जर्मनीमा निको भए १ लाख बढी कोराना संक्रमित

A+ A A-

जर्मनीमा कोरोना भाइरस (कोभिड–१९) बाट निको हुनेको संख्या १ लाख नाघेको छ ।

१ लाख ५३ हजार संक्रमित रहेको त्यहाँ शुक्रबार बिहानसम्म १ लाख ३ हजार ३ सय व्यक्ति उपचारपछि घर फर्किसकेका छन् ।

जर्मनीमा अब ४४ हजार व्यक्ति कोरोनाबाट मुक्त हुन बाँकी छन् । जसमध्ये २ हजार ९ सय संक्रमिततको अवस्था गम्भीर रहेको वर्ल्डोमीटरले उल्लेख गरेको छ ।

पछिल्ला दिनमा जर्मनीमा संक्रमण र मृत्युदर पनि घट्दो क्रममा छ ।

बितेको २४ घण्टामा त्यहाँ २ हजार ४ सय संक्रमित थपिँदा २६० जनाले ज्यान गुमाएका छन् ।

जर्मनीमा हालसम्म कोरोनाबाट मृत्यु हुनेको कुल संख्या साढे ५ हजार नाघेको छ ।

त्यस्तै, चीनमा ७७ हजार, स्पेनमा ८९ हजार, अमेरिकामा ८६ हजार, इरानमा झण्डै ६५ हजार, इटालीमा साढे ५८ हजार, फ्रान्समा ४२ हजार, ब्राजिलमा २६ हजार, स्ट्जिरल्याण्डमा २० हजार, टर्कीमा १८ हजार ४ सय व्यक्ति उपचारपछि निको भइसकेका छन् । अन्य देशमा पनि कोरोनाको उपचारपछि घर फर्किनेको संख्या बढ्दै गएको छ ।

नेपालमा हालसम्म ४८ व्यक्तिमा कोरोना संक्रमणको पुष्टि भएको छ । जसमध्ये बिहीबार साँझसम्म १० जना उपचारछि घर फर्किसकेका छन् ।

गत डिसेम्बर अन्तिम साता चीनमा देखिएको कोरोनाबाट विश्वका २१० देश प्रभावित भइसकेका छन् ।

शुक्रबार बिहानसम्म २७ लाख १८ हजार व्यक्ति संक्रमितमध्ये ७ लाख ४५ हजार ५ सय व्यक्ति निको भइसकेका छन् । त्यस्तै, १ लाख ९० हजार ६ सय व्यक्तिको मृत्यु भएको छ ।

प्रकाशित मिति: शुक्रबार, वैशाख १२, २०७७ ०८:२९