सूचनाको हक सम्बन्धि विधेयकमाथि छलफल सुरु

A+ A A-

प्रदेश ३ मा मंगलबार बसेको संसद बैठकमा नियमापत्ति जनाएका छन् ।

विधेयकमाथि छलफलको क्रममा सरकारको प्रतिनिधि सभामा नभएको भन्दै सांसदहरुले नियमापत्ति गरेक हुन् । संसदले नियमापत्ति गरेपछि प्रदेश सभा ३ को मंगलबारको बैठक ५ मिनेट स्थगित गर्नुपरेको थियो ।

प्रदेश सूचनाको हक सम्बन्धि विधेयकको सैद्धान्तिक छलफलको क्रममा प्रदेश सभाका सदस्यहरुले विधेयकमाथि छलफल गरिरहँदा सरकारका प्रतिनिधि संसद हलमा नभएपछि प्रदेश सभा सदस्यहरुले नियमापत्ति गरेका थिए । एकै चोटी तीन जना प्रदेश सभा सदस्यहरु रिना गुरुङ, गिता वाग्ले र रिता माझीले हात उठाएर नियमापत्ती गरेका हुन् । प्रदेशसभा सदस्य शान्ती प्रसाद पौडेलले बोल्न सुरु गर्ने बित्तिकै साँसदहरुले नियमापत्ति गरेपछि सभामुख सानुकुमार श्रेष्ठले प्रदेश सभाको वैठक ५ मिनेटको लागि स्थगित गरेका थिए ।

सोमबार आन्तरिक मामिला तथा कानून मन्त्रालयको तर्फबाट प्रदेश सभाको बैठकमा सूचनाको हक सम्बन्धि विधयेक संसदमा आएको हो । सभा स्थगन भएको केहिबेरपछि मुख्यमन्त्री डोरमणि पौडेलसँगै आन्तरिक मामिला तथा कानून मन्त्री शालिकराम जम्मकट्टेल सभाहलमा प्रवेश गरेपछि पुन ः छलफल सुरु भएको हो । सूचनाको हक सम्बन्धी १० जना प्रदेश सभा सदस्यहरुले आफ्नो धारणा राखेका छन् ।

प्रदेश सूचनाको हक सम्बन्धि विधेयकका केही बुँदाहरुमा संशोधन गर्न सांसदहरुले सुझाव दिएका छन् । सांसदहरुको सुझावमा मन्त्री जम्कट्टेलले विधेयकमाथि आएको सुझावलाई संशोधन मार्फत समावेश गराइने बताए । प्रदेश सभाको वैठक आगामी चैत २५ बस्नेगरी स्थगित गरिएको छ ।