प्रेममा पाएकाे धाेकाले लिएकाे थियाे जिया खानकाे ज्यान

A+ A A-

बलिउड अभिनेत्री जिया खानकाे मृत्युकाे एक सातापछि उनकी बहिनी कविताले ६ पन्नाकाे एक चिट्ठी भेटिन् ।

यद्यपि, याे चिट्ठीमा कसैकाे नाम उल्लेख गरिएकाे थिएन । तर, यसले जियाकाे ब्वाइफ्रेन्ड सूरज पन्चाेलीतिर इशारा गरिररहेकाे थियाे ।

याे चिट्ठीमा स्पष्टरूपमा लेखिएकाे थियाे कि उनी भित्रैदेखि टुटिसकेकी थिइन् । लगातार धोका पाएकाले उनमा जिउने अाशा मरिसकेकाे थियाे ।

जिया खानले जीवनमा मात्र तीन फिल्ममा काम गरिन् । जियाले राम गोपाल वर्माकाे फिल्म 'निशब्द' बाट बलीउडमा डेब्यू गरेकी थिइन् । आज भलै उनी याे संसारमा छैनन्, तर, एक समय यस्ताे थियाे जतिबेला उनलाई शानदार अभिनयका लागि चिनिन्थ्याे ।

'निशब्द'मा उनी अमिताभ बच्चनसँग देखिएकी थिइन् । जिया, आमिर खानकाे फिल्म 'गजनी' र अक्षय कुमार काे फिल्म 'हाउसफुल' मा पनि देखिएकी थिइन् । हाउसफुल उनकाे अन्तिम फिल्म थियाे ।

जिया आफ्नाे फिल्मी करियरलाई लिएर निकै सचेत थिइन् । तर, यसबीचमा उनी प्रेममा परिन् र आफ्नाे सबै कुरा काेही अरूमा समर्पण गरिदिइन् ।

जिया खानले आफ्नाे अन्तिम चिट्ठीमा लेखेकी थिइन्, 'अब गुमाउन केही बाँकी छैन । यदि तिमी याे पढिरहेका छाै भने यसकाे मतलव याे हाे कि म या त गइसकेकी छु वा यसकाे तयारीमा छु । म आफ्ना आगामी दिन तिम्राे साथमा देखेकाे थिएँ । तर, तिमीले मेरा ती सपना चूरचूर पारिदियाै । अहिले यस्ताे लाग्छ कि म भित्रैदेखि मरिसकेकी छु ।'

एक अन्तर्वार्तामा सूरज पन्चाेलीले बताएका थिए कि उनी जियासँग फेसबुकमार्फत जाेडिएका थिए र केही दिनमै मिल्ने साथी बनेका थिए । यद्यपि, सीबीआईकाे चार्जसिटमा भएकाे खुलासामा जियाकाे मृत्युभन्दा अघिल्लाे बिहानसम्म सूरजसँग सम्बन्ध निकै खराब भइसकेकाे थियाे । (अमर उजाला)

प्रकाशित मिति: बुधबार, जेठ २१, २०७७ १६:४५