र्‍यापिड टेस्टमा पोजेटिभ देखिका दुवैको स्वाब धनगढी पठाइयो

A+ A A-

बाजुराको त्रिवेणी नगरपालिका–९ मा पहिलो चरणको आरडीटीका क्रममा कोरोना भाइरस पेजेटिभ देखिएका २ जनाको स्वाब धनगढी पठाइएको छ । पहिलो चरणमा दुवैमा पोजेटिभ देखिए पनि दोस्रो पटक भने १ जनालाई मात्र पोजेटिभ देखिएको थियो । उनीहरूमा कोरोना संक्रमण भए नभएको पुनः परीक्षण थ्रोड स्वाबको नमुना आज धनगढी पठाइएको हो ।

र्‍यापिड टेष्ट गर्ने क्रममा भारतबाट चैत्र २ गते आएका त्रिवेणीका २ जनामा पोजेटिभ देखिएको थियो । पहिलो चरणमा २२ वर्षीय युवक र ६० वर्षीय वृद्धमा पोजेटिभ देखिए पनि दोस्रो चरणमा भने ६० वर्षीयालाई मात्र देखिएको र फाइनलका लागि आरटीपीसीआर परीक्षणका लागि धनगढी पठाउको कुरा स्वास्थ्य कार्यालय बाजुराका कार्यालय प्रमुख दयाकृष्ण पन्तले जानकारी दिए ।

कार्यालय प्रमुख पन्तले दिएको जानकारीअनुसार दुइटै परीक्षण्मा पोजेटिभ देखिएका ६० वर्षीयलाई भने सदरमुकाम मार्तडीको आइसोलेसन वाडमा भर्ना गरी उपचार सुरु गरिएको छ भने दोस्रो पटक नेगेटिभ देखिएका २२ वर्षीय युवकलाई भने तोली स्वास्थ्य चौकीमा स्वास्थ्यकर्मीको निगरानीमा राखिएको छ । दुवैको स्वास्थ्य अवस्था सामान्या रहेको चिकित्सकहरूले बताएका छन् ।

घरपरिवारका सदस्य होम क्वारेन्टाइनमा

दुवैमा परीणमको नतिजा पोजेटिभ देखिएका कारण उनीहरूका घर परिवारका सदस्यलाई होम क्वारेन्टाइनमा राखिएको कुरा जिल्ला प्रहरी कार्यालय बाजुराका सूचना अधिकारी प्रहरी निरीक्षक दानबहादुर रोकायाले बताएका छन् । ‘उनीहरू चैत्र २ गते भारतबाट आएर घरमै बसेका र गाउँमा हिँड्डुलसमेत गरेका कारण बढी खतरा छ । धनगढीबाट रिपोर्ट नआउँजेल घरपरिवारलाई अनेत्र जाननदिने भएका छौँ’ रोकायाले भने ।