अब दराजकाे निःशुल्क गेम खेल्नुहाेस्, १६०० रूपैयाँसम्मको भाैचर जित्नुहाेस्

अब दराजकाे निःशुल्क गेम खेल्नुहाेस्, १६०० रूपैयाँसम्मको भाैचर जित्नुहाेस्

A+ A A-

नेपालकाे अग्रणी अनलाइन बजार दराजले 'दराज फस्ट गेम्स (डीएफजी) सञ्चालनमा ल्याएको छ । दराजका प्रयोगकर्ताहरूले निःशुल्क अनलाइन गेमहरू खेल्न पाउनुका साथै डीएफजीमार्फत १६०० रूपैयाँसम्मको भाैचरसहित अन्य रोचक पुरस्कारहरू जित्न सक्ने दराजले जानकारी गराएकाे छ ।

प्रयोगकर्ताहरूले जितेकाे रकम उनीहरूले अनलाइन शपिङ गर्दा प्रयोग गर्न सक्ने कम्पनीले जनाएकाे छ । लकडाउनका कारण घरैमा बस्दा अल्छीपनालाई हटाउन कम्पनीले विभिन्न राेचक खेलहरू ल्याएकाे र पछिल्लो समयमा लोकप्रिय बँदै गएको कम्पनीकाे दाबी छ ।

नेपालका ग्राहकहरूको मनोरन्जनको बढ्दो माग पूरा गर्न दराजले विश्वकै सबैभन्दा लोकप्रिय गेमिङ प्लेटफर्महरूमध्ये एक पेटीएम फस्ट गेम्ससँग मिलेर डीएफजी सुरू गरेको हो । पेटीएमसँगको साझेदारीका साथ दराजले पेटीएमको उच्च प्रविधि र डिजिटल गेमिङ क्षेत्रमा रहेको अनुभवको फाइदा लिन सक्नेछ । साथै, डीएफजीका साथ दराज प्रयोगकर्ताहरूले एउटै प्लेटफर्ममा सबै प्रकारका विश्वप्रसिद्ध गेमहरूको फाइदा लिन सकिने दराजको विश्वास छ ।

दराज फस्ट गेम्समा प्रयोगकर्ताहरूले रेसिङ, एक्सन, शुटिङ, र आर्केड र अन्य धेरै प्रकारका गेमहरू निःशुल्क खेल्न सकिनेदराजले जनाएकाे छ । साथै, गेमरहरूले दुबै टुर्नामेन्ट मोड र १ः१ मोडमा भाग लिन सक्नेछन् । जहाँ उनीहरूले आफ्ना साथीभाइ, परिवार वा अन्य प्रयोगकर्ताहरूसँग अनलाइन खेल्न सक्ने दराजले जानकारी दिएको छ ।

हाल गेमरहरूले दराज फस्ट गेम्समा लुडो, निन्जा डुअल, बाइक रेसिंगलगायतका १९ वटा गेमहरू खेल्न सक्नेछन् । दराजको एन्ड्रोइड एपमा खेलहरू खेल्न सकिने कम्पनीले जनाएकाे छ ।

डीएफजीका खेल खेल्न र जित्न प्रयोगकर्ताहरूले के गर्ने ?

– दराज एप डाउनलोड गरेर ओपन गर्ने
– दराज अकाउन्ट खोलेर र लगइन गर्ने
– होमपेजमा डीएफजीको आइकनमा ट्याप गर्नुहोस्
– खेल खेल्न र अंकहरू जित्नका लागि कुनै पनि गेम चयन गर्नुहाेस् र खेल्न थाल्नुहाेस् ।

प्रकाशित मिति: शुक्रबार, जेठ २३, २०७७ १७:२५