पोखरा महानगरद्वारा क्षेत्रीय अस्पताललाई पीपीई प्रदान

A+ A A-

पोखरा महानगरपालिकाले पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालका स्वास्थ्यकर्मीका लागि आवश्यक व्यक्तिगत सुरक्षा सामग्री (पिपिई) सहयोग गरेको छ । कोरोना भाइरसको संक्रमणबाट बच्नका लागि पोखरा महानगरले गाउण्ड, सुकभर र फेयसिल सहित एक सय थान पिपिई सहयोग गरेको हो ।

पोखरा महानगरपालिकाका प्रमुख मानबहादुर जिसीले स्वास्थ्य विज्ञान प्रतिष्ठानका उपकुलपति डा. बृद्धिबहादुर थापालाई स्वास्थ्य सुरक्षा सामाग्री (पिपिई) हस्तान्तरण गरेका हुन् ।

प्रमुख जिसीले गण्डकी प्रदेशकै ठूलो र नेतृत्वदायी भूमिकामा रहेको अस्पताललाई सुरक्षित बनाउन महानगरले सहयोग गरेको बताए । उनले हस्पिटल सुरक्षित नभए विरामी सुरक्षित नहुने बताए ।

‘हस्पिटल र स्वास्थ्यकर्मी सुरक्षित नहुने हो भने कोही पनि सुरक्षित हुन सक्दैनौ’ उनले भने ‘त्यसैले पहिले अस्पताका स्वास्थ्यकर्मीलाई सुरक्षित बनाएर बिरामीको निर्धक्कका साथे सेवा आवस्यक सुरक्षा सामग्री दिएका हौँ।’

प्रमुख जिसीले हस्पितलमा काम गर्ने एम्बुलेन्स चालक, ल्याबमा काम गर्ने प्राविधिक, आइसोलेसन वार्डमा काम सबै सुरक्षित हुनुपर्ने बताए । उनले भने, ‘पहिलो प्राथमिकता स्वास्थ्यकर्मी सुरक्षित बनाउनु हो । उहाँहरू सुरक्षित भएपछि हामी सुरक्षित हुन्छौँ ।’

उनले महानगरले प्रदान गरेको पिपिई काठमाडौंबाट ल्याएको र ल्याब टेष्ट गरिएको बताए । उनले स्वास्थ्यकर्मीका कमीकमजोरी हुनसक्छन् तर अहिले कमीकमजोरी खोज्ने बेलाभन्दा मनोबल उच्च बनाउने बेला भएको बताए ।

‘स्वास्थ्यकर्मीको गल्ती कमजोरी अहिले सञ्चार माध्यमले नलेखौँ अहिले महामारीसँग लडौँ त्यसको हिसाबकिताब पछि गरौँला ’उनले भने । प्रमुख जिसीले स्वास्थ्यकर्मीलाई उत्साहपूर्वक काम गर्ने वातावरण सिर्जना गर्न सबैलाई आग्रह गरे ।

पोखरा स्वास्थ्य विज्ञान प्रतिष्ठानका उपकुलति डा. बृद्धिबहादुर थापाले महानगरले प्रदान गरेको स्वास्थ्य सामग्रीले कोरोना संक्रमणको उपचारमा सहज हुने विश्वास व्यक्त गरे । स्वास्थ्यकर्मी अहिलेको महामारीका अग्रपक्तिका सिपाही भएकाले उनीहरूको मनोवल उच्च बनाउने गरी सवैले सहयोग गर्नुपर्नेमा जोड दिए ।