स्मार्ट डोकोमार्फत खाद्यसामग्री किन्नुस्, १० थान मास्क सित्तैमा लिनुस्

A+ A A-

कोरोना भाइरस (कोभिड १९) को विश्वव्यापी संक्रमणका कारण देश अहिले लकडाउनको अवस्थामा छ । यस्तो संक्रमणकालीन अवस्थामा हामीलाई चाहिने अत्यावश्यक खाद्यसामग्री लिन जान पनि कोरोनाको संक्रमण होला कि भन्ने त्रास सम्पूर्ण जनमानसमा छ । यस्तो बेलामा बाहिर निस्कनु पनि आफ्नो र परिवारकै लागि ठूलो जोखिम मोल्नुपर्ने हुन्छ ।

ग्राहकहरूको यही समस्यालाई दृष्टिगत गरी नेपालको अनलाइन शपिङ कम्पनी स्मार्ट डोकोको एक अनलाइन शपिङ मेगास्टोरले आफ्ना ग्राहकहरूको सहजताका लागि यो लकडाउनको अवस्थामा अत्यावश्यक सामग्रीहरू घरघरमै पुर्‍याइदिने र त्यस्तो सेवा लिएबापत आफ्ना ग्राहकहरूलाई १० पिस मास्क पनि उपलब्ध गराउने घोषणा गरेको छ ।

कम्पनीका अनुसार लकडाउनभरि कम्पनीले किराना र अति आवश्यक वस्तुहरू डेलिभरी गर्नेछ र सेलपे एप्पमार्फत क्यूआर कोड स्क्यान गरी भुक्तानी गरेमा प्रत्येक ग्राहकलाई १० पिस मास्क पनि उपलब्ध गराइनेछ ।

कम्पनीले ग्राहकहरूको सुरक्षा र आवश्यकतालाई ध्यानमा राख्दै सामानहरू घरमै डेलिभरी गर्न सुरु गरिसकेको छ । सरकारले विश्वव्यापी स्वास्थ्य संकटको घडीमा घरमै सेल्फ क्वारेन्टाइनमा बस्न निर्देशन दिएको र हामी आफैँले पनि आफ्नो र परिवारका लागि संक्रमणबाट बच्न घरमै बस्नुपर्ने यो परिस्थितिमा दैनिक उपभोग्य वस्तुहरू घरमै पुर्‍याइदिने र मास्क पनि उपलब्ध गराइदिने यस्तो सेवाले ग्राहकहरूलाई धेरै नै सहज हुने कम्पनीले जनाएको छ ।

साथै, ग्राहकहरूले अब किराना सामान, बच्चाका सामान, ह्युमिडिफायरहरू, एयरप्युरिफायरहरू र अन्य आवश्यक वस्तुहरू पनि स्मार्ट डोकोबाट सजिलैसँग अर्डर गर्न सकिने बताइएको छ ।

कम्पनीले काठमाडौं उपत्यकाका लागि मात्र यस्तो सेवा उपलब्ध गराइरहेको कम्पनीले जनाएको छ । हाल डिलिभरी काठमाडौं उपत्यकाभित्र मात्र रहेको छ । कम्पनीले वर्तमान परिस्थिति र आवश्यकतालाई ध्यानमा राख्दै हाललाई अत्यावश्यक वस्तुहरूबाहेक अरू कुनै पनि सामान बिक्रिवितरण नगर्ने प्रष्ट पारेको छ ।

अत्यावश्यक खाद्यसामग्रीहरूको अर्डरका लागि ग्राहकहरूले आm्नो कम्प्युटर वा ल्यापटपमार्फत डब्लूडब्लूडब्लूडटस्मार्टडोकोडटकममा लगइन गर्न सकिने र एन्ड्रोइड वा आईएसओबाट स्मार्ट डोको एप्लिकेसन डाउनलोड गरी अर्डरबमोजिमको होम डेलिभरी पाउन सक्ने कम्पनीले बताएको छ ।

स्मार्टडोको डेलिभरीमा नगद र कार्डबाहेक सेलपे र ई–सेवामार्फत कारोबार गर्न मिल्नेछ ।