डडेल्धुराका ५ जनामा कोरोना पुष्टि, सुदूपश्चिममा संक्रमितको संख्या ९२ पुग्यो

डडेल्धुराका ५ जनामा कोरोना पुष्टि, सुदूपश्चिममा संक्रमितको संख्या ९२ पुग्यो

A+ A A-

सुदूरपश्चिम प्रदेशमा थप ६ जनामा कोरोना पुष्टि भएको छ । शुक्रबार धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा थप ६ जनामा कोरोना पुष्टि भएको हो । योसँगै सुदूरपश्चिममा कोरोना संक्रमितको संख्या ९२ पुगेको छ ।

कोरोना संक्रमितमध्ये ५ जना डडेल्धुराका र १ जना कैलालीका रहेका छन् । कोरोना संक्रमित देखिनेमा डडेल्धुराको गन्यापधुरा गाउँपालिका-१ का ३८ र १७ वर्षका पुरुष, वडा नम्बर २ का २४, १९ र ५७ वर्षका पुरुष रहेका छन् भने कैलालीको जानकी गाउँपालिका–७का १६ वर्षीय पुरुष रहेको सेती प्रादेशिक अस्पतालका सूचना अधिकारी दिलीपकुमार श्रेष्ठले जानकारी दिए ।

यसअघि सुदूरपश्चिममा बिहीबार ५ जनामा कोरोना पुष्टि भएको थियो । बिहीबार कैलालीको फूलवारीकी २२ वर्षीया युवती र २६ वर्षीय पुरुष, कैलालीकै घोडाघोडी नगरपालिकाका–११ का ३२ वर्षीय पुरुष, अछाम साँफेवगरका २९ वर्षीय पुरुष र बझाङ विथ्थडचिरका २६ वर्षीय पुरुषमा कोरोना पुष्टि भएको थियो।

तेस्तै बुधबार ८ जना कोरोनामा पुष्टि भएको थियो । बुधबार डोटीको पूर्वीचौकी गाउँपालिका ४ की ४५ वर्षीय महिला, २७ वर्षीय पुरुष र २२ वर्षीय पुरुष, पूर्वीचौकी गाउँपालिका–४ का २२ वर्षीय र पूर्वीचौकी गाउँपालिका–७ का २५ वर्षीय पुरुषमा कोरोना पुष्टि भएको थियो भने धनगढी उप–महानगरपालिका–५ का ५१ वर्षीय पुरुष, गौरीगंगा नगरपालिकाका २० र २५ वर्षीय पुरुषमा कोरोना पुष्टि भएको थियो ।

सुदूरपश्चिममा मंगलबार एकै दिन थप २७ जनामा कोरोना पुष्टि भएको थियो । धनगढीस्थित कोरोना परीक्षण प्रयोगशालामा १८ र सुर्खेतको प्रयोगशालामा ९ जना गरी २७ जनामा कोरोना पुष्टि भएको थियो। धनगढीमा गरिएको परीक्षणमा कैलालीका १० र कञ्चनपुरका ८ जनामा कोरोना पुष्टि भएको थियो।

कैलालीको टीकापुर नगरपालिकाको कर्णाली मावि क्वारेन्टाइनमा रहेका २०, ३५ र ६३ वर्षीय पुरुष र १८ वर्षीया युवतीमा कोरोना पुष्टि भएको थियो । धनगढी उप–महानगरपालिका ३ त्रिभुवन माविको क्वारेन्टाइनमा रहेका ३२ वर्षीय पुरुष, गौरीगंगा नगरपालिकाको कालिका माविको क्वारेन्टानमा रहेका १९, २०, २४, २८ र ३२ वर्षीय पुरुषमा कोरोना पुष्टि भएको थियो ।

यस्तै, कञ्चनपुरको पुनरवास नगरपालिकाका ३३, ३५, ३६ र ५२ वर्षीय पुरुष, लालझाडी गाउँपालिकाका ३३ वर्षीय पुरुष, कञ्चनपुरको आइविआरडीमा रहेको क्वारेन्टाइनमा रहेका २८ र ३० वर्षीय पुरुष र महाकाली अस्पतालमा रहेका ५० वर्षीय पुरुषमा कोरोना संक्रमण देखिएको थियो।

यस्तै सुर्खेतमा गरिएको परीक्षणमा अछामको मेल्लेख गाउँपालिकाका २ महिलासहित ८ जना र मंगलसैन नगरपालिकाका १ गरी ९ जनामा कोरोना पुष्टि भएको थियो । अछामकै चौरपाटी गाउँपालिकाका १ जनामा सोमाबर साँझ मात्रै सुर्खेतमा गरिएको परीक्षणमा कोरोना पुष्टि भएको थियो ।

सुदूरपश्चिमका ९२ जना संक्रमितमध्ये ८८ जना प्रदेशभित्रै रहेका छन् भने बझाङ र बाजुराका १/१ संक्रमितको भने कर्णाली प्रदेशमा उपचार भइरहेको छ । यहाँका १ जना संक्रमितको मृत्यु भइसकेको छ भने ७ जना प्रदेशभित्रबाटै निको भएर घर फर्किसकेका छन् ।

सबैभन्दा बढी कैलालीका ४० जना, अछामका १४, कञ्चनपुरमा १०, डोटीका १०, बैतडीका र डडेल्धुरामा ६/६, बाजुराका तीन, बझाङमा २ र दार्चुलाका १ जनामा कोरोना पुष्टि भएको छ ।

प्रकाशित मिति: शुक्रबार, जेठ २३, २०७७ १२:२४