कोरोना : सार्कका कुन देश कति प्रभावित ?

A+ A A-

दक्षिण एसियाका देशमा पनि कोरोना भाइरसको प्रभाव परेको छ । विश्वभर फैलिएको कोरोनाको महामारीबाट दक्षिण एसियाली देशहरू पनि यसको महामारीको शिकार भएका छन् ।

अहिले सार्क देशहरूमा ९ हजार ५१ मानिसमा कोरोना सक्रमण देखिएको छ । सार्क देशमा सबैभन्दा बढी कोरोना संक्रमण देखिएको भारतमा हो । भारतमा अहिलेसम्म ४ हजार ८ सय ९ जना कोरोना भाइरस संक्रमणका बिमारी भेटिएका छन् । भारतमा कोरोना भाइरसका कारण मृत्यु हुनेको संख्या १ सय ३८ पुगेको छ । २४ घण्टामा १ सय ३० जना नयाँ बिमारी देखिएका छन् । ३ सय ८२ जना संक्रमण मुक्त भएर घर फर्केका छन् । ३ हजार ९ सय ८१ जनाको अस्पतालमा उपचार जारी छ ।

कोरोना संक्रमणकाे दोस्रो नम्बरमा पाकिस्तान परेको छ । पाकिस्तानमा अहिले ४ हजार ४ जना कोरोना संक्रमणका बिरामी छन् । मृत्यु हुनेको संख्या ५७ पुगेको छ । यहाँ २४ घण्टामा २ सय ३८ जना बिरामी देखिएका छन् । ४ सय २९ जना सन्चो भएर घर फर्केका छन् भने ३ हजार ५ सय २० जनाको अस्पतालमा उपचार भइरहेको छ ।

अफगानिस्तान अहिले तेस्रो नम्बरमा छ । यहाँ ४ सय २३ जनामा कोरोना भाइरस सक्रमण भएको छ । ११ जनाको कोरोना भाइरसका कारण मृत्यु भएको छ । पछिल्लो २४ घण्टामा ५६ जनामा कोरोना भाइरस देखिएको छ । १८ जना सन्चो भएर अस्पतालबाट घर फर्किसकेका छन् । अहिले पनि ३ सय ९४ जनाको अस्पतालमा उपचार भइरहेको छ ।

चौथो नम्बरमा श्रीलंका छ । यहाँ १ सय ८३ जनामा कोरोना भाइरस संक्रमण भएको छ । ७ जनाको यो भाइरसका कारण मृत्यु भएको छ । ४२ जना उपचारपछि सन्चो भएर घर फर्केका छन् । १ सय ३५ जनाको अहिले पनि उपचार भइरहेको छ ।

बंगलादेश पाँचौँ नम्बरमा पर्छ । यहाँ अहिलेसम्म कोरोना भाइरस संक्रमणको संख्या १ सय ६४ जना रहेका छन् । २२ जनाको मृत्यु भएको छ । यो २४ घण्टामा ४१ जनामा कोरोना भाइरस देखिएको छ । ३३ जना सन्चो भएर घर फर्केका छन् । १ सय १४ जनाको उपचार जारी छ ।

माल्दिभ्स छैटौँ नम्बरमा छ । यहाँ अहिलेसम्म कोरोना भाइरसका बिमारी १९ जना रहेका छन् । १३ जना उपचारपछि घर फर्केका छन् । ६ जनाको उपचार जारी रहेको छ ।

नेपाल सातौँ नम्बरमा छ । नेपालमा अहिलेसम्म जम्मा ९ जनामा कोरोना भाइरस देखा परेको छ । जसमा १ जना पूर्ण रुपमा सन्चो भएर घर फर्केका छन् भने ८ जनाको अस्पतालमा उपचार भइरहेको छ ।