कान्छाे वाणिज्य बैंकले लाभाशं दिने, २ कम्पनीकाे शेयर काराेबार खुला

A+ A A-

कान्छो वाणिज्य बैंक सेन्चुरीले आर्थिक वर्ष २०७४/७५ को लाभांश घोषणा गरेको छ | बैंकको चैत ५ गतेसाँझ ४ बजे बसेको संचालक समितिको २८२ औ बैठकले आर्थिक वर्ष ०७४/७५ को नाफा-नोक्सनाबाट बैंकको हाल कायम चुक्ता पूँजी ८ अर्व २५ करोड ४ लाख ६२ हजार ३ सय २९ रुपैयाँको को २ प्रतिशतले हुन आउने रकम १६ करोड ५० लाख ९ हजार २ सय ४७ रुपैयाँ बराबरको बोनस शेयर र बोनस शेयरमा लाग्ने कर सहित ३७ करोड १२ लाख ७० हजार ८ सौ ५ रुपैयाँ बराबरको ४ दशमलव ५ प्रतिशत नगद लाभांश दिने घोषणा गरेको छ |

घोषित लाभांश नेपाल राष्ट्र बैंकबाट स्वीकृत भएपछि र बैंकको साधारणसभालेपारित गरेपछि कार्यन्वयनमा आउनेछ | बैंकको वर्तमान शेयर मूल्य १ सय ६२ रहेको छ | वर्तमान बजार मूल्य अनुसार ४ प्रतिशतको प्रतिफल हुन आउँछ | त्यसलाई सामान्य मान्न सकिन्छ |

उत्पादन तथा प्रशोधन क्षेत्र समुह अन्तर्गत सूचीकरण भएको शिवम सिमेन्टलाइ नेपाल स्टक एक्सचेन्ज (नेप्से) ले १ सय ६१ रुपैयाँ ६० पैसादेखि ४ सय ८४ रुपैयाँ ८० पैसाको पहिलो कारोबार दायरा दिएको छ | गत मंगलबार कम्पनीको ४ करोड ४० लाख कित्ता शेयर नेप्सेमा सूचीकरण भएको थियो |

नेप्सेको वेवसाइट अनुसार यस समुहको यो १९ सौं कम्पनी हो | नेप्सेको वेवसाइटमा १९ औं कम्पनी भनिए पनि यस समुहमा सक्रिय कारोबारमा रहेका कम्पनीका संख्या ६ रहेको छ | कम्पनीले शेयर रजिष्ट्रारमा सिद्धार्थ क्यापिटललाई नियुक्त गरेको छ |

जलविद्युत समुहको २६सौ कम्पनीको रुपमा युनिभर्सल पावर कम्पनी पनि सूचीकरण भएको छ | कम्पनीलाई १ सय १ रुपियाँ ११ पैसादेखि ३ सय ३ रुपैयाँ ३३ पैसासम्मको पहिलो कारोबार दायरा दिएको छ | कम्पनीले दोलखाको तल्लो खारे खोलामा ११ मेगावाटको विद्युत विकास गरिरहेको छ |

आगामी साउनदेखि व्यावसायिक उत्पादन हुने गरि काम भइरहेको कम्पनीले विवरणपत्रमा उल्लेख गरेको छ | कम्पनीका २ २ करोड १० लाख ३ हजार ५ सय कित्ता शेयर सुचिएकरण भएको हो कम्पनीको शेयर रजिष्ट्रारमा कम्पनी आफैँ रहेको छ |

प्रकाशित मिति: बिहीबार, चैत ७, २०७५ २१:४४