कोरोना त्रास : कर्णालीमाथि बनेका सबै पुलमा तारबार

A+ A A-

बाजुरा जिल्लाबाट कर्णाली प्रदेशसँग जोडिएका जिल्लाका सबै नाकामा पर्ने पुलमा तारबारले बाटो छेकिएको छ । जिल्लाको स्वामीकार्तिक खापर, जगन्नाथ र हिमाली गाउँपालिकासँग जोडिएका कर्णली नदीमा रहेका पुलहरूमा काँडेतारको बार लगाइएको छ । भारतबाट र शहरबाट आएकाहरू रातिको समयमासमेत गाउँमा प्रवेश गर्ने जोखिम देखेर तारबार लगाइएको हो ।

बाजुराबाट हुम्लासँग जोडिएको कवाडी र जिमानाबाट देउसैन आउँने बाटो, मुगुजाने बाटो बिनघाट, लेब्ड्री, झुगला, पुराना झुगला र स्वामीकार्तिक जाँने बाटो चुलीगाड, पिलुघाट, बेर्मा र कालिकोटको जितेगडाको फेरी अहिले पूर्णरूपमा बन्द गरिएको छ ।

जिल्ला प्रशासन कार्यालय बाजुराले जिल्लाका नौवटा स्थानीय तहबाट संकलन गरेको तथ्याङ्क हेर्दा चौत्र महिनामा मात्र भारतबाट आएकाहरूको संख्या एक हजार ४८ छ । दक्षिण कोरियाबाट एक जना, साउदी अरबबाट एक र बहराईनबाट समेत एक जना गरी अन्तर्राट्रिय फलाईटबाट ३ जना जिल्लामा आएको तथ्याङ्क रहेको कुरा सहायक प्रमुख जिल्ला अधिकारी समिर भण्डारीले बताए ।

‘जिल्ला भरका १५ वटा क्वारानटाईमा एक सय १७ जना छन् राखिएका छन् । जसमा भारतबाट आएका मात्र ५४ जना रहेका छन् । भारतबाट आएकाहरू मुख्य बाटो प्रयोग नगरेर गाउँ जाँने खतरा छ उनले भने, स्थानीय तहले त्यसकारण पुलमा तारबार लगाएर बन्द गरेका होलान् ।’

कर्णली नदीको पारीपट्टी रहेको स्वामिकार्तिक खापार गाउँपालिका कर्णाली प्रदेशको मुगु र कालिकोट जिल्लासँग जोडिएको छ । त्यहाँ भारतबाट र आउँने सबै रुटबाट जाँनेहरूका लागि कर्णली पुलमा तारबार लगाइएको छ। ‘कालिकोट र मुगुबाट आउँने र धनगढीबाट आउँने सबै बाटाहरू कर्णाली पुल तरेर जाँनु पर्छ । त्यसो भएकाले राति लुकेर आउँने डरले पुलमा तारबार हालिएको हो’ स्वामीकार्तिक खापर गाउँपालिकाका अध्यक्ष चिरन्जिबी शाहीले भने ।

बाजुराबाट हुम्ला र मुगु जिल्लामा जाँने बाटोको कवाडी र झुगलामा रहेका कर्णाली नदीमाथिको पुलमा हिमाली गाउँपालिकाले आवतजावतमा कडाई गरेको छ। ‘यहाँका जनतामा आउँने भन्दा पनि बाहिर जिल्लामा आउँने जाँने बाट रोग आउँने डर भएर यसो गर्नु परेको हो। भारत र शहरी क्षेत्रबाट आएर आफ्नो घर जाँनेहरू यही बाटो भएर जान्छन्’ हिमाली गाउँपालिकाका अध्यक्ष गोविन्द बहादुर मल्लले भने।

‘कालिकोट जिल्लाको जितेगडा भएर हुम्ला मुगु र बाजुरा आउँने यात्रुहरूसमेत रात दिन हुँलका हुँल हिँड्न लागे बीच बाटोमा पर्ने हाम्रो गाउँपालिकामा यो ठूलो समस्या भएकोले हामीले पनि कडाई गरेका हौँ’ जगन्नाथ गाउँपालिकाका रोजगार अधिकृत लक्ष्मण जोशीले बताए।

बाजुरा जिल्लाबाट कर्णाली प्रदेश संग जोडीएका पुलहरूमा काँडे तार लगाइएको छ । यसले सबै आफू सुरक्षाका लागि सचेत रहेको देखिन्छ। ‘विश्वभर एक ठाउँबाट अर्को ठाउँ मान्छेले आवतजावत गरेका कारण सरेको देखिन्छ। त्यसकाण पनि यहाँ त्यसो नहोस् भनेर तारबार गर्नु परेको हो’ जगन्नाथ गाउँपालिकाका रोजगार अधिकृत जोशीले थपे।

प्रकाशित मिति: मंगलबार, चैत २५, २०७६ १५:४९