कोरोना कालमा बच्चालाई दूध चुसाउन हुन्छ कि हुँदैन ?

A+ A A-

कोरोना भाइरसका कारण विश्वभर करिब ५९ लाख संक्रमित भइसकेका छन् । भाइरसका कारण बच्चालाई स्तनपान गराउने आमाहरुको मनमा समेत स्तनपान गराँदा बच्चाहरुलाई समेत संक्रमण हुनसक्ने डर पैदा भएको छ ।

यसै डरका कारण केही देशमा बच्चालाई जन्मेपछि आमाबाट अलग गरिएका समाचारहरु बाहिर आएका छन् । यसको फाइदा दूतको सट्टामा बच्चालाई खुवाउने कृत्रिम दूध बनाउने कम्पनीले फाइदा उठाइरहेका छन् । यो अवस्थामा चाहेर पनि बच्चालाई दूध नखुवाउने आमाकहरुका लागि राहतको खबर छ ।

स्तनपानबाट भाइरस फैलिदैन

एक रिपोर्ट अनुसार भाइरसको डरले स्तनपान रोक्नुपर्ने कुनै कारण छैन । हालसम्म स्तनपानबाट भाइरस फैलिएको एउटा पनि घटना छैन ।

यहाँसम्म कि जुन आमालाई कोरोना भाइरसको संक्रमण छ, लक्षण देखिएको छ भने ती आमाले पनि स्तनपान गराउन सक्छन् । यो रिपोर्ट विश्व स्वास्थ्य संगठन (डब्लुएचओ), राष्ट्रसंघीय बालकोष (युनिसेफ) र अन्तर्राष्ट्रिय बेबी फुड एक्सन (आईबीएफएएन) ले यो सूचना जारी गरेको हो ।

स्तनपान नगराएमा १४ सम्म बढ्न सक्छ बालमृत्युदर

रिपोर्ट अनुसार जुन बच्चालाई स्तनपान गराइदैन, त्यस्ता बच्चाको मृत्युको खतरा स्तनपान गर्ने बच्चाको तुलनामा १४ गुणासम्म बढ्न सक्छ । यस्तो अवस्थामा कोरोनाको डरले स्तनपान नगराउँनु बच्चाका लागि हानिकारक हुनसक्छ ।

संसारभरमा स्तनपानको महत्वबारे जागरुकताको कमी छ । डब्लुएचओको रिपोर्टअनुसार संसारमा ५ महिनासम्म केबल ४१ प्रतिशत बच्चाले मात्रै स्तनपान गर्न पाउँछन् । डब्लुएचओका सबै देशले यो तथ्यांकालाई २०२५ सम्म २०२५ सम्म ५० प्रतिशत पु¥याउने लक्ष्य राखेका छन् ।

आमाहरुले ध्यान दिनुहोस्

बच्चालाई छुनुभन्दा पहिले साबुनपानीले हात धुनुहोस, या अल्कोहलसहितको सेनिटाइजरले धुनुहोस्
बच्चालाई काखमा लिँदा र उसको सम्पर्कमा पुग्दा मास्क लगाउनुहोस्
खोकी र कफ लागेमा हातमा टिसु पेवर राख्नुहोस् ।
टिसुको उपायोग गर्दै यसलाई डिस्पोज गर्नुहोस र पुनः हात धुनुहोस्

प्रकाशित मिति: शुक्रबार, जेठ १६, २०७७ १२:३४