एनआईसी एशियाको नयाँ योजना : आमाका लागि उपहार किन्नुस्, १० प्रतिशत नगद फिर्ता लिनुस्

एनआईसी एशियाको नयाँ योजना : आमाका लागि उपहार किन्नुस्, १० प्रतिशत नगद फिर्ता लिनुस्

A+ A A-

भोलि अर्थात् वैशाख ११ गते आमाको मुख हेर्ने दिन पारेर एनआईसी एशिया बैंकले आफ्ना ग्राहकहरूका लागि नयाँ योजना ल्याएको छ । बैंकले विभिन्न अनलाइन डेलिभरीका माध्यमहरूबाट केक वा विभिन्न उपहार सामग्री खरिद गर्दा खरिद रकमको १० प्रतिशत वा अधिकतम ५ सय रुपैयाँसम्म नगद फिर्ता हुने योजना ल्याएको हो ।

बैंकले फुडमान्डु, ग्यापु मार्केट प्लेस तथा यूजी केक्समार्फत उपलब्ध हुने केक तथा उपहारहरू खरिद गर्दा सो परिमाणको रकम फिर्ता हुनेगरी सम्बन्धित कम्पनीसँग सम्झौता गरेको छ । उक्त छुट प्राप्त गर्नका लागि एनआईसी एशिया बैंकको मोबाइल बैंकिङ तथा डेबिट/क्रेडिट कार्ड प्रयोग गरी भुक्तानी गर्नुपर्ने बैंकले जनाएको छ ।

लकडाउनको समयमा ग्राहकहरूलाई घरमै बसीबसी यसरी अनलाइनबाटै उपहार तथा सामान खरिद गर्न सहज होस् भन्ने अभिप्रायले बैंकले मोबाइल बैंकिङ तथा कार्डबाट खरिद रकम भुक्तानी गर्दा सेवा शुल्क नलाग्ने व्यवस्थासमेत बनाएको छ ।

बैंकले लकडाउन आवधिभर दराज, बिग मार्केट, सेल्सबेरी, मेरो किराना, सेन्ट्रल बजार तथा फुडमान्डुलगायत अनलाइन डेलिभरी कम्पनीमार्फत अति आवश्यक खाद्य सामग्रीहरू खरिद गर्दा समेत खरिद रकमको १० प्रतिशत वा अधिकतम ५ सय रुपैयाँसम्म नगद फिर्ता हुने योजना सञ्चालन गरिरहेको छ ।

हाल यस बैंकले मुलुकभर रहेका आफ्ना ३१९ शाखा कार्यालय, ४६१ एटीएम, १०८ वटा एक्स्टेन्सन काउण्टर एवं ६१ वटा शाखारहित बैंकिङमार्फत बैंकिङ सेवा प्रदान गर्दै आइरहेको छ । २१ लाखभन्दा बढी ग्राहक रहेको यस बैंकका प्रमुख वित्तीय परिसूचकहरू अत्यन्त उत्साहप्रद रहेका छन् ।

गतआवमा करिब ३ अर्ब १५ करोड रुपैयाँभन्दा बढी राजस्व भुक्तानी गरिसकेको यस बैंकले बैंक तथा वित्तीय संस्थाहरू नपुगेका ३४ भन्दा बढी स्थानीय तहमा आफ्नो शाखा विस्तार गरी आमसर्वसाधारणलाई बैंकिङ सेवा दिइरहेको छ ।

प्रकाशित मिति: बुधबार, वैशाख १०, २०७७ २१:१५