लकडाउनले हनुमान जयन्ती पनि प्रभावित

A+ A A-

लकडाउनका कारण हनुमान जयन्ती पनि प्रभावित भएको छ । बजारमा मात्रै नभइ जनकपुरधामको हनुमान मन्दिरहरूमा पनि औपचारिकताका लागि मात्रै पूजा भएको छ । जसरी चैती दूर्गा, चैती छठ र रामनवमी जनकपुरधाममा भएको थियो त्यस्तै हनुमान जयन्ती पनि मनाइएको स्थानीयले बताए ।

जानकी मन्दिरका उत्तराधिकारी महन्त रामरोशन दास वैष्णवले यसपाली जानकी मन्दिर लगायत हनुमान मन्दिरहरूमा सामान्य पूजा मात्रै भएको बताए । पूजा भएको तर बीना भक्तजनको पूजा गरिएको उनले बताए । हनुमान जयन्तीको अवसरमा पहिला नगरमा शोभा यात्रा निकालिन्थ्यो, ठाउँ ठाउँमा हनुमान चालिसा, सुन्दरकाण्ड पाठलगायत ठूलो उत्सव नै हुने गथ्र्यो तर आज बाहिर कही कतै केही भएन । आ–आफना घरमा मात्रै हनुमानको पूजा गरेको स्थानीयले बताए ।

मिथिलामा हनुमानको भक्तको संख्या धेरै रहेको छ । शानिबार र मंगलबार ब्रत गर्नेहरू हजारौँमा छन्, आज पनि धेरैले व्रत गरेका छन् संस्कृतिविद् एवं मैथिलीका साहित्यकार चन्द्रमोहन झा पड़वाले भने ।

हनुमानको पूजा पाठ गर्ने एवं मन्त्र स्त्रोत पाठ गर्ने र यसबाट शुभ फल मिल्ने, शनिग्रहको दोष नलाग्ने देखी भूतप्रेत पिचासले दुःख नदिने भन्नेसम्म जनविश्वास छ ।

हनुमानको पूजा गरेमा वैवाहिक सुख मिल्ने र पती-पत्नी बीचको कलह हट्ने जानेछ भन्ने पनि शास्त्रमा उल्लेख रहेको छ । चैत्र शुक्ल पूर्णिमालाई हनुमान जयन्ती भएकोले विशेष पर्वको रूपमा व्रत, पूजा ,आराधना रामायण को पाठ गरी नीकै हर्ष उल्लासका साथ मनाउने गर्दछन् ।

हनुमान जयन्तीको तिथी कात्तिक महिनाको कृष्ण पक्षको चतुर्दशी तिथी र चैत्र महिनाको शुक्ल पक्षको पूर्णिमा तिथी गरेर दुवै दिनलाई मानिएको छ । चैत्र महिनाको पूर्णिमाका दिन स्त्री पुरुष बाल वृद्ध सबैले पवित्र नदीमा स्नान गरेर आफूलाई पवित्र तुल्याउँदछन, यस दिन घरघरमा लक्ष्मीनारायणलाई प्रसन्न तुल्याउन व्रत गरी सत्यनारायणको कथा श्रवण गर्ने प्रचलनरहेको धार्मिक जानकारहरू वताउँछन् ।

शास्त्रमा मतैक्य नहुनाले चैत्र शुक्ल पूर्णिमाका दिन हनुमानजीको जन्म दिवस मनाउने त गरिन्छ, यद्यपि वायु पुराणादि अनुसार कार्तिक महिनाको शुक्ल चतुर्दशीका दिन हनुमान् जयन्ती अधिक प्रचिलित छ, तर पहिलो जन्म दिवस हो भने दोस्रो विजय अभिनन्दन महोत्सव हो ।

प्रकाशित मिति: बुधबार, चैत २६, २०७६ १३:४६