३२ जेठदेखि असार ११ सम्म विदेशमा अलपत्र नागरिकको उद्धार, देशगत भाडादर र उडान तालिका सार्वजनिक

३२ जेठदेखि असार ११ सम्म विदेशमा अलपत्र नागरिकको उद्धार, देशगत भाडादर र उडान तालिका सार्वजनिक

A+ A A-

सरकारले आगामी ३२ जेठदेखि ११ असारसम्म कोरोना कारण विभिन्न देशमा अलपत्र नागरिको उद्धार गर्ने कार्यतालिका तयार गरेको छ ।

नेपाली र विदेशी एयरलायन्सले गरेर ६७ वटा उडानमार्फत् पहिलो चरणमा २४ हजार नेपालीको उद्धार गर्ने निर्णय संस्कृति, पर्यटन तथा नागरिक उड्डयन मन्त्रालय कार्यतालिका प्रधानमन्त्रीको कार्यालयमा बुधबार नै बुझाएको छ ।

मन्त्रालयले नेपाल वायुसेवा निगम र हिमालय एयरलायन्सलाई ३२ जेठबाट हुने विस्तृत उद्धार तालिका बुधबार नै पठाएको छ । कुनकुन देशबाट कुन एयरलायन्सले कतिको उद्धार गर्ने भनेर समेत तयार पारिएको छ । सरकारले पहिलो चरणमा विभिन्न देशबाट २४ हजार कोरोना कारण अलपत्र परेका नागरिक उद्धार गर्ने सूची तयार पारेको छ ।

नेपाल वायुसेवा निगम र हिमालय एयरलायन्स १० उडानबाट २ एयरलायन्सले दैनिक १ हजार ८ सय जनाको उद्धार गर्ने छन् । मन्त्रालयले उडानको भाडासमेत तय गरेर मन्त्रिपरिषद् कार्यालय र परराष्ट्र मन्त्रालयमा पठाएको छ ।

निगमसँग १ सय ५८ सिट क्षमताका एयरबस ३ सय २० सिरिजका २/२ सय ७४ सिट क्षमताका एयरबस ३ सय ३० सिरिजका २ थान जहाज छन् । हिमालय एयरलायन्सका पनि १ सय ५८ सिट क्षमताका एयरबस ३ सय २० सिरिजका ३ थान जहाज छन् । यी २ एयरलाइन्सले उद्धार गरेर अपुग भए आन्र्तराष्ट्रिय एयरलाइन्स ल्याइने मन्त्रालयले जनाएको छ ।

उद्धार उडान तालिका

नेपाल वायुसेवा निगमको जहाज वाइडबडीले ३२ गते बंगलादेशमा पहिलो उडान गरी नेपाली नागरिक उद्धार गरेर ल्याउने भएको छ । लगत्तै असार १ गते साउदी अरब, मलेसिया, कम्बोडिया, सिंगापुर, र ओमनबाट १/१ उडान चार्टर्ड गर्ने तालिकामा छ ।

यसैगरी असार २ गते कतार, यूएई, कुवेत र श्रीलंकाबाट १/१ उडानमार्फत् चार्टर्ड गरेर उद्धार गर्ने कार्यतालिका छ ।

असार ३ गते बैंकक, अस्ट्रेलिया, बंगलादेश, बहराइन, कतार र अमेरिकाबाट १/१ उडान गरेर उद्धार हुँदै छ । असार ४ गते यूएई, मलेसिया, साउदी अरब र ओमनबाट १/१ चार्टर्ड उडान हुने पर्यटन मन्त्रालयले जनाएको छ ।

५ असारमा कुवेत, साउदी अरब, जापान र नाइजेरियाबाट २/२ उडान हुने मन्त्रालयको तालिकामा छ । ६ असारमा मलेसिया, कतार, यूएई, साइप्रस, बंगलादेश र युरोपबाट १/१ चार्टर्ड उडान तय गरिएको छ । ७ गते ओमान, कुवेत, दक्षिण कोरिया, मलेसियाबाट २/२ चार्टर्ड उडान गर्न कार्यतालिका रहेका पर्यटन मन्त्रालयले जनाएको छ ।

असार ८ गते बैंकक, पाकिस्तान, अस्ट्रेलिया र कतारबाट १/१ चार्टर्ड उडान छ । असार ९ गते माल्दिभ्स, जापान, यूएई र युगान्डाबाट २/२ चार्टर उडान तय भएको छ । असार १० गते कुवेत र साउदीबाट २/२ उडान हुनेछ । त्यसैगरी असार ११ गते साइप्रस र अमेरिकाबाट १/१ उडान गर्न तय भएको छ ।

उद्धार गर्दा लाग्ने भाडादर अमेरिकी डलरमा

हिथ्रो (युके १३५०), फ्र्यांकफर्ट (जर्मनी १२५५), नारिता, जापान (९३५), बैंकक, थाइल्यान्ड (३९०), साउदी अरब दमाम (५९०), साउदी अरब रियाद (६३०), साउदी अरब जेदाह (७७०), ओमन (५१०ं) मलेसिया (५२०), दोहा, कतार (५४५), युएई (५००), कुवेत (५७०), बहराइन (५४५), ओमन (८१५) माले, माल्दिभ्स (५०५), हङकङ (५५०), साइप्रस (८७५) दिल्ली (२०५), मुम्बई (३१०), बेंग्लोर (३३५), ढाका, बंगलादेश (१६५), कम्बोडिया (४००) र सुडान (९४०) भाडादर तोकिएको छ । सरकारले ताेकेभन्दा धेरै भाडादर नलिन सम्बनधीत निकायलाइ मन्त्रालयले अपिलसमेत गरेकाे छ ।

प्रकाशित मिति: बिहीबार, जेठ २९, २०७७ ०९:२५