प्रदेश २ : २४ घण्टामा २०४ जनामा संक्रमणको पुष्टि, ३९ जना उपचारपछि डिस्चार्ज

A+ A A-

पछिल्लो २४ घण्टामा प्रदेश-२ मा २ सय ४ जनामा कोरोना भाइरस संक्रमणको पुष्टि भएको छ । जसमध्ये ९ जना महिला र १ सय ९५ जना पुरुष रहेका छन् ।

सप्तरी जिल्लामा १८ जना, सिरहा जिल्लामा ११ जना, धनुषा जिल्लामा १५ जना, महोत्तरी जिल्लामा १६ जना, सर्लाही जिल्लामा ५७ जना, रौतहट जिल्लामा ८६ जना र बारा जिल्लामा १ जनामा कोरोना संक्रमणको पुष्टि भएको हो ।

सप्तरी जिल्लाको हनुमाननगर कंकालिनी नगरपालिकाका १ देखि १८ वर्ष उमेर समूहका ३ जना पुरुषमा कोरोना संक्रमणको पुष्टि भएको छ । सोही नगरपालिकामा नै ४८ वर्षीय पुरुषसहित १९ देखि ४० वर्ष उमेर समूहका १३ जना पुरुषमा कोरोना संक्रमणको पुष्टि भएको छ । सप्तरी जिल्लाकै महादेवा गाउँपालिकाका २८ र बोदेबर्साइन नगरपालिकाका ४८ वर्षीय पुरुषमा समेत कोरोना संक्रमण पुष्टि भएको छ ।

सिरहा जिल्लाको सिरहा नगरपालिकाका १ देखि १८ वर्ष उमेर समूहका ३ जना पुरुषमा कोरोना संक्रमणको पुष्टि भएको छ । त्यसैगरी सोही नगरपालिकाका ६० वर्षीय पुरुषसहित १९ देखि ४० वर्ष उमेर समूहका ६ जना पुरुषमा पनि कोरोना संक्रमण पुष्टि भएको छ । सिरहा जिल्लाकै गोलबजार नगरपालिकाका १७ वर्षीय किशोरमा कोरोना संक्रमण देखिएको छ ।

त्यसैगरी, सिरहाकै कर्जनहा नगरपालिकाका २२ वर्षीय पुरुष कोरोना पोजेटिभ देखिएको छ । धनुषा जिल्लाको गणेशमान चारनाथ नगरपालिकाका १ देखि १८ वर्ष उमेर समूहका २ जना पुरुष, सोही नगरपालिकाका १९ देखि ४० वर्ष उमेर समूहका ५ जना पुरुष, जनकपुर उपमहानगरपालिकाका १ देखि १८ वर्ष उमेर समूहका २ जना र १९ देखि ४० वर्ष उमेर समूहका ३ जना पुरुषमा कोरोना संक्रमणको पुष्टि भएको छ ।

धनुषा जिल्लाकै क्षिरेश्वरनाथ नगरपालिकाका २५ वर्षीय, सबैला नगरपालिकाका २२ वर्षीय र मिथिलाबिहारी नगरपालिकाका १६ वर्षीय पुरुषमा समेत कोरोना संक्रमणको पुष्टि भएको छ ।

महोत्तरी जिल्लाको भंगहा नगरपालिकाका २१ र २५ वर्षीय पुरुष, मठियानी नगरपालिकाका १ देखि १८ वर्ष उमेर समूहका ४ जना पुरुष, सम्सी गाउँपालिकाका १८ देखि ४३ वर्षसम्मका १० जना पुरुषमा कोरोना संक्रमणको पुष्टि भएको छ ।

सर्लाही जिल्लाको विष्णु गाउँपालिकाका १८ देखि ४६ वर्षसम्मका १० जना पुरुष, हरिपुर्वा नगरपालिकाका २९, ३५ र ४४ वर्षका पुरुष, ईश्वरपुर नगरपालिकाका १९, ३० र ३६ वर्षीय पुरुष, हरिवन नगरपालिकामा ६ वर्षीय बालिका र १९ देखि ४१ वर्षसम्मका ९ जना महिला १ देखि ५० वर्षसम्मका २० जना पुरुषमा कोरोना संक्रमण पुष्टि भएको छ ।

त्यसैगरी सर्लाही जिल्लाकै बसबरिया नगरपालिकाका उमेर खुल्न नसकेका ३ जना पुरुष तथा अर्का ५७ वर्षीय पुरुषगरी ४ जना, पर्सा गाउँपालिकामा ३२ वर्षीय पुरुष र उमेर खुल्न नसकेका अर्का १ जना पुरुष, ब्रम्हपुरी गाउँपालिकाका १९ र २९ वर्षीय पुरुष र कौडेना गाउँपालिकाका १८, २७ र २९ वर्षीय पुरुषमा कोरोना संक्रमण पुष्टि भएको छ ।

रौतहट जिल्लाको परोहा नगरपालिकाका १ देखि ५५ वर्षसम्मका ८६ जना पुरुषमा कोरोना संक्रमणको पुष्टि भएको छ । बारा जिल्लामा पनि २५ वर्षीय १ जना पुरुषमा कोरोना संक्रमणको पुष्टि भएको छ ।

त्यसैगरी पीसीआर परिक्षणमार्फत संक्रमण प्रमाणित भएका सप्तरी जिल्ला गजेन्द्र नारायण सिंह सगरमाथा अस्पतालअन्तर्गत रहेको राजविराजस्थित साईकृष्ण कोभिड १९ अस्पतालको आइसोलेसन कक्षमा ७ महिला र ९३ जना पुरुषगरी कुल १०० जना कोरोना संक्रमितको उपचार भइरहेको छ । सिराहा जिल्ला सिराहा अस्पतालअन्तर्गत रहेको महेन्द्र गेनाई कोभिड विशेष अस्पतालको आइसोलसन कक्षमा १६ जना पुरुष र २ जना महिला गरि कुल १८ कोरोना संक्रमितहरुको उपचार भइरहेको छ । सिराहा जिल्लाकै सिराहा नगरपालिकास्थित सिराहा कोभिड विशेष अस्पतालको आइसोलेसन कक्षमा २२ जना कोरोना संक्रमित पुरुषको उपचार भइरहेको छ ।

धनुषा जिल्लास्थित प्रादेशिक अस्पताल जनकपुरअन्तर्गत लक्ष्मीनिया गाउँपालिकामा रहेको विपि मेमोरियल पोलिटेक्निकल ईन्टिच्यूटको आइसोलेसन कक्षमा १ जना महिला र ६० जना पुरुष गरी कुल ६१ जना कोरोना संक्रमितको उपचार भइरहेको छ ।

महोत्तरी जिल्लाको जलेश्वर अस्पतालअन्तर्गतको कोभिड विशेष अस्पतालको आइसोलसन कक्षमा ७७ जना पुरुष कोरोना संक्रमितको उपचार भइरहेको छ । सर्लाही जिल्ला अस्पतालअन्तर्गत मंलगवामा रहेको अल्पामाई रामनारायण यादव नर्सिङ्ग कलेजको आइसोलेसन कक्षमा कोरोना संक्रमित १ सय ३३ जना पुरुष र ९ जना महिलागरी कुल १ सय ४२ जना कोरोना संक्रमितको उपचार भइरहेको छ । सर्लाही जिल्लाकै फरहदवा स्वास्थ्य चौकीको आइसोलेसन कक्षमा १ जना महिला र ९ जना पुरुषहरु गरी कुल १० जना कोरोना संक्रमितहरुको उपचार भइरहेको छ ।

रौतहटको चपुर अस्पतालमा २ जना महिला र ३१ जना पुरुष गरी ३३ जना कोरोना संक्रमितहरुको उपचार भइरहेको छ । रौतहटको गौर नगरपालिकामा रहेको गौर नर्सिङ्ग ईन्स्टिच्यूटको आईसोलेसन कक्षमा २ जना महिला र ३१ जना पुरुषगरी कुल ३३ जना कोरोना संक्रमितको उपचार भइरहेको छ ।

रौतहटकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा २५ जना पुरुष र देवाही गोनाही नगरपालिकास्थित जय किसन उच्च माध्यमिक विद्यालयको आइसोलेसनमा २ जना महिला र ९५ जना पुरुषगरी कुल ९७ जना कोरोना संक्रमितहरुको उपचार भइरहेको छ । रौतहड जिल्लाकै गरुडा नगरपालिकामा रहेको नेपाल प्रहरी विद्यालयमा १९ जना पुरुष कोरोना संक्रमितको उपचार भइरहेको छ ।

बारा जिल्लाको कलैया अस्पतालको आइसोलेसन कक्षमा ३ जना महिला ३० जना पुरुषगरी कुल ३३ जना कोरोना संक्रमितको उपचार भइरहेको छ । पर्सा जिल्लामा नारायणी अस्पतालअन्तर्गत रहेको कोभिड १९ विषेश अस्पताल गण्डक अस्पतालमा ३३ जना पुरुष र ६ जना महिलागरी कुल ३९ जना कोरोना संक्रमितको उपचार भइरहेको छ ।

त्यसैगरी सिराहा जिल्ला सिराहा नगरपालिकास्थित सिराहा कोभिड विशेष अस्पताल सिराहामा १७ जना, प्रादेशिक अस्पताल जनकपुर अन्तर्गत रहेको कोभिड १९ विशेष अस्पतालमा ६ जना गरी कुल २३ जना कोरोना आसंकीत बिरामीको उपचार भइरहेको छ ।

पछिल्लो २४ घण्टामा यस प्रदेश-२ मा २ महिला र ३७ पुरुषगरी ३९ जना कोरोना संक्रमित उपचारपश्चात डिस्चार्ज भएका छन् । जसअनुसार सप्तरी जिल्ला राजविराज नगरपालिकास्थित गजेन्द्र नारायण सिंह सगरमाथा अस्पताल अन्तर्गत रहेको कोभिड विशेष अस्पतालको आइसोलेसन कक्षबाट जेठ २९ गते १६ जना पुरुष र १ जना महिलागरी १७ जना कोरोना संक्रमित उपचारपश्चात डिस्चार्ज भएका छन् ।

त्यसैगरी महोत्तरी जिल्ला जलेश्वर नगरपालिका स्थित जलेश्वर अस्पताल अन्तर्गतको कोभिड विशेष अस्पतालको आइसोलेसन कक्षबाट आज १ महिला र ११ जना पुरुषगरी कुल १२ जना कोरोना संक्रमितहरु उपचार पश्चात डिस्चार्ज भएका छन् ।

धनुषा जिल्ला लक्ष्मीनिया गाउँपालिकामा रहेको विपि मेमोरियल पोलिटेक्निकल ईन्टिच्यूटको आइसोलेसन कक्षबाट १० जना कोरोना संक्रमित पुरुष उपचारपश्चात डिस्तचार्ज भएका छन् । पछिल्लो चौविस घण्टामा डिस्चार्ज भएका ३९ जनासहित यस प्रदेशका ४ सय २० जना कोरोना संक्रमित उपचारपश्चात डिस्चार्ज भइसकेका छन् ।

प्रकाशित मिति: शुक्रबार, जेठ ३०, २०७७ १८:५३