कारोबार रकम दोब्बरले बढ्दा सूचक बढ्यो

A+ A A-

साताकोतेस्रो दिन शेयरबजारको कारोबार जनाउने सूचक अपेक्षाकृत भन्दा बढी बढेको छ । थोरै थोरै अंक बढ्ने र घट्ने गरेकोमा आज अस्वाभाविक जस्तै लाग्ने गरी बढेको छ । कारोबार रकम पनि झन्डै दोब्बर बढेको छ । तेस्रो त्रयमासको आखिरी प्रहरमा आइपुगेको बेला बजारमा बढोत्तरी देखिएको छ ।

मार्जिन कल रोक्नको लागि भाउ बढेको हो भन्ने संशय पनि देखिएकोले बजार बढाई स्वाभाविक हैन कि भन्ने पनि कता कता देखिन्छ । तर, जेहोस शेयर बजारमा वृद्धि देखिनुलाई अस्वाभाविक भनिहाल्न मिल्दैन । शेयर बजारमा सूचीकृत राम्रो प्रतिफल भएका कम्पनीको शेयर मूल्य अझ पनि तल्लो विन्दुमा देखिएको छ ।

आजको बजार संक्षेप

विषय	अंक
कारोबाररकम	५०,०८,८१,७३८
शेयरसंख्या	१८,९३,१२०
कुलकारोबार	७,८२४
कम्पनी	१६९
सूचक	१,१६३.४७

समूहगत स्थिति

समुहगत सूचकमा आज जीवन बीमा समुहले सबैभन्दा धेरै कमाएको छ । कारोबारमा महत्वपूर्ण हिस्सा ओगट्ने वाणिज्य बैंक समुह तेस्रो स्थानमा रहेको छ । कमाउने समुहको अन्तिममा वित्त छ ।

त्यस्तै, गुमाउने समुहमा निर्जीवन बीमा समुह सबैभन्दा माथि रहेको छ । जलविद्युत समुह अन्तिममा छ ।

समुह	सूचक	परिवर्तन (अंक)
जीवन बीमा	५,९०९.१०	३८.८६
होटेल	१,७८३.४८	२०.०१
वाणिज्य बैंक	१,०१९.३२	१९.६७
उत्पादन तथा प्रशोधन	२,०३४.७७	८.७३
अन्य	७०९.३०	५.६१
विकास बैंक	१,४६०.२८	३.६१
लघुवित्त	१,३८३.४९	२.२१
वित्त	६१७.४१	१.६८
निर्जीवन बीमा	५,३६३.४३	-६.७६
जलविद्युत	१,१५५.६३	-३.४८

कमाउने र गुमाउने

विषय	कम्पनी	अन्तिम मूल्य	कति
कमाउने	भार्गव विकास बैंक	१६३	९.४ प्रतिशत
	लक्ष्मी इक्विटी फण्ड	७.७३	५.८९ प्रतिशत
	एनएमविहाइब्रिड फण्ड १	९.४५	५ प्रतिशत
गुमाउने	युनिभर्सल पावर	१३२	९.५८ प्रतिशत
	कन्चन डेभलपमेन्ट बैंक	१५०	५.६६ प्रतिशत
	युनाइटेड फाइनान्स	१९३	३.९८प्रतिशत

रकम, शेयर संख्या र कारोबार

विषय	कम्पनी	अंक	अन्तिम मूल्य
रकम (रुपैयाँ)	नेपाल क्रेडिट एण्ड कमर्श बैंक	४,०,२५,३७०	२१८
	एनआइसी एशिया बैंक	३,७६,८४,४७१	४२६
	एनएमवि बैंक	२,७१,५९,१९२	३३५
शेयर (संख्या)	नेपाल क्रेडिट एण्ड कमर्श बैंक	१,८४,४४१	२१८
	नेपाल बंगलादेश बैंक	१,११,८१७	२०४
	एनआइसी एशिया बैंक	८९,४४५	४२६
कारोबार (संख्या)	अपर तामाकोशी	४४१	२३७
	एनआइसी एशिया बैंक	३३६	४२६
	आशा लघुवित्त	३२२	४७७

कर्पोरेट गतिविधि

आइएमई जनरल इन्सुरेन्स र लुम्बिनी विकास बैंकको हकप्रद शेयर सूचीकरण भएको छ । सिन्धु विकास बैंक र सांग्रिला डेभलपमेन्ट बैंकको बोनस शेयर सूचीकरण भएको छ ।

कृषि विकास बैंकमा संजीव पौडेल, हरिप्रसाद पराजुली र विनोदकुमार गुरागाई संचालक निर्वाचित भएका छन् ।

धितोपत्र बोर्डले नेपाल एग्रो लघुवित्तलाई साधारण शेयर जारी गर्न अनुमति दिएको छ । घोडाघोडी लघुवित्तले साधारण शेयर जारी गर्न अनुमति मागेको छ । त्यस्तै स्थानीयलाई शेयर जारी गरिसकेको शिवश्री हाइड्रोपावरले पनि सर्वसाधारणतर्फ शेयर जारी गर्न अनुमति मागेको छ ।

भोलिको कार्यक्रम

हिमालय उर्जा बिकास कम्पनीले भोलि १९ गतेदेखि साधारण शेयर जारी गर्दैछ । युनियन हाइड्रोपावरमा भोलि पनि आवेदन गर्न पाइनेछ । पर्याप्त आवेदन परेमा जुनसुकै बेला बन्द हुनेछ ।

प्रकाशित मिति: बुधबार, चैत २०, २०७५ ०२:०७