पहिलो पटक लिँदै हो अनलाइन कक्षा ? काम लाग्न सक्छन् यी टिप्स

A+ A A-

कोभिड- १९ महामारी नियन्त्रण गर्नका लागि उठाइएका कदमले विद्यालय, कलेज तथा विश्वविद्यालय बन्द हुँदा अध्ययनरत विद्यार्थीको पढाइ प्रभावित भएको छ । विद्यार्थीको पढाइमा असर परेपछि सरकार, सम्बन्धित विश्वविद्यालय, कलेजका साथै विभिन्न विद्यालयले अनलाइन कक्षा सुरु गर्न घोषणा गरेका छन् । यद्यपि, सधैँ कक्षामा बसेर पढ्दै आएका विद्यार्थीका लागि अब घरमै बसरे पढ्न त्यति सहज नहोला ।

पहिलो पटक अनलाइन कक्षा लिने विद्यार्थीका लागि रिसोर्स लिन इन्टरनेटमा खोजी तथा असाइनमेन्टहरू अनलाइनबाट पूरा गर्न पनि त्यति सजिलो छैन । त्यस्तै, सामाजिक सञ्जालको फिड्सले डिस्ट्र्याक्सन गर्नुका साथै तनाव पनि सिर्जना गर्न सक्छ ।

यस्तो अवस्थाबाट बच्न केही प्रभावकारी उपाय अपनाउन सकिन्छ । यस्तो अवस्थामा यी टिप्सले अध्ययनमा ध्यान दिन सघाउनुका साथै ट्रिक्स अपनाएर अनलाइन कक्षाको मज्जा उठाउन सकिन्छ ।

पुरानै तरिकाले नोट

अनलाइन लेक्चर वा प्रिजेन्टरलाई हेर्दै नोट बनाउँदै हो भने ल्यापटपमा टाइप गर्नुको सट्टा पुरानै तरिकाले कलमले नोटबुकमा लेखर नोट बनाउनु उपयुक्त हुन्छ । अनुसन्धानका क्रममा टाइप गर्दाभन्दा हातले नोट लेख्दा विद्यार्थीले पढाएको विषयलाई धेरै बुझ्न सक्ने र लामो समयसम्म स्मरण गर्न सक्छन् भन्ने पत्ता लागेको थियो । त्यसैले घरमै बसरे अनलाइन कक्षाबाट अध्ययनरत विद्यार्थीले पनि कापीमा कलमले लेखेर पढ्दा प्रभावकारी हुन्छ ।

बीचबीचमा ब्रेक

अनलाइनबाट पढ्दा बीचबीचमा ब्रेक लिन भुल्नु हँदैन । शिक्षाविद्हरू अध्ययनका क्रममा बीचबीचमा केही मिनेटको ब्रेक लिँदा अध्ययन गरिएका सामग्री याद गर्न सहज हुने बताउँछन् ।

एमआइटी स्लोनका सिनियर लेक्चरर बब पोजेन ७५ देखि ९० मिनेट काम गर्दा हाम्रो दिमागले २ मोडमा काम गर्ने बताउँछन् । उनका अनुसार पहिलो लर्निङ वा फोकस र अर्को कन्सोलिडेसन । टास्क पूरा गरेपछि १५ मिनेटको ब्रेक लिँदा मस्तिष्कलेे सूचनालाई कन्सोलिडेट गरेर याद रख्न मद्दत गर्छ ।

डिस्ट्याक्सनबाट टाढा

ट्विटर, नेटफ्लिक्स, फेसबुक वा ह्वाट्सएप जस्ता सामाजिक सञ्जालको फिड्सले पढाइका क्रममा ध्यानलाई अन्तै मोडिदिन्छ । कैयौँ यस्ता एप्सहरू छन्, जसले पढाइएका क्रममा तपाईंको ध्यानलाई अन्यत्र लाग्न नदिई पढाइमा नै ध्यान पुर्‍याउन मद्दत गर्छन् ।

यसका लागि फोकसमी, फ्रिडम र फोरेस्ट जस्ता केही लोकप्रिय एप्सको मद्दत पनि लिन सकिन्छ ।

स्टडी प्लान

एउटा स्टडी क्यालेन्टर बनाउने । यसमा आगामी परीक्षा, असाइनमेन्ट्स पूरा गर्ने समय भर्न सकिन्छ । यसलाई आफ्नो कम्प्युटर वा मोबाइलमा सेभ गरेर राख्ने र जब पढ्न बसिन्छ, एकपटक यसलाई हेर्ने । हरेक हप्ताको पहिलो दिन टु डु लिस्ट (गर्नुपर्ने कनमको सूची) बनाउने र समयबद्ध तरिकाले यिनलाई पूरा गर्ने ।

(एजेन्सीको सहयोगमा नेत्र पौडेलले तयार पारेको सामग्री)

प्रकाशित मिति: आइतबार, चैत ३०, २०७६ १४:०५