ग्राहक र कर्मचारीलाई संक्रमणबाट जोगाउन एनआईसी एशियाको यस्तो सतर्कता

A+ A A-

एनआईसी एशिया बैंकले कोरोना भाइरस संक्रमणको उच्च जोखिमलाई दृष्टिगत गरी कार्यालयमा आउने आफ्ना ग्राहक र कर्मचारीको सुरक्षाका लागि विशेष सतर्कता अपनाउँदै आएको छ । बैंकले कोरोना संक्रमण न्यूनीकरण सतर्कताका विधिहरू अपनाई आफ्ना सेवाहरूलाई निरन्तरता दिएको छ ।

बैंकले कोभिड १९ को संक्रमणबाट नेपालमा हुन सक्ने जोखिमको परिकल्पना गर्दै विशेष सावधानीका साथ ग्राहकहरूलाई आफ्ना सेवा तथा सुविधा प्रदान गरिरहेको बताएको छ ।

बैंकका अनुसार ग्राहक तथा कर्मचारीहरूको सुरक्षालाई पहिलो प्राथमिकतामा राखेर बैंकले हालसम्म ५० वटा भन्दा बढी शाखा कार्यालय, कुल ४६१ वटा एटीएम तथा विभिन्न विद्युतीय माध्यमहरूबाट ग्राहकहरूको विभिन्न बैंकिङ आवश्यकताहरू पूरा गरिरहेको छ ।

ग्राहकहरूका लागि कस्तो सुरक्षा अपनाइएको छ ?

– बैंकले सामाजिक सञ्जाल, एसएमएस तथा पोस्टरहरूमार्फत कोभिड–१९ संक्रमण तथा यसबाट सावधानीको उपायका बारेमा जनचेतनामूलक जानकारी दिइरहेको छ ।

– बैंकले सेवा दिइरहेका शाखा कार्यालयहरूमा ग्राहकहरू पुग्नुभन्दा २ घण्टाअगावै ग्राहकहरूको चहलपहल हुने क्षेत्र तथा कर्मचारीहरूको कार्यक्षेत्र सम्पूर्ण रुपमा कोभिड–१९ प्रतिरोधक हुने गरी डिस्इन्फेक्सन औषधि छर्किने गरेको ।

– शाखा कार्यालयमा खटिएका सुरक्षा गार्डद्वारा अत्यावश्यक सेवा लिन आउने ग्राहकहरूलाई मास्क तथा स्यानिटाइजर प्रयोग गर्न सल्लाह दिने गरिएको र स्यानिटाइजरले हात सफा गरेपश्चात् मात्र ग्राहकलाई बैंकिङ्ग सुविधा लिन बैंक प्रवेश गराएको ।

– बैंकले हालसम्म आंशिक रुपमा सेवाहरू सुचारु गरिसकेको अवस्थामा सेवा लिन आएका ग्राहकहरूलाई यथाशक्य थर्मल गनको सहायताले ज्वरो (शारीरिक तापक्रम) नाप्ने व्यवस्था गरिएको र तापक्रम उच्च (१०० डिग्री फरेनहाइटभन्दा माथि) भएको खण्डमा तुरुन्त चिकित्सकीय परामर्श लिन सुझाव दिने गरिएको ।

– ग्राहकहरूलाई सेवा लिन आउँदा सामाजिक दूरी कायम राख्न लगाउने व्यवस्था गरिएको ।

– शाखामा पुगेका ग्राहकहरूलाई सकेसम्म विद्युतीय माध्यमबाट बैंकिङ कारोबार गर्न आग्रह गरिनुका साथै यसको लागि बैंकले विभिन्न विद्युतीय माध्यमबाट गरिने भुक्तानीका सेवाहरूलाई हाल निःशुल्क गरिएको ।

– शाखा कार्यालयहरूमा कोरोना भाइरसको संक्रमणबाट सावधानी तथा सुरक्षित रहनको लागि जनचेतनामूलक सूचना राखिएको ।

– ग्राहकहरूको बैंकिङ्ग कार्यमा समस्या आएको खण्डमा सो को समाधानका लागि बैंकले ‘डिजिटल हेल्प डेस्क’ तथा प्रादेशिक तथा उपप्रादेशिक क्षेत्रमा ‘ग्राहक सहायता केन्द्र’ को समेत स्थापना गरेको ।

एटीएममा अपनाइएका सुरक्षाका उपायहरूः

– ग्राहकहरूले एटीएम प्रयोग गर्दा स्यानिटाइजर प्रयोग गर्न अनिवार्य व्यवस्था गरिएको ।

– प्रत्येक ४८ घण्टामा एटीएममा कोभिड(१९ प्रतिरोधक हुने गरी डिस्इन्फेक्सन औषधी छर्किने व्यवस्था गरिएको ।

– एटीएमहरूमा कोरोना भाइरसको संक्रमणबाट सावधानी तथा सुरक्षित रहनको लागि जनचेतनामूलक सूचना राखिएको ।

– एटीएमहरूमा भीडभाड गर्न नदिई ग्राहकहरूको दूरी कायम गराएर मात्र रकम झिक्ने व्यवस्था मिलाइएको ।

कर्मचारीहरूको सुरक्षाका निम्ति अवलम्बन गरिएका उपायहरूः

– बैंकले विश्व जगतमा कोरोना संक्रमणको अवस्था देखिएदेखि नै स्टाफ एडभाइजरी जारी गरेर आफ्ना कर्मचारीलाई उच्च सतर्कता अपनाउन संचार गरिरहेको ।

– कार्यालयमा उपस्थित कर्मचारीहरूले मास्क, पन्जा तथा स्यानिटाइजर लगाएर ग्राहकहरूलाई सेवा दिने व्यवस्था बैंकले गरेको ।

– नोटको प्रयोगबाट कोरोना भाइरस जस्तो महामारी फैलिन सक्ने अवस्थालाई ध्यानमा राख्दै बैंकले ग्राहकहरूबाट प्राप्त नगद रकमलाई समेत तुरुन्त डिस्इन्फेक्सन गरेर जम्मा गर्ने व्यवस्था गरेको ।

– सेवामा रहेका कर्मचारीहरूलाई बैंकले सवारीमार्फत घरसम्मै लिन र छोड्न जाने सुविधा बैंकले प्रदान गरिरहेको ।

– यस विपदको समयमा परिवारभन्दा अलग रहेका वा लकडाउनले गर्दा विभिन्न स्थानमा रोकिएर रहेका कर्मचारीहरूलाई लकडाउनको कार्यविधि उल्लंघन नहुने गरी परिवार रहेको स्थानसम्म उच्च सावधानीको साथ पु¥याउने व्यवस्था गरिएको ।

– यातायातका लागि प्रयोग हुने सवारी साधनहरूमा पर्याप्त मात्रामा डिस्इन्फेक्सन औषधि छर्किने तथा चुस्त सफाइको व्यवस्था गरिएको ।

– कर्मचारीहरूको स्वास्थ्यलाई ध्यानमा राख्दै विभिन्न सुरक्षाका कार्यक्रमहरूका साथै नेपालमा पहिलो कोरोना संक्रमित भेटिएदेखि नै बैंकले कर्मचारीहरूलाई परामर्श दिइरहेको ।

– सामाजिक दूरी कायम राख्नका लागि बैंकले आपतकालीन कामका लागि बाहेक (एटीएम÷सूचना प्रविधि) कर्मचारीहरूलाई वर्क फ्रम होमको व्यवस्था गरिएको छ । साथै कार्यलय आउने कर्मचारीहरूलाई स्यानिटाइजर, मास्क, पन्जाजस्ता सुरक्षाका सामग्रीको प्रबन्ध गरेको ।

प्रकाशित मिति: आइतबार, चैत ३०, २०७६ २२:५३