६ वर्षमै सिक्स प्याक बनाएका मेस्सीका फ्यान भन्छन्, ‘मेस्सी जस्तै बन्नु छ’

A+ A A-

लकडाउनका माझ सामाजिक सञ्जालमा ६ वर्षका एक बालक भाइरल भएका छन् । कारण, यति सानो उमेरमै उनले सिक्स प्याक बनाएका छन् ।

उनको नाम आरत हौसेनी हो र उनी इरानको बाबोल शहरका हुन् ।

उनी इन्स्टाग्राम स्टार तथा फुटबल प्लोयरका साथै जिम्नास्ट पनि हुन् । उनलाई अक्सर मानिसहरू केटी मान्छन् ।

आरत आफ्नो सिक्स प्याक एब र फुटबलका कारण सामाजिक सञ्जालमा स्टार बनेका हुन् । अब उनी फुटबल स्टार मेस्सीजस्तै बन्न चाहन्छन् ।

सानै उमेरदेखि नाम र दाम कमाउन सफल आरतका बारेमा ः

शरीरले बनायो स्टार: आरतका बुबा मोहम्मदले सानै उमेरबाट तालिम दिन सुरू गरिदिए । आरतले ९ महिनाको उमेरदेखि जिम्नास्टिक सुरू गरे र दुई वर्षको उमेर पूरा हुँदासम्म अन्तर्राष्ट्रिय मिडियामा छाउन थाले । आरतलाई फुटबलमा निकै ठूलो सोख थियो । तर, चर्चाको कारण भने उनको शरीर बन्यो ।

सामाजिक सञ्जालमा स्टार: आरतको जन्म इङ्ल्याण्डको लिभरपुलमा भएको थियो । अहिले उनी लिभरपुल एकेडेमीमा खेल तालिम लिइरहेका छन् । सामाजिक सञ्जालमा आरतको फ्यान फलोइङ लोभलाग्दो छ । इन्स्टाग्राममा मात्रै उनका ४० लाख फलोअर छन् । उनको हरेक एक पोस्टमा लगभग एक मिलियनभन्दा बढी लाइक आउने गरेको छ ।

इन्स्टाग्राममा डेब्यू: आरतका बुबा भन्छन्, ‘छोरामा अचम्मको खुबी देखेपछि नजिकका साथीले आरतको इन्स्टाग्राम अकाउण्ट बनाउन सुझाए । इन्स्टाग्राम प्रोफाइल बनाएपछि मानिसहरूले आरतलाई खुबै मन पराए र लाखौँ फलोअर जोडिए ।’

आरोपको सामना: आरतका बुबामाथि कैयौँ पटक आरोप पनि लाग्यो कि उनले आफ्नो छोरालाई पैसा कमाउनमा प्रयोग गरे । उनले आफ्नो छोरा सानैदेखि खेल गतिविधिमा सक्रिय रहेका र एक बुबा हुनुको नाताले उसको मद्दत मात्र गरेको जवाफ दिने गरेका छन् ।

मेस्सीको फ्यान: आरत पर्खालमा चढ्ने कलामा पनि माहिर छन् । उनको सपना नै छ, ठूलो भएपछि बार्सिलोना फुटबल क्लबका लागि खेल्ने । उनलाई मनपर्ने खेलाडी अर्जेन्टिनी लियोनल मेस्सी हुन् । आरत मेस्सी जस्तै खेल्न चाहन्छन् ।