अनलाइन फार्मेसीमा नेपमेड्स : कसरी दिन्छ सेवा ?

A+ A A-

अनलाइनमार्फत् फार्मेसी सेवा दिँदै आएको नेपमेड्स हाल नेपालमा प्रचलित मेडिकल एपमध्येको एक हो । यसका सम्बन्धमा सञ्चालक अम्बिका फुयाँलसँग गरिएको कुराकानीका आधारमा तयार पारिएकाे सामग्री :

के हो नेपमेड्स ?

नेपमेड्स एउटा एकीकृत स्वास्थ्य हेरचाह प्रणाली हो । एउटा व्यक्ति वा बिरामी जोकोहीलाई पनि घरमै बसीबसी स्वास्थ्यसँग सम्बन्धित विविध वस्तु तथा सेवाहरू खरिद गर्न वा जानकारी लिन सक्ने एउटा उपयुक्त माध्यम हो ।

कसरी दिन्छ सेवा ?

यसले बिरामीलाई स्वास्थ्यसँग सम्बन्धित सम्पूर्ण सेवा आफ्नाे वेबसाइट तथा एपमार्फत उपलब्ध गराउँछ । विभिन्न सेवाहरूमा छुटको व्यवस्था पनि गरिएको छ । आमउपभोक्ताले सुलभ मूल्यमा स्वास्थ्य सेवा घरमै बसीबसी प्राप्त गर्न सकून् भन्ने नै नेपमेड्सको प्रमुख उद्देश्य हो ।

अनलाइन फार्मेसीका चुनौती

अनलाइन फार्मेसी नेपालका लागि नयाँ अभ्यास हो । त्यसैले आमउपभोक्तासँगै सरकारी पक्षले अझै यसको उपयोगिता र महत्त्वबारे बुझ्न सकेको पाइँदैन ।

विकसित देशहरूमा यस प्रकारका स्वास्थ्य सेवाहरू विगत १५ वर्षदेखि नै प्रयोगमा छन् । उनीहरूका लागि यो कुनै नौलो सेवा होइन । नेपालमा केही महिनायता अनलाइन फार्मेसी सुरू भएको पाइन्छ ।

अहिले सम्पूर्ण औषधि बिक्रीको ०.५० प्रतिशतभन्दा कम मात्र बजार हिस्सा अनलाइन फार्मेसीले ओगटेको अनुमान गरिएको छ ।

नेपालमा औषधिको बजार

नेपालमा करिब ५५० करोड जतिको औषधिको खपत हुन्छ । यसमध्ये स्वदेशी उत्पादनको हिस्सा ४५ प्रतिशत छ । प्रतिवर्ष करिब २२ प्रतिशत जतिले नेपालमा औषधिको बजार बढ्दै गएको अनुमान छ ।

नेपमेड्सबाट सामान अर्डर गर्दा पाइने सुविधा

नेपमेड्स नेपालकै हेल्थ सेक्टरको ठूलो वेब पोर्टल हो, जहाँ १० हजारभन्दा बढी औषधि र स्वास्थ्य सामग्री र त्यसको विवरण राखिएको छ । त्यसैले ग्राहकले विभिन्न वस्तु तथा सेवाहरू तुलना गर्न तथा यससम्बन्धी जानकारी लिन सक्छन् ।

साथै, नेपमेड्सले आफ्ना उपभोक्तालाई औषधि खरिद गर्दा पहिलो अर्डरमा १२ प्रतिशतको छुट प्रदान गर्दै आएको छ भने त्यसपछिको पुनः खरिदमा १० प्रतिशतको छुट दिइन्छ ।

यसैगरी, अन्य स्वास्थ्य सामग्री खरिद गर्दा ३५ प्रतिशतसम्म छुटको व्यवस्था गरिएको छ । बैंक, वालेट्स तथा अन्य पेमेन्ट पार्टनरसँग सहकार्य गरी बेलाबेलामा अतिरिक्त छुट समेत दिँदै आएको छ ।

कसरी हुन्छ भुक्तानी ?

नेपमेड्सले विभिन्न बैंक तथा वित्तीय कारोबार गर्ने संस्थासँगको सहकार्यमा आफ्ना ग्राहकहरूलाई भुक्तानीका लागि विभिन्न विकल्प दिएको छ । ग्राहकहरूले अनलाइन बैंकिङ, क्रेडिट, डेबिट कार्ड तथा विभिन्न वालेट्स जस्तै ई–सेवा, खल्ती, आईएमई पेलगायतका प्लेटफर्म प्रयोग गरेर सामान डेलिभरी गर्दा नगद दिएर पनि रकम भुक्तानी गर्न सक्छन् ।

विदेशबाट सामान खरिद गर्न सकिन्छ ?

एप वा वेबसाइटबाट विदेशमा रहेकाहरूले पनि सामानहरू खरिद गर्न सक्छन् । भिसा कार्ड, मास्टर कार्ड, युनियनपे, अमेरिकन एक्स्प्रेस आदिबाट रकम भुक्तानी गर्न सकिन्छ । सामानको डेलिभरी भने नेपालभित्र मात्र छ ।

औषधि किन्दा डाक्टरको पुर्जा चाहिन्छ ?

काउन्टरबाट बिक्री गर्न पाइने औषधिबाहेकका लागि डाक्टरको पुर्जा अनिवार्य गरिएको छ । नेपमेड्समा एप वा वेबसाइटबाट फोटो खिचेर प्रेस्क्रिप्सन सजिलै अपलोड गर्न सकिन्छ । त्यसरी अपलोड गरिएको प्रेस्क्रिप्सन नेपमेड्सको फर्मासिस्टले भेरीफाई गर्छन्, अर्डर कन्फर्मेसनका लागि सेवाग्राहीलाई कल ब्याक गर्छन् र खाने तरिकालगायतको इन्स्ट्रक्सनसहित प्रत्येक औषधि छुट्टाछुट्टै प्याकिङ गरी ग्राहकले मगाएको स्थानमा डेलिभरि गरिन्छ । नर्कोटिक औषधि लिन भने ग्राहकले आफ्नो सक्कली प्रेस्किप्सनसहित र्फामेसीमै सम्पर्क गर्नुपर्ने हुन्छ ।

नेपमेड्सका आगामी योजना

अहिले नेपमेड्सको अनलाइन फार्मेसी सेवा सञ्चालनमा छ । यसका ८० प्रतिशतभन्दा बढी नियमित ग्राहक छन् । त्यसैले निकट भविष्यमा नै अनलाइन कन्सल्टेसन, ल्याब तथा भ्याक्सlन सेवा थप गर्ने नेपमेड्सको तयारी छ ।

प्रकाशित मिति: सोमबार, वैशाख १५, २०७७ १३:०९