कर्णाली प्रदेशमा आगामी आर्थिक वर्षको बजेट प्रस्तुत, अन्य प्रदेशमा कति-कति बजे ?

कर्णाली प्रदेशमा आगामी आर्थिक वर्षको बजेट प्रस्तुत, अन्य प्रदेशमा कति-कति बजे ?

A+ A A-

कर्णाली प्रदेशले आगामी आर्थिक वर्षको लागि बजेट प्रस्तुत गरेको छ । प्रदेश योजना तथा आर्थिक मामिलामन्त्री प्रकाश ज्वालाले आगामी आर्थिक वर्षको लागि अहिले बजेट प्रस्तुत गरेका छन् ।

ज्वालाले कृषि, रोजगारी र स्वास्थ्य क्षेत्रलाई प्राथमिकतामा राखेर बजेट ल्याएको जानकारी प्रदेशसभामा गराएका छन् । कर्णाली प्रदेशले जेठ १८ गते नीति तथा कार्यक्रम प्रस्तुत गरेको थियो ।

यो पनि पढ्नुहोस

कोरोनाले मृत्यु भएमा कर्णाली प्रदेश सरकारले १ लाख दिने

त्यस्तै, सुदूरपश्‍चिम प्रदेशले दिउँसो ४ बजे आगामी आर्थिक वर्षको लागि बजेट प्रस्तुत गर्दैछ । सुदूरपश्‍चिम प्रदेशले जेठ १९ गते सार्वजनिक गरेको नीति तथा कार्यक्रमलाई केन्द्रित गरेर दिउँसो ४ बजे अर्थमन्त्री झपट बोहोराले बजेट प्रस्तुत गर्दै छन् ।

जेठ २३ गते नीति तथा कार्यक्रम प्रस्तुत गरेको प्रदेश १ ले दिउँसो ३ बजे आगामी आर्थिक वर्षको बजेट पेस गर्दै छ । प्रदेश १ का आर्थिक मामिला तथा योजनामन्त्री इन्द्रबहादुर आङ्बोले आगामी वर्षको बजेट प्रस्तुत गर्दै छन् ।

प्रदेश ५ ले पनि आगामी आर्थिक वर्षको बजेट दिउँसो ३ बजे नै प्रस्तुत गर्दैछ । जेठ १५ गते आगामी आर्थिक वर्षको नीति तथा कार्यक्रम सार्वजनिक गरेकोको सोही आधारमा प्रदेश मुख्यमन्त्री तथा आर्थिम मामिला तथा योजना मन्त्रीले बजेट प्रस्तुत गर्दै छन् ।

वागमति प्रदेशले साझ ५ बजे बजेट प्रस्तुत गर्दै छ । प्रदेश आर्थिक मामिला तथा योजना मन्त्री कैलाश ढंगेलले चालू बर्षकै हाराहारीको बजेट प्रस्तुत गर्दै छन् ।

अन्तर सरकारी वित्त व्यवस्थापन ऐन अनुसार प्रदेश सरकारले आगामी आर्थिक वर्षको लागि हरेक वर्षको असार १ गतेभित्र बजेट पेश गर्नु पर्ने हुन्छ ।

प्रकाशित मिति: सोमबार, असार १, २०७७ ११:४०