प्रदेश २ मा २४ घण्टामा थपिए ६४ कोरोना संक्रमित, सबैभन्दा धेरै रौतहट जिल्लाका

प्रदेश २ मा २४ घण्टामा थपिए ६४ कोरोना संक्रमित, सबैभन्दा धेरै रौतहट जिल्लाका

A+ A A-

प्रदेश २ मा पछिल्लो २४ घण्टामा ६४ जना व्यक्तिमा कोरोना संक्रमणको पुष्टि भएको छ । प्रदेशको पछिल्लो विवरणअनुसार धनुषा जिल्लामा २१ जना, सर्लाही जिल्लामा १० जना, रौतहट जिल्लामा २८ जना र पर्सा जिल्लामा ५ जना व्यक्तिमा कोरोना संक्रमणको पुष्टि भएको हो । योसँगै प्रदेशमा कोरोना संक्रमितको संख्या ६ सय १३ पुगेको छ । कोरोना संक्रमितमध्ये प्रदेश २ मा उपचारपश्चात् ९८ जना स्वास्थ्य भएका छन् ।

पछिल्लो विवरणअनुसार धनुषा जिल्लाको गणेशमान चारनाथ नगरपालिका-४ स्थित दुखनीदेवी नर्सिङ्ग होमको क्वारेन्टाइनमा रहेका २१ वर्षीय पुरुषलाई कोरोना संक्रमणको पुष्टि भएको छ । धनुषा जिल्ला जनकपुर उपमहानगरपालिकास्थित गोपाल धर्मशालाको क्वारेन्टाइनमा रहेका १९ वर्षीय २ जना तथा २०, २१, २३, २४, र २७ वर्षीय ५ जना पुरुषमा कोरोना संक्रमण पुष्टि भएको ५ । धनुषा जिल्लाकै मुखियापट्टी मुसहरनीया गाउँपालिकास्थित तुल्सीयाही प्राथमिक विद्यालयको क्वारेन्टाइनमा रहेका २४, २५, २६, २७, २८, ३०, ४५, ४६ र ३५ वर्षीय ९ जनामा पनि कोरोना संक्रमणको पुष्टी भएको हो ।

धनुषा जिल्लामा पछिल्लो २४ घण्टामा कोरोना संक्रमण पुष्टि भएका अधिकांस संक्रमित भारतको गुजरातबाट आएको बुझिएको छ । जसमा चारनाथ नगरपालिकाका संक्रमितको स्वाब जेठ ११ गते संकलन गरिएको थियो । त्यसैगरी, गोपाल धर्मशालाका संक्रमितको जेठ १५ गते र मुखियापट्टीका संक्रमितको १० गते स्वाव संकलन गरिएको थियो ।

सर्लाही जिल्लाको हरिपुर नगरपालिकाको स्थानीय क्वारेन्टाइनमा रहेका एक जना उमेर नखुलेका पुरुषसहित १५, २४, ३४, ५० र ४० वर्षीय २ जनागरी कुल ७ जना पुरुषमा कोरोना संक्रमणको पुष्टि भएको छ । त्यसैगरी, सर्लाही जिल्लाकै ब्रम्हपुरी गाउँपालिकास्थित रामबिलास प्राविको क्वारेन्टाइनमा रहेका २५, २८ र ४८ वर्षीय ३ जना पुरुषमा कोरोना संक्रमण देखिएको छ । जसमा हरिपुर नगरपालिका संक्रमितको जेठ १३ गते र ब्रम्हपुरी गाउँपालिकाका संक्रमितको जेठ १५ गते स्वाब संकलन गरिएको थियो । सक्रमितहरू छिमेकी मुलुक भारतबाट आएर क्वारेन्टाइनमा बस्दै आएका थिए ।

रौतहट जिल्लाको दुर्गा भगवती गाउँपालिकास्थित गंगा पिपरा माध्यमिक विद्यालयको क्वारेन्टाइनमा रहेका १७, २२, २३, २९, ३५, ४० र २५ वर्षीय २ जना गरी कुल ८ जना पुरुषमा कोरोना संक्रमण पुष्टि भएको छ । रौतहट जिल्लाकै इशनाथ नगरपालिका-७ मा रहेको घिउरा माविको क्वारेन्टाइनमा रहेका २० वर्षीय २ जनासहित १७, १९, २१, २२, २४, २७, ३६, ४५ र ५० वर्षीय पुरुषमा कोरोना संक्रमण पुष्टि भएको छ । त्यसैगरी सोही नगरपालिका-८ मा रहेको जोकाहा मदरसाको क्वारेन्टाइनमा रहेका ४, ८ र १२ वर्षीय बालक तथा ३० वर्षीय २ जना पुरुषसहित १८, २२, ४५ र ५२ वर्षीय पुरुषमा कोरोना संक्रमणको पुष्टि भएका छ । रौतहट जिल्लाका सबै संक्रमित छिमेकी मुलुक भारतबाट आएर स्थानीय क्वारेन्टाइनमा बस्दै आएको बुझिएको छ ।

पर्सा जिल्लाको पटेरवा सुगौली गाउँपालिकाको क्वारेन्टाईनमा बस्दै आएका २५ वर्षीय महिला तथा २२ वर्षीय २ जना पुरुषसहित २५ र ३६ वर्षीय पुरुषमा कोरोना संक्रमण पुष्टि भएको हो । उनीहरू सबै जना छिमेकी मुलुक भारतबाट आएर स्थानीय क्वारेन्टाइनमा बस्दै आएको बुझिएको छ ।

प्रदेश-२ मा कोरोना संक्रमणको बढोत्तरीलाई ध्यानमा राख्दै प्रदेश सरकारले प्रादेशिक प्रयोगशाला जनकपुरसँगसँगै वीरगंज र राजविराजमा रियल टाइम पीसीआर मेसिन जडानगरी स्वाब परीक्षणलाई तीब्रता दिएको छ । जसअनुरूप जनकपुरको रियल टाइम पीसीआर मेसिन जडान गरिसकिएको छ । हाल उक्त मेसिन भ्यालिडेसन अर्थात् गुणस्तर र क्षमता परीक्षणको क्रममा रहेको छ । हालसम्म उक्त मेसिनले पहिलो पटकमा २५ जना र दोस्रो लटमा ४७ जनाको स्वाव परिक्षण गरेको छ । उक्त परीक्षण गरिएको स्वाबको परिणामलाई यकिन अर्थात् भ्यालिडेसन गर्नका लागि राष्ट्रिय जनस्वास्थ्य प्रयोगशाला टेकुमा पठाइएको छ र उक्त परीक्षण प्रक्रिया अन्तिम चरणमा पुगेको मन्त्रालयले जनाएको छ ।

त्यसैगरी पीसीआर परीक्षणमार्फत संक्रमण प्रमाणित भएका सप्तरी जिल्लास्थित गजेन्द्र नारायण सिंह सगरमाथा अस्पतालको आइसोलेसन कक्षमा २५ जना कोरोना संक्रमित पुरुषको उपचार भइरहेको छ । सिराहा जिल्ला महेन्द्र गेनाई अस्पतालको आइसोलसन कक्षमा २५ जना कोरोना संक्रमित पुरुषको उपचार भइरहेको छ ।

त्यसैगरी धनुषा जिल्लास्थित प्रादेशिक अस्पताल जनकपुरको आइसोलेसन कक्षमा २ महिला र २६ पुरुषगरी कुल २८ जना कोरोना संक्रमितहरुको उपचार भइरहेको छ । महोत्तरी जिल्लाको जलेश्वर अस्पतालको आइसोलसन कक्षमा १ जना महिला र २३ जना पुरुषगरी कुल २४ जना कोरोना संक्रमितहरुको उपचार भइरहेको छ । सर्लाही जिल्ला मंलगवामा रहेको अल्पामाई रामनारायण यादव नर्सिङ्ग कलेजको आइसोलेसन कक्षमा कोरोना संक्रमित ४० जना पुरुष र १ जना महिलागरी कुल ४१ जना कोरोना संक्रमितहरुकोको उपचार भइरहेको छ ।

रौतहट जिल्लास्थित चपुर अस्पतालमा ७ जना पुरुष, रौतहट जिल्लामा नै रहेको गौर नर्सिङ्ग इन्टिच्यूटको आइसोलेसन कक्षमा ३ महिला र २८ पुरुषगरी कुल ३१ जना, रौतहट जिल्लाकै राजपुर फरहदवामा रहेको प्राथमिक स्वास्थ्य केन्द्रको आइसोलेसन कक्षमा ४२ जना पुरुष र रौतहट जिल्लाको देवाही गोनाही नगरपालिकास्थित देवाही गोनाही पोलिटेक्निक ईन्स्टिच्यूट धरहरीमा २२ जना पुरुष कोरोना संक्रमितहरुको उपचार भइरहेको छ ।

रौतहड जिल्लाकै गरुडा नगरपालिकामा रहेको नेपाल प्रहरी विद्यालयमा ७२ पुरुष र ३ महिलागरी कुल ७५ जना कोरोना संक्रमितहरुको उपचार भइरहेको छ । बारा जिल्लाको कलैया अस्पतालको आइसोलेसन कक्षमा ४८ जना पुरुष र २ जना महिलागरी कुल ५० जना कोरोना संक्रमितको उपचार भइरहेको छ । पर्सा जिल्लामा नारायणी अस्पताल अन्तर्गत रहेको कोभिड १९ विषेश अस्पताल गण्डक अस्पतालमा १८ जना पुरुष र २ जना महिलागरी कुल २० जना कोरोना संक्रमितहरुको उपचार भइरहेको छ ।

त्यसैगरी सिराहा अस्पताल सिराहामा ४ जना र महोत्तरी जिल्लाको जलेश्वर कोभिड विषेश अस्पतालमा ८ जना, गरी कुल १२ जना कोरोना आशंका गरिएका बिरामीको आइसोलेसन कक्षमा राखेर उपचार भइरहेको छ ।

प्रकाशित मिति: आइतबार, जेठ १८, २०७७ १७:२२