प्रदेश २ मा आज १ सय १० जनामा कोरोना, संक्रमितको संख्या २ हजार नाघ्यो

A+ A A-

प्रदेश २ मा पछिल्लो २४ घण्टामा १ सय १० जनामा कोरोना संक्रमण पुष्टि भएको छ । कोरोना पुष्टि हुनेमा १ सय ५ पुरुष र ५ जना महिला रहेका छन् ।

संक्रमितमध्ये धनुषाका १, सर्लाहीका ६, रौतहटका ७४, बाराका १२ र पर्साका १७ जना व्यक्ति रहेका छन् । योसँगै यस प्रदेशमा कुल संक्रमितको संख्या २ हजार २३ पुगेको छ ।

आज कोरोना पोजिटिभ देखिनेमा जनकपुरधाम उपमहानगरपालिका स्थित गोपाल धर्मशालाको क्वारेन्टाइनमा रहेका ३० वर्षीय पुरुष, सर्लाहीको बरहथवा नगरपालिकाका १९ वर्षीय पुरुष, सर्लाहीकै हरिपुर नगरपालिकाका १ देखि ४२ वर्ष उमेर समूहका ४, रौतहटको बृन्दाबन नगरपालिकाका १८ वर्षीय किशोरसहित २१ र २५ वर्षीय पुरुष, रौतहटकै परोहा नगरपालिकाका १ देखि १८ वर्ष उमेर समूहका २, सोही नगरपालिकाका १९ देखि ४० वर्ष उमेर समूहका ७ युवक, राजपुर नगरपालिकाका ५ वर्षीया बालिका, सोही नगरपालिका १४ वर्षका किशोरसहित १९ देखि ४० वर्ष उमेर समूहका ४ जना र १ देखि १८ वर्ष उमेर समूहका ८ जना पुरुष रहेका छन् ।

त्यस्तै, परोहा नगरपालिकास्थित लौकाहा माध्यमिक विद्यालयको क्वारेन्टाइनमा रहेका ३, १२ १५, १७ वर्षीय बालक, सोही क्वारेन्टाइनमा रहेका ४५ वर्षीय युवकसहित १९ देखि ४० वर्ष ११ जना पुरुष, रौतहटकै इशनाथ नगरपालिकाका ३० वर्षीया महिला, १० र १४ वर्षीय बालकसहित १ देखि १८ वर्ष उमेर समूहका ९ जना, सोही नगरपालिकाका १९ देखि ४० वर्ष उमेर समूहका ९ जना पुरुष, रौतहटकै देवाही गोनाही नगरपालिकाका १८ देखि ४० वर्ष उमेर समूहका ८ जना पुरुष, यमुनामाई गाउँपालिकाका १६ वर्षीय किशोर, २५ वर्षीय युवक, गढीमाई नगरपालिकाका १९ र २१ तथा माधव नारायण नगरपालिकाका ३५ वर्षीय पुरुष, अनोरीलाल माबी, ध्यूरा मावि, जनता मावि र पियुर एकेडेमीका क्वारेन्टाइनमा रहेका थप ४ जना पुरुषमा समेत कोरोना संक्रमण पुष्टि भएको छ ।

त्यस्तै, बाराको पचारौता नगरपालिकाका १६ वर्षीय बालकसहित १९ देखि ४० वर्ष उमेर समूहका १२ पुरुष, पर्साको पोखरिया नगरपालिकाका ३६ वर्षीया महिला, सोही नगरपालिकाका ४५ वर्षीय पुरुषसहित १९ देखि ४० वर्ष उमेर समूहका ८ जना पुरुष, पर्साकै वीरगञ्ज महानगरपालिकाकी ३० वर्षीया महिला, सखुवा पर्सौनी गाउँपालिकाका ४० वर्षीय पुरुष, बिन्ध्यवासिनी गाउँपालिकाका २६ वर्षीय पुरुष, जिरा भवानी गाउँपालिकाका ३२ वर्षीय पुरुष, धोकिनी गाउँपालिकाका २७ वर्षीय पुरुष, पर्सागढी नगरपालिकाकी ३१ वर्षीया महिला र पटेरवा सुगौली गाउँपालिकाका २० र २७ वर्षीय पुरुषमा पनि कोरोना पोजिटिभ देखिएको छ ।

प्रदेश २ मा आइतबारसम्म ३२ हजार २ सय ७ जना व्यक्तिको थ्रोट स्वाब परीक्षण गरिएकोमा २ हजार २३ जनाको नतिजा पोजिटिभ आएको छ भने १७ हजार १ सय २५ जनाको नेगेटिभ नतिजा आएको छ । त्यस्तै १३ हजार ६८ जनाको नतिजा आउन बाँकी रहेको छ ।

आरडीटीतर्फ अहिलेसम्म यो प्रदेशमा १५ हजार २ सय ५१ जनाको परीक्षण गरिएकोमा ७ सय ३० जनाको रिपोर्ट पोजिटिभ आएको छ भने १४ हजार ५ सय २० जनाको रिपोर्ट नेगेटिभ आएको सामाजिक विकास मन्त्रालयका सचिव डा. रामप्रसाद घिमिरेले जानकारी दिए ।

प्रदेशमा संक्रमित २ हजार २३ मध्ये सबैभन्दा बढी रौतहटमा ७ सय ४४, सर्लाहीमा ४ सय ८८, महोत्तरीमा १ सय ८८, धनुषामा १ सय ६०, पर्सामा १ सय ४४, सप्तरीमा १ सय २९, बारामा ९७ र सिरहामा ७३ जना रहेका छन् ।

प्रदेश २ को आठवटै जिल्लाका विभिन्न ठाउँहरूमा निर्माण गरिएको ३१ हजार ४ सय १७ बेड क्षमताको ४ सय ३१ वटा क्वारेन्टाइनमा अहिले १६ हजार ६ सय ५६ जनालाई राखिएको छ ।

त्यस्तै, १० हजार ९ सय ९० जनालाई होम क्वारेन्टाइनमा पठाइएको छ । साथै ७ वछै जिल्लामा निर्माण गरिएको १ हजार ४ सय १६ बेड क्षमताको आइसोलेसनमा ८ सय ३९ जना बिरामीलाई भर्ना गरिएको छ ।

प्रदेश नम्बर २ मा पछिल्लो २४ घण्टामा १ महिला र २४ पुरुष कोरोना जितेर डिस्चार्ज भएका छन् ।

प्रकाशित मिति: आइतबार, जेठ ३२, २०७७ २०:५६