१ विद्यालय १ विद्यार्थी, खर्च १ करोड ५० लाख

A+ A A-

सार्वजनिक विद्यालयमा राम्रो पढाइ नभए भन्दै अहिले अधिकांश अभिभावकले आफ्ना बालबालिकालाई निजी विद्यालयमा पढाउन थालेका छन् । सार्वजनिक विद्यालयमा प्रत्येक वर्ष विद्यार्थीको संख्या घट्दै गएको छ भने निजी स्कुलमा भने प्रत्येक वर्ष विद्यार्थीको संख्या बढ्दै गएको छ ।

तर, कतिपय तथ्यांक हेर्दा अस्वाभाविक देखिएको छ । कतिपय स्थानीय तहका विद्यालयमा १ विद्यार्थी र दर्जनभन्दा बढी शिक्षकहरू देखिएका छन् ।

कतिपय स्थानीय तहमा विद्यार्थी नै छैनन्, संरचना र शिक्षक मात्रै छन् । प्राकृतिक स्रोत तथा वित्त आयोगले यसरी भएको खर्चलाई व्यवस्थित गर्न आवश्‍यक रहेको जनाएको छ । तत्लो तहमा जाने रकम र त्यसको प्रभावकारिताको विषयमा आयोगले आफ्नोतर्फबाट अध्ययनसमेत सुरु गरेको जनाएको छ ।

मनाङको नारफु गाउँपालिकामा १ देखि १२ कक्षासम्म पढाइ हुने विद्यालय छ, जसमा जम्मा १ जना मात्रै विद्यार्थी रहेको उनले बताए । नारफु गाउँपालिकाले भने १ देखि ८ सम्मको पढाइ हुने विद्यालयमा मात्रै रहेको जनाए पनि विद्यार्थी संख्या भने नभएको जनाएको छ ।

हामीले केही अध्ययन गरिरहेका छौँ, अहिले नै सबैभन्दा सकिने अवस्था पनि छैन । शिक्षाको विषयमा कुरा गर्दा कतिपय स्कुलमा शिक्षक छन्, विद्यार्थी १ जना पनि छैनन्, बुधबार अर्थ समितिकाे बैठकमा आयोगका अध्यक्ष बालानन्द शर्मा पौडेलले भने, मनाङ नारफु गाउँपालिकामा १ विद्यालय छ, जसले १ देखि १२ कक्षासम्मको पढाइ हुन्छ । तर, त्यहाँ १ जना मात्रै विद्यार्थी रहेका छन् ।