कृषिमन्त्री घनश्याम भुसाललाई १० सुझाव

A+ A A-

माननीय कृषिमन्त्री घनश्याम भुसाल ज्यू, नमस्कार

तपाईं जस्तो दुरदर्शी नेता कृषि मन्त्रालयले पाउँदा कृषि क्षेत्रमा केही न केही सकरात्मक परिवर्तन आउँछ भन्ने कुरामा हामी आशावादी छौं ।

स्थानीय सरकारसँग कृषिमा कसरी आत्मनिर्भर हुन सकिन्छ, पालिका स्तरमा के आवश्यक छ र पालिकाले के गर्न सक्छ भन्ने बिषयमा सुझाब माग्नुभएको सामाजिक संजालबाट थाहा पाएँ ।

तपाईले सुझाव मागेपछि केही बिषयबस्तु राख्दैछु, मनन गरिदिनुहोला ।

१. गाउँमा जे उत्पादन जति र जहिले हुन्छ उक्त बस्तु स्थानीय सरकारले न्युनतम समर्थन मूल्य तय गगरी खरिदको ग्यारेन्टी गरौं । यसले तुरुन्तै उत्पादन वृद्धि गर्न सहयोग गर्नेछ ।

२. जग्गाको बर्गीकरण गरेर बसोबासको क्षेत्र, जङ्गल क्षेत्र, खेतिपाती क्षेत्र र पुरातात्विक र पर्यटकीय महत्वको क्षेत्रको रुपमा बर्गीकरण गरौं र तोकिएको बसोबास क्षेत्र बाहेक अन्य क्षेत्रमा बसोबास नगर्ने नगराउने नियम लागू गरौं ।

३. खेतीयोग्य जग्गा बाँझो राख्न नपाइने नियम कडाइका साथ लागू गरौं । बाझो राखेमा पहिलो पाँच वर्षसम्म बढ्दो दरमा प्रति रोपनीमा हिसाव गरेर निश्चित दरमा जरिमाना लगाउँ ।

पाँच बर्ष भन्दा धेरै बाझो राखेमा उक्त जग्गा त्यस पछिको कम्तिमा पनि १० बर्षसम्म जग्गाधनीले बेचबिखन गर्न, बैकमा धितो राख्न, अंशबण्डा गर्न बन्देज लगाइ उक्त जग्गा स्थानीय कृषकहरुको सहकारी समुहलाई निशुल्क कृषि गर्न उपलब्ध गराउँ ।

४. हाल नेपालको कृषियोग्य जग्गा धेरै जसो खण्डिकरण भएकोले अनिवार्य रुपमा स्थानीय बासिन्दा सम्मिलित सहकारी मार्फत जग्गाको चक्लाबन्दी गरेर खेती गर्ने व्यवस्था मिलाउँ ।

बारीमै कुहिँदै किसानको तरकारी, चुपचाप छन् कृषिमन्त्री

५. कृषि अनुदान नगदमा नभई कृषि औजार, उन्नत बीउ र प्रविधिको माध्यमबाट प्रदान गर्ने व्यवस्था मिलाउँ ।

६. सहुलियत कृषि कर्जा वास्तविक कृषकसम्म पुग्नका लागि सरकारले तोकेको क्षेत्रमा तोकिएको बाली लगाउनेलाई मात्र उपलब्ध गराउने र उक्त प्रावधान पूरा नगरेमा उक्त कर्जालाई व्यक्तिगत कर्जामा परिवर्तन गर्ने र व्यक्तिलाइ कालोसुचिमा राखी भविश्यमा सरकारी तहबाट हुने सुविधाबाट बन्चित गराउने नीति अख्तियार गरौं ।

७. निश्चित क्षेत्रलाइ निश्चित समयको लागि निश्चित बालीको लागि पकेट एरिया घोषण गरौं । कुन क्षेत्रलाई कुन बाली उपयुक्त हुन्छ त्यसका लागि कृषि विशेषज्ञसँग सल्लाह लिउँ । तोकिएको बाली नलगाउनेलाई सुविधाबाट बन्चित गरौं ।

८. उक्त बालीको बीउ, मल, सिचाइ, औषधि तथा प्रविधि र प्राविधिकको व्यवस्था सरकारी तहबाट गरौं ।