गुल्मीको मदानेमा पहिलो चरणमा २५ जनाको पीसीआर परीक्षण गरिँदै

A+ A A-

गुल्मीको मदानेमा कोरोना संक्रमित देखिएपछि पीसीयार परीक्षणका लागि स्वाव संकलन सुरु गरिएको छ । जेठ १ गते बिरामा भएर रुपन्देहीको क्रिमशन अस्पतालमा भर्ना भएको स्थानीय शिक्षकमा कोरोना पोजेटिभ देखिएपछि स्थानीय त्रसित बनेका छन् ।

सोमबार ४१ वर्षीय ती शिक्षकलाई स्वास्थ्य मन्त्रालयले कोरोना पोजेटिभ भएको प्रमाणित गरेको थियो । ट्राफल हिस्ट्री नभएका स्थानीय शिक्षकमा नै कोरोना देखिएपछि अन्योल बढेको छ ।

यसैबीच अर्घखाँचीको सन्दिखर्कबाट स्वाव संक्लन गर्नको लागि मदाने-६ पुर्कोटदहमा चिकित्सकसहित टोली गएको छ । मदाने गाउँपालिका प्रमुख प्रशासकीय अधिकृत सुरेश भण्डारीले पहिलो चरणमा २५ जनाको पीसीआर परीक्षण गर्न थालिएको जानकारी गराएका छन् । 'अन्तभन्दा अलिक फरक देखिएको कारण अन्योल बढेको छ' भण्डारीले भने 'पहिलोचरणमा २५ जनाको पीसीआर परीक्षण गर्दैछौँ ' भण्डारीले भने ।

पहिलो चरणमा परीक्षण गर्ने उनको परिवार, घरम बस्ने व्यक्ति, उनलाई त्यसपहिले जाँच गरेको स्वास्थ्यकर्मी, उनीसँग पछिल्लोपटक सम्पर्क गरेका शिक्षक, एम्बुलेन्स चालक तथा उनलाई हस्पिटलसम्म पुर्‍याउनेको परीक्षण गर्न थालिएको हो । कोमार्फत सरको हो वा अस्पताल गएपछि देखिएको हो भन्ने अन्योलका कारण जतिसक्यो धेरै पीसीआर परीक्षण गर्ने तयारीमा रहेको भण्डारीले बताए ।

केही साताअघि बसेको गाउँपालिकाको बैठकमा समेत सहभागिता भएको कारणले गर्दा गाउँपालिका पदाधिकारी तथा कर्मचारिको पनि दोस्रो चरणमा परीक्षण गर्ने तयारी रहेको उनले बताएका छन् ।

गाउँपालिकाले अर्को सूचना प्रकाशन नभएसम्मको लागि सोमबारबाट पूर्णरूपमा शिल गरेको जनाएको छ । उनको अहिले बुटवलको क्रिमशन अस्पतालमा उपचार रहेको छ । अवस्ता खतरामुक्त हुन नसेको अस्पताल प्रशासनले जनाएको छ ।

प्रकाशित मिति: मंगलबार, जेठ ६, २०७७ १२:११