सेलपेबाट भुक्तानी गर्नुस्, १० थान मास्क र १ थान साबुन निःशु ल्क लिनुस्

A+ A A-

भुक्तानी सेवाप्रदायक सेलकम प्रालिको सेलपे सेवाका ग्राहकले अबदेखि सेलपे सेवामार्फत भुक्तानी गर्दा १० थान मास्क र १ थान साबन निःशुल्क पाउने भएका छन् ।

कम्पनीले हालै नेपालको अग्रणी ई–कमर्स प्लेटफार्म ‘पेलेस एप’सँग सहकार्य गरेसँगै ‘पेलेस एप’को कुपन सेक्सनको खेती फुडबाट सामग्री किन्दा ग्राहकले त्यस्तो सुविधा पाउने कम्पनीले जनाएको छ ।

हाल विश्वभर फैलिँदै गरेको कोरोना भाइरस (कोभिड १९) को संक्रमणबाट बच्न नेपाल सरकारबाट आमसर्वसाधारणलाई सामाजिक दूरी कायम गर्न र अत्यावश्यक कार्यका लागि बाहेक घरबाट बाहिर ननिस्कन निर्देशन जारी गरेको हुँदा यस समयमा ग्राहकहरूको सुरक्षा र अत्यावश्यक आवश्यकताहरूलाई ध्यानमा राखी पेलेस एपले अत्यावश्यक सामग्रीहरू ग्राहकहरूको घरमै पुर्‍याउन नेपाल सरकारबाट अनुमति प्राप्त गरेको छ ।

यसबाट ग्राहकहरूले कोरोनाको संक्रमणबाट बच्नका लागि सामाजिक दूरी कायम गर्न थप मद्दत पुग्ने कम्पनीको विश्वास छ ।

यसका साथै भुक्तानी गर्दा नगद कारोबारबाट पनि कोरोना भाइरसको संक्रमणको खतरा भएको हुँदा डिजिटल भुक्तानीलाई प्रोत्साहन गर्न पेलेस एपको कुपन सेक्सनको खेती फुडबाट सामग्री खरिद गर्दा सेलपेका ग्राहकहरूले सेलपेको मोबाइल वा वेब एप्लिकेसनबाट सहज र सुरक्षित माध्यमबाट अग्रिम भुक्तानी गर्न सक्नेछन् ।

साथै, कोरोना भाइरसको संक्रमणबाट जोगिनका लागि मास्कको अत्यधिक माग भएको र बजारमा अभाव रहेको अवस्थामा सेलपेले आफ्नो सामाजिक उत्तरदायित्वअन्तर्गत ग्राहकहरूलाई निःशुल्क रूपमा उपलब्ध गराएको मास्कले कोरोनाबाट बच्न सहयोग पुग्ने विश्वास पनि लिएको छ ।

सेलपेद्वारा विभिन्न दूरसञ्चार सेवा, बिजुली, खानेपानी, टीभी, इन्टरनेटको महसुल भुक्तानी, विभिन्न पसल, रेष्टुरेण्टमा भुक्तानी, एक बैंक खाताबाट अन्य बैंक खातामा रकम स्थानान्तरण, स्वदेशभित्र गरिने मनी ट्रान्सफर, पी२पी, पी२बी, बी२पी, बी२बी आदि वास्तविक समयमा गर्न सकिन्छ ।

प्रकाशित मिति: सोमबार, वैशाख ८, २०७७ २०:५८