,६४४	५७४	४५,५०,४९,२५,८०८	५६८

सर्वाधिक कारोबार भएका १० वटा कम्पनी

सर्वाधिक रकमको कारोबार हुने समुहमा वाणिज्य बैंक समुह रहेको छ । १० वटा कम्पनीको सूचीमा परेका यस हप्ताका कम्पनी तालिकामा उल्लेख गरिएको छ ।

कम्पनी	रकम
एनआईसि एशिया बैंक	१६,०४,४०,०००
नेपाल क्रेडिट एण्ड कमर्श बैंक	११,५९,००,०००
प्रभु बैंक	८,४८,९०,०००
एनएमवि बैंक	८,२९,००,०००
नेपाल बैंक	७,७०,८०,०००
सिभिल बैंक	६,०७,००,०००
नेपाल बंगलादेश बैंक	५,८१,६०,०००
एभरेष्ट बैंक	५,७१,४०,०००
माछापुच्छ्रे बैंक	५,६४,३०,०००
प्राइम बैंक	५,५४,३०,०००

कमाउने समुह

११ वटा समूह मध्ये ८ वटा समुहले कमाएका छन् । कारोबारमा अधिक हिस्सा ओगटेको वाणिज्य बैंक समुहले सर्वाधिक कमाएको छ । कमाउने समुहको अन्तिमा लहरमा वित्त समुह परेको छ । यस हप्ता व्यापार समुहको कारोबार भएको छैन ।

समुह	पहिलो दिन	अन्तिम दिन	अन्तर
वाणिज्य बैंक	९८९.५०	१०२४.७९	३५.२९
निर्जीवन बीमा	५,३४०.४८	५,३५७.८६	१७.३८
जीवन बीमा	५,८६८.०३	५,८८५.१९	१७.१६
विकास बैंक	१,४५०.२६	१,४६१.७९	११.५३
होटेल	१,७१९.६०	१,७३४.१९	१४.३९
उत्पादन र प्रशोधन	२,०४७.३५	२,०५२.३५	५
वित्त	६१३.६५	६१५.९०	२.२५
व्यापार	२४४.८९	२४४.८९	०

गुमाउने समुह

३ वटा समुहले गुमाएको छ । गुमाउने समुहको माथिल्लो स्थानमा लघुवित्त परेको छ । सबैभन्दा धेरै पूँजी भएको नेपाल टेलिकम सूचीकृत रहेको अन्य समुह दोस्रो र अहिले हेपिएको जलविद्युत समुह अन्तिम लहरमा परेको छ ।

समुह	पहिलो दिन	अन्तिम दिन	अन्तर
लघुवित्त	१,३७८.८७	१,३७२.३२	-६.५५
अन्य	७०९.६०	७०८.०४	-१.५६
जलविद्युत	१,१५६.२४	११५२.७४	-३.५

आगामी हप्ताको साधारणसभा

सूचीकृत कम्पनीले साधारणसभा आव्हान गर्ने र सम्पन्न गर्ने क्रम चलिरहेको छ । आगामी हप्ता साधारणसभा हुने कम्पनीको विवरण तालिकामा उल्लेख गरिएको छ ।

कम्पनी	सभा	प्रस्ताव	स्थान
सपोर्ट लघुवित्त	चैत्र २३ गते	३:२ हकप्रद र संचालक निर्वाचन	माँ कामाख्या होटेल, इटहरी
मिथिला लघुवित्त	चैत्र २३ गते	१० दशमलव ४५ प्रतिशत बोनस शेयर	वौवा होटल, लालगढ़
सामुदायिक लघुवित्त	चैत्र २४ गते	संचालक निर्वाचन	लहरीखर्क रिसोर्ट, नासिकास्थान
श्रीराम सुगर मिल्स	चैत २८ गते	संचालक निर्वाचन	प्रज्ञा भवन, कमलादी
ग्रीन डेभलपमेन्ट बैंक	चैत २८ गते	कार्यक्षेत्र थप	होटेल पिस प्यालेस, बाग्लुंग
हाथवे फाइनान्स	चैत २६ गते	हकप्रद रद्द गर्ने	होटेल द रत्न इन, धरान
सप्तकोशी डेभलपमेन्ट बैंक	चैत २७ गते	कावेली विकास बैंक गाभ्ने विशेष सभा	उद्योग संगठन मोरंग
कावेली विकास बैंक	चैत २७ गते	सप्तकोशी डेभलपमेन्ट बैंकसँग गाभिने	होटेल चिप एण्ड बेष्ट, धनकुटा

आगामी हप्ताको बुक क्लोज

साधारण र अन्य प्रयोजनको लागि घोषणा गरिएका बुक क्लोज सम्बन्धि विवरण तालिकामा उल्लेख छ ।

कम्पनी	बुक क्लोज	प्रस्ताव
शिवम सिमेन्ट	चैत २६ गते	१५ प्रतिशत नगद र संचालक निर्वाचन
ग्रामीण विकास लघुवित्त	चैत २९ गते	हकप्रद
सेन्चुरी बैंक	चैत २९ गते	२ प्रतिशत बोनस, ४ दशमलव ५ प्रतिशत नगद र संचालक निर्वाचन

सार्वजनिक निष्कासन

कम्पनी	अवधि	प्रकार
मेरो माइक्रोफ़ाइनान्स	चैत्र २४ सम्म	हकप्रद (१:१)
एनएमवि बैंक (१० प्रतिशत)	चैत्र २५ गतेसम्म	ऋणपत्र
हिमालय उर्जा विकास कम्पनी	चैत २५ गतेसम्म	प्राथमिक
नेपाल इन्सुरेन्स	चैत्र २५ सम्म	हकप्रद (१०:६.५)
युनियन हाइड्रोपावर	बैशाख १२ गतेसम्म (ढिलोमा)	प्राथमिक
सनराइज बैंक (१० प्रतिशत)	चैत २१ गतेदेखि ढिलोमा बैशाख १९ गतेसम्म	ऋणपत्र
एसियन लाइफ इन्सुरेन्स	चैत २५ देखि २०७६ बैशाख २९ गतेसम्म	हकप्रद (१०:६)

युनियन हाइड्रोपावरमा आवेदन गर्ने पहिलो म्याद सकिएपछी थप गरिएको हो । अन्तिम मिति भन्दा अगाबै पर्याप्त आवेदन परेमा जुनसुकै दिन बन्द हुनसक्छ ।

लिलामी शेयर

प्राथमिक र हकप्रद बाहेक लिलामीबाट पनि शेयर प्राप्त गर्न सकिने हुन्छ । लिलामी बिभिन्न कारणले हुनसक्छ ।

कम्पनी	प्रकार		बोलपत्र पेश गर्ने मिति
कम्पनी	साधरण	संस्थापक	बोलपत्र पेश गर्ने मिति
प्रोग्रेशिभ फाइनान्स	६,६७,३०५	-	चैत्र २८ गतेसम्म
सानिमा बैंक लिमिटेड	-	२७,१८,८३५	चैत ७ देखि चैत २५ गतेसम्म