भण्डारमै थन्कियो अलैँची, किसान मर्कामा :: शिलापत्र संवाददाता :: Shilapatra शिलापत्र - खबरको स्थायी ठेगाना

भण्डारमै थन्कियो अलैँची, किसान मर्कामा :: शिलापत्र संवाददाता :: Shilapatra शिलापत्र - खबरको स्थायी ठेगाना

The Next

The Next

DAV

DAV

भण्डारमै थन्कियो अलैँची, किसान मर्कामा

फाइल तस्वीर

A+ A A-

ओसिलो जमिन धेरै भएको ठाउँ हो बागलुङको ताराखोला गाउँपालिका । यहाँ परम्परागत आलु, गहुँ, कोदो, जौ, फापर र धानखेतीसमेत हुन्छ ।

पाखोबारी र खेतहरूमा लगाएको परम्परागत खाद्यान्न बालीले गुजारा नचलेपछि ताराखोलाका अधिकांश किसानले नगदेबाली लगाउन थालेका छन् । उनीहरू नगदेबालीतर्फ लागेको केही वर्ष भयो ।

काेही आलुको व्यावसायिक खेती गर्छन् भने कसैले खेतबारी र पाखाहरूमा अलैँची लगाएका छन् । ओसिलो ठाउँमा हुने मसला बाली हो अलैँची ।

यसको उत्पादनका लागि आवश्यक वातावरण भएकाले ताराखोलामा अलैँची राम्रो फल्छ । गत वर्ष पनि यहाँका किसानले झण्डै एक हजार ५ सय किलो अलैँची फलाएका छन् । मङ्सिरमा टिप्ने र बिक्री तथा भण्डारपूर्व सुकाउने वा भट्टीमा राख्नुपर्ने भएकाले किसानले चैत वैशाखसम्म यसको तयारी सक्ने गरेका छन् ।

किसानले विधि पुर्‍याउँदा–पुर्‍याउँदै कोरोना भाइरस सङ्क्रमण रोकथाम तथा नियन्त्रणका लागि सरकारले लागू गरिएको बन्दाबन्दीले यो वर्ष ताराखोलाको अलैँची बजारसम्म पुर्‍याउन सकिएन ।

'सिजन शुरु हुँदा लकडाउन भइदियो, ढुवानीकै समस्या भयो', ताराखोला गाउँपालिका–१ भुस्कातका व्यावसायिक अलैँची किसान दीपेन्द्रध्वज भण्डारीले भने, 'आम्दानी राम्रो हुन्थ्यो, बेच्न पाएको भए खर्च चल्थ्यो ।'

घुमुवा व्यापारी र बिचौलिया छलेर यो वर्ष सिधै बजारमा अलैँची पुर्‍याउने योजनामा किसान थिए । गाउँमै खोज्न आउनेहरूले केहीले धेरै र केहीले किसानको दुःखसमेत नउठ्ने गरी मूल्य दिने भएकाले बजारसँगको सिधा सम्पर्क बढाउन चाहेको उनले बताए ।

'वर्षेनी उत्पादन बढ्दै जाने बाली हो अलैँची', भण्डारीले भने, 'यो वर्षको घरमै थन्कियो भने अर्को वर्षको उत्पादन लिने बेलासम्म रहन्छ ।'

राताखोलाको भुस्कातमा मात्रै हजार रोपनीभन्दा धेरै जमिनमा व्यावसायिक अलैँचीको खेती गरिएको छ । पालिकाका सबै वडाका ओसिलो ठाउँलाई एकीकृत गरेर अलैँची ब्लक घोषणा गरिएको छ । ब्लक भएकाले यहाँका किसानलाई बीउबिजन, भण्डारण र तालिमलगायतका सबै सुविधा कृषि ज्ञान केन्द्र पर्वतले दिने गरेको ताराखोला गाउँपालिकाका कृषि शाखाका प्रमुख कर्णखर भट्टराईले बताए ।

'यहाँका किसानले दाना मात्रै होइन, बिरुवाबाट समेत राम्रै आम्दानी गर्नुभएको छ', उनले भने, 'लकडाउनका कारण बिरुवाको निकासीमा पनि समस्या भएको छ ।'

ताराखोलामै व्यावसायिकरूपमा अलैँचीका बिरुवा उत्पादन र बिक्री गर्दै आएको राष्ट्रिय अलैँची विकास कृषि उपज केन्द्रले गत वर्ष झण्डै छ लाख रूपैयाँका बिरुवा बिक्री गरेको थियो । यो वर्षसमेत एक लाख बिरुवा तयार गरेर बिक्री गर्ने योजना भए पनि लकडाउनका कारण समस्या भएको केन्द्रले जनाएको छ ।

ताराखोलाको अलैँची प्रतिकिलो ७ सयभन्दा धेरै मूल्यमा बिक्री हुने गरेको छ । यहाँ उत्पादित बिरुवा ६ रूपैयाँ प्रतिगोटामा बिक्री हुने गरेका छन् । कृषि उपजको निकासी र बजारीकरणमा सरकारले सहयोग गर्नुपर्ने किसानको माग छ ।

कृषि बजार केन्द्र सञ्चालन बिचौलीयाको मारमा परेका किसान र उपभोक्तालाई सहयोग पुर्‍याउन भन्दै बागलुङ नगरपालिकाले कृषि बजार केन्द्र सञ्चालनमा ल्याएको छ । किसानले उत्पादन गरेका ताजा तरकारी विनबिचौलिया उपभोक्ताले खरिद गर्न पाउने गरी बागलुङ नगरपालिका–३ गुठीमा आजदेखि बजार सञ्चालनमा आएको हो ।

गत आर्थिक वर्षदेखि सुरू भएको कृषि बजार केन्द्र सञ्चालनका लागि पूर्वाधार निर्माणको काम सकिएपछि मंगलबारदेखि बजार सञ्चालनमा आएको हो ।

बजारको शुभारम्भ गर्दै नगरप्रमुख जनकराज पौडेलले किसान र उपभोक्ता सिधा सम्पर्कमा रहने यो बजारका कारण दुवै पक्षलाई फाइदा पुग्ने बताए । जिल्ला कृषि सहकारी सङ्घको व्यवस्थापनमा निर्माण गरिएको बजार केन्द्रको पूर्वाधारका विषयमा सङ्घका अध्यक्ष नरबहादुर थापाले जानकारी गराए ।

बागलुङ नगरपालिकाको आठ लाख रूपैयाँ अनुदान तथा कृषि सहकारी संघको एक लाख ६२ हजार रूपैयाँ श्रमदानमा बजार सञ्चालनका लागि पूर्वाधार निर्माण गरिएको थियो ।

नगरपालिकाका अनुसार तत्कालका लागि शनिबार र मङ्गलबार यहाँ ताजा तरकारीको बजार लाग्ने छ । किसानले स्वःस्फुर्त उत्पादित वस्तुको मूल्य निर्धारण गर्ने र उपभोक्ताले सिधै किसानसँगबाट तरकारी तथा फलफूल खरिद गर्न सक्ने व्यवस्था मिलाइएको प्रमुख पौडेलले बताए । (रासस)

प्रकाशित मिति: मंगलबार, जेठ २७, २०७७ १५:०१

शिलापत्र संवाददाता

प्रतिक्रिया दिनुहोस्

भर्खरै

सचिव र सांसदको माग– टीआरसी र बेपत्ता आयोगकाे नेतृत्वमा निष्पक्ष व्यक्ति चाहियाे

सचिव र सांसदको माग– टीआरसी र बेपत्ता आयोगकाे नेतृत्वमा निष्पक्ष व्यक्ति चाहियाे

रहेनन् प्युठानका भेल्लु बाजे

रहेनन् प्युठानका भेल्लु बाजे

प्रधानमन्त्रीसँग भारतका महालेखापरीक्षकको शिष्टाचार भेट

प्रधानमन्त्रीसँग भारतका महालेखापरीक्षकको शिष्टाचार भेट

सहकारी समस्या समाधानका लागि व्यवस्थापन समिति गठन, अध्यक्षमा पूर्वन्यायाधीश गौतम

सहकारी समस्या समाधानका लागि व्यवस्थापन समिति गठन, अध्यक्षमा पूर्वन्यायाधीश गौतम

किन नेपालभर डाउन भयाे इन्टरनेट, यस्ताे छ विवादकाे नालीबेली

किन नेपालभर डाउन भयाे इन्टरनेट, यस्ताे छ विवादकाे नालीबेली

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ अपडेटः यस्तो छ प्रारम्भिक मतपरिणाम

इलाम २ अपडेटः यस्तो छ प्रारम्भिक मतपरिणाम

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

विचार

आफ्नै सामर्थ्य नबुझेर अलमलिएका स्थानीय सरकार

आफ्नै सामर्थ्य नबुझेर अलमलिएका स्थानीय सरकार

पसिना बगाउनेहरूलाई हेलाहोचो गरेर कसरी आऊला समृद्धि ?

पसिना बगाउनेहरूलाई हेलाहोचो गरेर कसरी आऊला समृद्धि ?

लगानी सम्मेलन : यसअघि गरिएका लगानी प्रतिबद्धता कार्यान्वयन भए कि भएनन्, खाेजी हुनुपर्छ

लगानी सम्मेलन : यसअघि गरिएका लगानी प्रतिबद्धता कार्यान्वयन भए कि भएनन्, खाेजी हुनुपर्छ

ब्लग

कसरी हटाउने सार्वजनिक सवारीको बेथिति ?

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

छोटो तर मनमोहक पदयात्रा 'लाङटाङ'

शिक्षा

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?

जनकपुरकाे याज्ञवल्क्य स्कुलमा विद्यार्थीकाे आकर्षण, प्रवेश परीक्षा दिने आधाले मात्रै पाए भर्ना

जनकपुरकाे याज्ञवल्क्य स्कुलमा विद्यार्थीकाे आकर्षण, प्रवेश परीक्षा दिने आधाले मात्रै पाए भर्ना