भारतमा कोरोना संक्रमितको संख्या साढे २९ हजार, एकै दिन ५० बढीको मृत्यु

A+ A A-

भारतमा कोरोना भाइरस संक्रमितको संख्या २९ हजार ४ सय नाघेको छ । गएको २४ घन्टायता भारतमा १ हजार ५६१ कोरोनाका नयाँ संक्रमित थपिएका छन् ।

मंगलबार बिहानको तथ्यांकअनुसार भारतमा कोभिड–१९ का संक्रमितको संख्या २९ हजार ४५१ जना पुगेको यहाँको स्वास्थ्य तथा परिवार कल्याण मन्त्रालयले जनाएको हो ।

मन्त्रालयका अनुसार भारतभर गएको २४ घन्टायता ५८ जनाकाे मृत्यु भएको छ । योसँगै त्यहाँ कोरोना संक्रमणबाट ज्यान जानेको संख्या ९ सय ३९ पुगेको छ ।

भारतमा देखिएका काेराेना संक्रमितमध्ये ६ हजार ८ बढी व्यत्ति भने उपचारपछि निको भएर फर्किएका छन् ।

मन्त्रालयले दिएको जानकारीअनुसार हाल यहाँ २१ हजार ६ बढी कोरोना संक्रमित विरामी अस्पतालमा उपचाररत रहेका छन् ।

सुरुदेखि नै भारतको महाराष्ट्र कोरोना भाइरसबाट अत्यन्त प्रभावित राज्यको रूपमा रहेको यहाँको स्वास्थ्य तथा परिवार कल्याण मन्त्रालयले जनाएको छ । मङ्गलबार पनि यो क्रम जारी नै रहेको उक्त मन्त्रालयले जानकारी दिएको छ ।

महाराष्ट्र राज्यमा मात्र संक्रमितको संख्या ८ हजार ५९० जना पुगेको उक्त मन्त्रालय बताएको छ । यसैबीच महाराष्ट्रमा ३६९ जनाको निधन भएको छ । संक्रमित मध्ये १ हजार २८२ जना भने निको भएका छन् ।
महाराष्ट्रपछि गुजरात यस भाइरसको संक्रमण दोस्रो स्थानमा रहेको छ ।

स्वास्थ्य तथा परिवार कल्याण मन्त्रालयले आज दिएको जानकारीअनुसार गुजरातमा ३ हजार ५४८ सक्रमित रहेका छन् । संक्रमित मध्ये २९४ जना निको भएका छन् भने १६२ जनाको भने मृत्यु भएको छ ।

दिल्लीमा ३ हजार १०८ मा कोरोना भाइरसको संक्रमण देखिएको छ । संक्रमित मध्ये ५४ को ज्यान गएको छ । यसैबीच ८७७ जना उपचारपछि घर फर्किएका समाचारमा जनाइएको छ । भारतमा यसरी दिन प्रतिदिन नयाँ नयाँ संक्रमितहरू थपिँदै जानु चुनौतीपूर्ण भएको यहाँका स्वास्थ्य अधिकारीहरूले जनाएका छन् ।

भारतको राजस्थान, मध्यप्रदेश, तमिलनाडू, उत्तरप्रदेश, केरला राज्यमा उच्च संक्रमित रहेका र कैयौको ज्यान गएको छ ।

भारतमा संक्रमण बढदै गएपछि सरकारले कोरोनाको संक्रमण रोक्नको लकडाउनलाई आगामी ३ मे सम्म लम्ब्याएको घोषणा गरेको छ ।

भारतीय प्रधानमन्त्री नरेन्द्र मोदीले गत महिना घोषणा गरेको २१ दिने लकडाउनको अवधि समाप्त हुँदै गरेको अवस्था पुनः १९ दिनको लकडाउनलाई जोडिएको घोषणा गरेका थिए ।

प्रकाशित मिति: मंगलबार, वैशाख १६, २०७७ १२:५५