महाप्रसाद जसले ५ वर्ष नेपाली नाेटमा हस्ताक्षर गर्नेछन्

A+ A A-

नेपाल राष्ट्र बैंकको १७औं गभर्नर बनेका छन्, महाप्रसाद अधिकारी । प्रधानमन्त्री केपी शर्मा ओलीका विश्वासपात्र मानिने अधिकारी ४ वर्षपछि गभर्नर बनेर राष्ट्र बैंक फर्कँदै छन् । राष्ट्र बैंकमा उनले डेपुटी गभर्नर बनेर पनि काम गरिसकेका छन् ।

खोटाङमा जन्मिएका अधिकारी चार्टर अकाउन्टेन्सीका विद्यार्थी हुन् । उनले भारतबाट सीए पास गरेका थिए । २०४२ सालमा राष्ट्र बैंकको जागिरे बनेका अधिकारीले पुस २०७२ राष्ट्र बैंकको डेपुटी गभर्नरबाट अवकाश पाएका थिए ।

डेपुटी गभर्नरमा सिफारिस हुँदा केही विरोधका स्वर झेलका अधिकारी समस्याग्रस्त घोषणा भएको नेपाल बंगलादेश बैंक सम्हाल्ने जिम्मेवारीबाट चर्चामा आएका थिए ।

बैंक वित्तीय संस्थाको बासलातमा राम्रो टिप्पणी गर्न सक्ने अधिकारीले घरजग्गा कर्जा सीमामा ल्याउन पनि महत्त्वपूर्ण भूमिका निर्वाह गरेका थिए ।

हालका अर्थमन्त्री डा. युवराज खतिवडा गभर्नर हुँदा सहयोगीका रूपमा अधिकारीले विशेष भूमिका खेलेका थिए । वित्तीय स्थायित्वलाई अघि बढाउन सक्षम व्यक्तिका रूपमा उनले पहिचान बनाएका छन् ।

केन्द्रीय बैंकमा रहँदा उनले संस्थागत सुशासन तथा बैंकिङ सुपरिवेक्षणलाई बलियो बनाउने काम गरेका थिए । ३० वर्षभन्दा बढी केन्द्रीय बैंकमा काम गरेका अधिकारी त्रिभुवन विश्वविद्यालयबाट बिजनेश एडमिनेस्ट्रेसनमा स्नातक हुन् भने १९९३ मा भारतबाट चार्टड एकाउन्टेन्ट बनेका थिए ।

उनले ९ असार २०७३ मा लगानी बोर्डको प्रमुख कार्यकारी अधिकृत (सीईओ) को रूपमा नियुक्ति पाएका थिए ।

यी हुन हालसम्मका १६ गभर्नर