कोरोना भाइरस संक्रमण नभएका यी ३८ ठाउँ

A+ A A-

विश्वभरीका २ सय ९ देशमा कोरोना भाइरस फैलिएको छ । विश्व स्वास्थ्य संगठन (डब्लुएचओ) का महानिर्देशक टेड्रोस एडहानोम गेब्रेयेससले विश्वव्यापी संकटको सामना गर्न एकजुट हुन आग्रह गरेका छन् ।

कोरोना भाइरसका महामारीबाट विश्व नै प्रभावित भएको छ । तर केही देश र केही क्षेत्र अहिले पनि कोरोना भाइरसको संक्रमणबाट बचेका छन् ।

प्रशान्त महासागरको द्वीप तुवालु र पूर्वसोभियत संघको देश तुर्कमेनिस्तानमा अहिलेसम्म कोरोना भाइरस संक्रमण देखिएको छैन । जोन हपकिन्स विश्वविद्यालयको ताजा आकडा अनुसार कोरोना भाइरस विश्वभरीका २ सय ९ देशमा पुगिसकेको थियो ।

आजको समयसम्म विश्वमा १२ लाखभन्दा बढी कोरोना भाइरस संक्रमित भएका छन् । मृत्यु हुनेको तथ्यांक ६४ हजार भन्दामाथि पुगिसकेको छ । करिब २ लाख ५० हजार मानिस निको भइसकेका छन् ।

तर विश्वमा यस्ता केही स्थानहरु भेटिएका छन् जहाँ कोरोना भाइरसको एक पनि विमारी भेटिएको छैन । अहिलेसम्म यसको जानकारी पनि छैन ।

यी देश र क्षेत्रमा कोरोना भाइरस नदेखिनुको कारण के हुन सक्छ ? धेरै कारण मध्ये यहाँको भूगोल सानो छ । जनसंख्या पनि धेरै कम छ । जनसंख्याको घनत्व कम छ ।

तुवालुको कुरा गर्ने हो भने यो द्वीप धेरै सानो छ । यहाँको जनसंख्या धेरै कम छ यहाँ मानिसको आवतजावत पनि सीमित छ ।

जहाँ कोरोना भाइरस पुगेको छैन ती देश र क्षेत्र पर्यटनका लागि प्रख्यात छन् । यस्तो अवस्थामा हरेक देशले लकडाउन गरेका छन् । हवाइ क्षेत्र सबै बन्द छन् । सीमाना बन्द गरिएका छन् । यसकारण यी क्षेत्र बाँकी विश्वसँग सम्र्पकमा नै छैनन् । अझ यसमा पनि केही क्षेत्रको अवस्था त झनै जटिल छ ।

उत्तर कोरिया

उत्तर कोरियाले आफ्नो देशमा कोरोना भाइरस नभएको घोषणा गरेको छ । उसको घोषणामा सबै भन्दा बढी आशंका अमेरिकाले जताएको छ । जब कि उसको सबैभन्दा नकिजको छिमेकी चीनबाट कोरोना भाइरस संक्रमण सुरु भएको हो ।

अहिले पनि अमेरिकाले उत्तर कोरियामाथि प्रतिबन्ध लगाएको छ । उसले विश्व कोरोना भाइरसको महामारीसँग लडिरहदा पनि परमाणु हतियारकोा लगातार परीक्षण गरिरहेको छ ।

यमन

यमनमा अहिले पनि युद्ध जारी छ । जसको कारण यहाँ कसलाई कोरोना लागेको छ छैन भन्ने चेकजाँचको व्यवस्था नै छैन । यसैसँगको छिमेकी साऊदी अरबमा १५ सय भन्दा बढी कोरोना भाइरसका संक्रमित भेटिएका छन् ।

केहि अफ्रिकी देशहरुमा पनि अहिलेसम्म कोरोना भाइरस संक्रमणका बिरामी भेटिएका छैनन् । यसको कारण परीक्षण गर्ने किट नहुनु पनि हो ।