पोखराका युवाले थाले भोकालाई खाना खुवाउने अभियान

A+ A A-

लकडाउनका कारण समस्यामा परेर खानाखान नपाएकालाई पोखराका युवाहरुले निःशुल्क खाना खुवाउन थालेका छन् ।

केही पोखरलेली युवाहरुको संलग्नतामा पौरखी स्वयम सेवक समुह बनाएर खान नपाएका विपन्नलाई खाना पकाएर घरसम्म नै निःशुल्क पु¥याइदिने गरेका छन् । उनीहरुले तीन दिनमा करिब २ हजारलाई खाना खुवाइसकेका छन् ।

सडकमा बस्दै आएका, घरमा खाने कुरा नभएर भोकै बस्नु पर्ने अवस्था आएका, हिडेर गन्तव्य जादै गरेकालाई खाना दिने गरेका छन् । युवाहरुले खाना पकाएर प्याकिङ्ग गरेर खाना पुर्याउने गरेका छन् ।

पोखरा ७ शान्ति नगरमा रहेको शान्तिनगर व्याङक्युटमा खाना पकाउने गरिएको उनीहरुले बताएका छन् । खाना प्याक गरेर खाना नपाएको खबर आएपछि सोही ठाउँका स्थानीय र जनप्रतिनिधिसँग समन्वय गरेर खाना पु¥याउन गरिएको पौरखी स्वयम सेवक समुहका जनक पराजुलीले बताए । पहिलो चरणमा आफुहरुले नै नगद उठाएर विहान र बेलुकाको खानाको प्रबन्ध गरेको उनले बताए ।

घरमा चुल्हो बल्नै छाडेको अवस्थामा समुहका सदस्यलाई टेलिफोन वा अन्य कुनै माध्यमले सम्पर्क गर्नेहरुलाई उनीहरु भएकै ठाउँमा खाना पु¥याउने गरिएको स्वयम सेवी समुहका अर्का सदस्य राजु शर्माले बताए ।

उनले विहान ८ बजेदेखि १० बजेसम्म साँझ ५ बजेदेखि खाना पु¥याइदिने गरेको बताए । उनले खानाका प्याकेटमा दाल, भात, अचार र तरकारी सहित प्याकिङ्ग गरिने गरेको बताए ।

‘यस लकडाउनको अवधिमा कोही भोकै बस्न नपरोस् भनेर खाना खुवाउने काम थालेका हौ,’ अर्का सदस्य विष्णुप्रसाद पौडेलले भने ‘धेरै जना भोक भोकै परेको सुनेपछि यो अभियान सुरु गरेका हौ ।’

उनले कामका लागि सहयोगी दाता र सहयोगी मन दिन दिनै थपिदै गएको बताए । खान पाइँएन भन्नेहरु पनि दिनदिनै बढ्दै गएको उनले बताए । खानै नपाउने अवस्थाको ठूलो परिवार छ भने पोखरा महानगरलाई नै राहतको व्यवस्था गर्न भनेको उनले बताए ।

शनिबार विहानबाट सुरु भएको अभियानमा तीन दिनसम्ममा १९ सय ११ जनालाई खाना निःशुल्क पु¥याइसकेको समूहका अर्का सदस्य खेमराज तिमिल्सिनाले बताए । उनले शनिबार विहान बेलुका गरे ३ सय ११ जना, आइतबार विहान बेलुका ९ सय ४५ र सोमबार विहान मात्रै ६ सय ५५ जनालाई खाना पु¥याएको बताए ।

‘लकडाउनका कारण खाद्यान्न अभाव भई चुल्हो नबल्ने अवस्था भएका अति विपन्न, दैनिक ज्यालामजदुरी गर्ने वर्ग र जोखिममा रहेका व्यक्तिहरुलाई आवश्यकताका आधारमा वडा कार्यालयको समन्वयमा खाना खुवाउने व्यवस्था गरेको उनले बताए । पोखरा महानगरले समन्यको भुमिका खेलेको उनले बताए ।

पोखरा महानगरमा खानाको लागि ९८५६०२५४९६, ९८५६०३५०५२, ९८५६०७८६४९, ९८५६०३६१७५, ९८५६०३६७३३, ९८५६०५८२८८ मा सम्पर्क गर्न सकिनेछ ।

प्रकाशित मिति: सोमबार, वैशाख ८, २०७७ १७:१३