‘जनताको जलविद्युत कार्यक्रम’मा थपिए २ आयोजना, डेढ करोड कित्ता आइपीओ थपियो

A+ A A-

‘जनताको जलविद्युत कार्यक्रम’मा २ आयोजना थपिएका छन् । सरकारले अनुसुची हेरफेर गरेर सान्जेन जलविद्युत आयोजना र रसुवागढी जलविद्युत आयोजनालाई जनताको जलविद्युत कार्यक्रममा समावेश गरेको हो ।

सोमबार उर्जामन्त्री वर्षमान पुनको अध्यक्षतामा बसेकोे जनताको जलविद्युत संयोजन समितिकोे वैठकले दुवै आयोजनालाई सो कार्यक्रममा समावेश गर्ने निर्णय गरेको हो । यी दुबै आयोजनाको १ करोड ५४ लाख कित्ता साधारण शेयर (आइपीओ) जारी गर्ने निर्णय समेत गरेको उर्जा मन्त्रालयले जानकारी दिएको छ ।

राष्ट्रिय गौरबको बुढीगण्डकी जलविद्युत आयोजना वारेमा पनि छलफल भएको छ । सो छलफलमा पूर्वप्रधानमन्त्री डा. बाबुराम भट्टराई तथा गोरखा र धादिङका जनप्रतिनिधि, प्रदेशमन्त्री तथा दुबै जिल्लाका प्रमुख जिल्ला अधिकारी सहभागी थिए ।

आयोजना प्रभावितको पुनस्थापना, पुर्नवास तथा मुआव्जा निर्धारणसँग सम्बन्धित विषयमा छलफल भएको थियो । सो छलफलमा मन्त्री पुनले मुआब्जा वितरणका लागि पर्याप्त बजेट भएको भन्दै यो वर्ष मुआव्जा वितरणको काम अघि बढ्ने बताए । पुनर्वास र पुनस्र्थापना सम्वन्धी नीति मन्त्रिपरिषद वैठकमा लगेर स्विकृत गराउँने तयारी भएको जानकारी दिए । सो नीति पारित भएसँगै मुआव्जा वितरणमा सहज हुने मन्त्री पुनको भनाइ छ ।

बुढिगण्डकी जलविद्युत परियोजना राष्टिय गौरबको आयोजना भएकाले जसरी पनि अगाडी बढ्ने मन्त्री पुनले बताए ।

‘मुआब्जा वितरणका लागि पर्याप्त बजेट छ, आयोजना लोडसेण्टरको नजिक भएकाले पनि निकै महत्वपूर्ण छ, यो आयोजनाको मुआव्जा वितरणको लागि पैसाको कमी हुंदैन, यो आयोजना जसरी भएपनि सरकारले अगाडि बढाउँछ,’ मन्त्री पुनले भने ।

प्रकाशित मिति: मंगलबार, चैत १९, २०७५ ०५:०१