घरबेटीको विद्युत‍्को व्यापार रोक्ने सरकारको तयारी : कति रुपैयाँ उठाउँछन्, तिर्नुपर्छ कति ?

घरबेटीको विद्युत‍्को व्यापार रोक्ने सरकारको तयारी : कति रुपैयाँ उठाउँछन्, तिर्नुपर्छ कति ?

A+ A A-

घर भाडामा बस्नेहरूलाई बिजुलीको बिलले दिक्क पार्ने गरेको छ । नेपाल विद्युत् प्राधिकरण र विद्युत् नियमन आयोगमा पनि यस्तो गुनासो बढ्दै गएका छन् । यस्ता गुनासो बढ्न थालेपछि विद्युत् नियमन आयोगले घरधनीहरूलाई भाडामा बस्नेसँग खपतका आधारमा तय भएको बिलको अधिकतम् दरभन्दा बढी महसुल नउठाउने व्यवस्था गर्न निर्देशन दिएको छ ।

आयोगले बुधबार नेपाल विद्युत् प्राधिकरणलाई यस्तो निर्देशन दिएको हो । ‘घरबाहलमा बस्नेलाई मिटरको खपतको आधारमा बिल हुँदा तय भएको अधिकतम् दरभन्दा बढी महसुल उठाउन नपाउने व्यवस्था गर्न निर्देशन गरिन्छ,’ आयोगले जारी गरेको निर्देशनमा भनिएको छ ।

काठमाडौंका अधिकांश घरबेटीले १५ रुपैयाँदेखि २० रुपैयाँसम्म प्रति किलोवाट शुल्क उठाउँदै आएका छन् । जबकि नेपाल विद्युत् प्राधिरकणले निर्धारण गरेको शुल्कमा अधिकतम् १२ रुपैयाँ रहेको छ । तर, १२ रुपैयाँ तिर्ने गरी बिल उठ्ने घरबेटी अपवाद मात्रै हुने विद्युत् प्राधिरकणको भनाइ छ ।

विद्युत् प्रयोगका आधारमा मू्ल्य निर्धारण गरिएको छ । विद्युत् प्राधिरकणले अधिकतम् १२ रुपैयाँ निर्धारण गरेको छ भने न्यूनतम् ३ रुपैयाँ निर्धारण गरकेो छ ।

कति विद्युत् प्रयोग गर्दा कति मूल्य ?

घरबेटीले नै विद्युतमा व्यापार गर्न थालेको गुनसो आएपछि अयोगले प्राधिकरणलाई बहालवालाले नै आफ्नो मिटर र सबमिटर लिन सक्ने व्यवस्था गर्ने विषयमा अध्ययन गरि निर्णय लिनसमेत निर्देशन दिएको छ । यस सम्बन्धमा अध्ययन गरी अर्को महसुल निर्धारण गर्नुअगाडि नै पेस गर्न भनेको छ ।

अर्कोपटक घरबहालामा बस्नेसँग असुल हुने महसुलको सम्बन्धमा आयोगले छुट्टै व्यवस्था गर्ने संकेत गरेको छ । यसअघि नेपाल विद्युत् प्राधिकरणका कार्यकारी निर्देशनसमेत मनपरी शुल्क नउठाउनको लागि घरबेटीलाई आग्रह गरेका थिए ।

प्रकाशित मिति: बुधबार, असार ३, २०७७ १५:१५