शेयर बजारः ७ अंकले घट्यो, कारोबार रकम ८३ प्रतिशतले बढ्यो

A+ A A-

साताको पहिलो दिन ६ अंकले बढेको शेयर बजार साताको अन्तिम दिन करिव ७ अंकले घटेर बन्द भएको छ । कारोबार रकम भने सामान्य रहेको छ । साताको तेस्रो दिन प्रणालीमा समस्या आउँदा पूर्ण समय कारोबार हुन सकेको थिएन |

आजको बजार संक्षेप

विषय	आज	अघिल्लो दिन	फरक
कारोबाररकम	२७,२४,९४,५६५	१४,८६,३३,२४५	८३ प्रतिशत
शेयरसंख्या	९,७४,७२६	५,३४,९९५	८२ प्रतिशत
कुलकारोबार	४६४७	२,५९२	७९प्रतिशत
कम्पनी	१७१	१५८	१३वटा
सूचक	११४०.६०	११४७.१५	-६.५५अंक

सर्वाधिक रकम कारोबारका आधारमा ५ कम्पनी

४८ प्रतिशत लाभांश घोषणा गरेको नेपाल लाइफ इन्सुरेन्समा लगानीकर्ताको चाप अहिले पनि बढी देखिएकोले साताको अन्तिम दिन यसको अधिक रकम कारोबार भएको छ | ग्लोबल बैंकको केहि दिन यता लगातार संस्थापक शेयर कारोबार भइरहेको छ | आज सिटिजन्स बैंक तेस्रो स्थानमा परेको छ | अपर तामाकोशी लगातार कारोबार रकमको हिसाबले पाँचौं स्थानमा पर्दै आएको हुँदा यसलाई आश्चर्य मानिहाल्नु पर्दैन |

कम्पनी	रकम	अन्तिम मूल्य
नेपाल लाइफ इन्सुरेन्स	२,०४,४२,९७०	१,०७३
ग्लोबल बैंक (संस्थापक)	१,८२,९०,८८०	१७४
सिटीजन्स बैंक	९६,८७,६०३	२०८
अपर तामाकोशी	९३,६५,४३१	२४०
एनआईसि एसिया बैंक	८८,०७,०८७	३९५

सर्वाधिक शेयर कारोबार भएका ५ कम्पनी
ग्लोबल बैंकको संस्थापक शेयर लगातार कारोबार भइरहेको कारण यसको कित्ता बढी देखिएको छ | सिटीजन्सको बढी कारोबार भएको जस्तो देखिए पनि ४ करोड कित्ता कारोबारयोग्य शेयर भएको कम्पनीको ५० हजार हाराहारीमा कारोबार हुनु असामान्य विषय हैन | सेन्चुरी बैंकले लाभांश घोषणा गरेको हुँदा यसको आज अधिक कारोबार देखिएको छ | नेपाल क्रेडिट एण्ड कमर्श बैंकले आव २०७३/७४ देखिको साधारणसभा गर्न बाँकी रहेको कारण यसको लाभांश लिने होडले धेरै शेयर कारोबार भएको हुनसक्छ |

कम्पनी	शेयर संख्या	अन्तिम मूल्य
ग्लोबल बैंक (संस्थापक)	१,०५,१२०	१७४
सिटिजन्स बैंक	४७,५३७	२०८
सेन्चुरी बैंक	४०,९६९	१६०
मेगा बैंक	४०,८७२	१६२
नेपाल क्रेडिट एण्ड कमर्श बैंक	३८,९७०	२११

सर्वाधिक कारोबार भएका ५ कम्पनी
अपर तामाकोशीमा अपेक्षा बढी भएको हुँदा यसको कारोबार बढी हुनु पनि सामान्य घटना हो | नेपाल लाइफ इन्सुरेन्स र सेन्चुरी बैंककोलाभांश घोषणा भएको हुँदा यसको लाभांशमा लगानीकर्ताझुम्मिएको अनुमान गर्न सकिन्छ |

कम्पनी	कारोबार संख्या	कारोबार मूल्य
अपर तामाकोशी	३४६	२४०
नेपाल लाइफ इन्सुरेन्स	१९२	१,०७३
सेन्चुरी बैंक	१२९	१६०
नेपाल इन्भेष्टमेन्ट बैंक	१२४	५३०
मेगा बैंक	११४	१६२

सर्वाधिक कमाउने ५ कम्पनी
आशा लघुवित्त अग्रस्थानमा परेको छ | आशा लघुवित्त भर्खर सूचीकरण भएको हुँदा यसको मूल्यमा अझ केहि दिन वृद्धि हुनेछ | भार्गव र गुर्खाज पनि मर्जमा जाने हल्ला छ |

कम्पनी	अन्तिम मुल्य	वृद्धि (प्रतिशत)
आशा लघुवित्त	५१०	९.९१
भार्गव विकास बैंक	१४२	३.६५
सांग्रिला डेभलपमेन्ट बैंक	१४६	३.३५
गुराँस लाइफ इन्सुरेन्स	५१०	२.७८
गुर्खाज फाइनान्स	११२	२.७५

सर्वाधिक गुमाउने ५ कम्पनी
साताको अन्तिम दिन लघुवित्त समुहले बढी गुमाएको छ | अस्वाभाविकरुपमा उच्च मूल्य रहेका लघुवित्तले आज धेरै गुमाएका देखिन्छ |

कम्पनी	अन्तिम मुल्य	कमि (प्रतिशत)
ग्लोबल आइएमई लघुवित्त	९८५	५.७४
उन्नति लघुवित्त	१,२००	५.४३
किसान लघुवित्त	८२०	५.२०
नागवेली लघुवित्त	५९०	४.६८
जनउत्थान लघुवित्त	२,१९०	३.७३

कर्पोरेट गतिविधि
सेन्चुरी कमर्शियल बैंकले २ प्रतिशत बोनस र ४ दशमलव ५ प्रतिशत नगद लाभांश घोषणा गरेको छ | युनिभर्सल पावर कम्पनी र शिवम सिमेन्टको कारोबार खुले पनि आज कारोबार हुन सकेन |

नेप्सेले बनाएको नयाँ नियम अनुसार सूचिकरण हुने कम्पनीको प्रारम्भिक कारोबार समयमा कारोबार मूल्य तय भएपछि मात्रै नियमित कारोबार हुन्छ । प्रारम्भिक कारोबार समय विहान साढे १० बजेदेखि ११ बजेसम्म तोकिएको छ । तोकिएको यो समयभित्र प्रारम्भिक कारोबार नभएसम्म कुनै पनि कम्पनीको शेयर कारोबार नियमित हुदैन । शिवम र युनिर्भलको त्यस्तो समयमा कारोबार नभएकोले आज शेयर कारोबार हुन सकेन ।

धितोपत्र वोर्डले गणपति माइक्रोफाइनान्सलाई शेयर जारी गर्न अनुमति दिएको छ | कम्पनीले ३ लाख ३५ हजार कित्ता साधारण शेयर जारी गर्न आनुमति पाएको हो |

प्रकाशित मिति: शुक्रबार, चैत ८, २०७५ ०२:३७