पार्टीको सर्कुलरपछि के गर्दै छन् नेकपाका नेता, कार्यकर्ता ?

A+ A A-

सत्तारुढ दल नेपाल कम्युनिस्ट पार्टी (नेकपा)का नेता कार्यकर्तालाई पार्टी अध्यक्षले १४ गते विशेष सर्कुलर जारी गरेर आफ्नो पार्टीका नेता कार्यकर्ताहरुलाई स्वयंसेवकको भूमिकामा परिचालीत हुन निर्देशन थिएको थियो ।

सरकारले लकडाउन गरेको चौथो दिनमा पार्टी अध्यक्षले विशेष निर्देशन दिएका थिए । लकडाउनमा सरकारले सबैलाई घरमा बस्न भनेको छ । प्रधानमन्त्रीसमेत रहेका अध्यक्षको हस्ताक्षरीत निर्देशनमा भनिएको छ ‘सरकार र सरकारका अधिकारप्राप्त निकायहरूबाट गरिएका लकडाउनलगायतका सम्पूर्ण निर्णय, आह्वान र अपिललाई आफूले पूर्णरूपमा पालना गर्ने र पालना गर्नका लागि आमजनसमुदायमा सन्देश प्रवाह गर्ने । स्वास्थ्यकर्मी, स्वास्थ्य संस्थालगायत राज्यका आधिकारिक निकायहरूसँगको समन्वयमा सचेतना, पूर्वतयारी र सहयोगका लागि स्वयंसेवकको भूमिकामा परिचालित हुने ।’

तर, आजसम्म केही व्यक्तिमात्र यो सर्कुलरमा भने जस्तै गरी गाउँ घरमा अथवा अन्य निकायमा खटेका छन् । नत्र भने नेकपाका अधिकांस नेता कार्यकर्ता घरमा नै क्वारेन्टाइनमा बसेका छन् ।

युवा संगठनबाट देश भरी स्वयंसेवकका रूपमा काम भइरहेको संगठनका संयोजक रामप्रसाद सापकोटाले बताए । उनले भने ‘युवा एक्लै स्वयंसेवकको काम गरिरहेका छौँ । हुल बाँधेर हिँडेका छैनौ । विशेष गरी दैनिक ज्यालाधारी गरी खानेका लागि खाद्यानको व्यवस्था गरीरहेका छौँ ।’

अहिले विश्वभरी नै महामारीका रूपमा कोरोना भाइरसको संक्रमण फैलिरहँदा नेपालमा भने अवस्था समान्य रहेको छ । तर, पनि यसबाट हुने क्षति र मानिसले अपनाउनु पर्ने सजगताको बारेमा युवा संघ क्रियाशिल रहेको सापकोटाले बताए ।

अहिले युवासंघको पहलमा भक्तपुर, मोरङ, धनकुटा सुनसरी वीरगन्ज, जनकपुर, चितवन लगायतका जिल्लामा खाद्यान्नको व्यवस्था गरिरहेका छौँ उनले भने देशका अन्य जिल्लाहरुमा विदेशबाट आएका र विशेषत भारतबाट आउनेको संख्या बढी भएकाले क्वारन्टाइनमा बस्न हामीले सहयोग गरीरहेका छौँ ।’

क्वारेन्टाइनमा बसे पनि धेरै नेताहरू भने जिल्लाका अधिकांस नेता र पालिकाका निर्वाचित जनप्रतिनिधिसँग सम्पर्कमा रहेका छन् । धेरै मानिस भिडभाड गर्न नहुने हुँदा आ-आफ्नो ठाउँबाट एक्लाएक्लै आवश्यकताअनुसार नेता कार्यकर्ता खटेको स्थायी कमिटी सदस्य देवेन्द्र पौडेलले जानकारी दिए ।

‘सबै जनासँगै जाने अवस्था होइन । आवश्यकताअनुसार सबै नेता कार्यकर्ता खटेका छौँ । बाग्लुङमा एक जनालाई कोरोना देखिपछि सर्तकर्ता अपनाएका छौँ उनले भने रोकथाम र नियन्त्रण सहित उपचारको व्यवस्थापनमा बढी ध्यान दिएका छौँ ।’

अहिलेको अवस्थामा सरकारले भनेको मानिदिएर पनि सहयोग गर्न सकिने अवस्था छ । किनकि कोरोना भाइरस मानिसले हात मिलाउदा, हाच्छु गर्दा र खोक्दा सर्ने भएका कारण मानिसले भिडभाड नगर्दा कम जोखिम हुने देखिएको छ । सरकारले पनि लकडाउन गरेको छ । यस्तो अवस्थामा सरकारलाई सहयोग गर्ने कुरा छ नै प्रमुख हुने बताउनछन् अनेरा स्ववीयुका संयोजक ऐन महर ।

‘अहिले सबैभन्दा राम्रो काम भनेको घरमा नै बस्नु हो । अलपत्र परेका मानिसलाई गन्त्यव्यसम्म पुगाउन सरकारलाई भन्ने हो । आएका उद्धार गरेका मानिसलाई क्वारेन्टाइनमा र बस्न भन्ने हो उनले भने यो काम हामीले गरिराखेका छौँ ।’

भारतबाट आएर सीमामा रोकिएका नागरिकको व्यवस्थापन गर्न र क्वारेन्टााइनमा बसाल्न सरकारलाई माग गरेका छौँ , उनले थपे ,‘सरकारले खाद्यान्नको आपूर्ति गर्ने र किट आएका छन् । नागरिकको स्वास्थ्य परिक्षण गरेर ढुक्क हुने अवस्था बननाउनु पर्छ । नागरिकको उपचार नगर्ने केही निजी अस्पतालाई कारबाही गर्न पर्छ ।’

सबै घरमा बसेर समाजिक संजाल, मिडिया र फोनमार्फत सचेतना जगाउनु पर्ने उनले बताए । ‘अहिले भिडभाड गर्नु हुँदैन । सरकारलाई जतिसक्दा घरमा बसेर सहयोग गर्ने हो । आवश्यकता परे मात्र बाहिर निस्नु उपयुक्त हो महर भन्छन् स्वास्थ्यको काम त डाक्टर, नर्स र अन्य स्वास्थ्यकर्मीले गरी राख्नु भएको छ ।’

परिवार, छरछिमेकी तथा आमजनसमुदायलाई पनि तदनुरुप नै सतर्कता अपनाउन प्रेरित गर्ने, सघाउने, हवाई मार्ग वा स्थलमार्गको प्रयोग गरी विदेशबाट आएका कुनै पनि व्यक्तिलाई १४ दिनसम्म सेल्फ आईसोलेशन वा क्वारेन्टाईनमा रहन प्रेरित गर्ने, सघाउने नेकपाले निर्देशन दिएको छ ।

नेकपाले जारी गरेको निर्देशनअनुसार सबै फिल्डमा नदेखिए पनि आवश्यकताअनुसार सबै परिचालन भएको बताउँछन् केन्द्रीय सदस्य ठाकुर गैरे बताउछन् । आफूबाट अरूलाई जोखिम नहोस र अरूलाई पनि जोखिम नबढाउन अनुरोध गर्छन् गैरे ।

‘नेपाल सरकार ,स्वास्थ्य मन्त्रालय र विश्व स्वास्थ्यसंगठनले जारी गरेको सन्देश पालना गर्नु नै अहिलेको मुख्य काम हो’ उनले भने ।

नेपालमा अहिलेसम्म ५ जनालाई कोरोना भाइरसको संक्रमण देखिएको छ । जसमा एक जना संक्रमण मुक्त भइसकेका छन् । अन्य चार जनाको भने उपचार भइरहेको छ । सरकारलाई अहिले यी चार जनाको सम्पर्कमा आएका व्यक्तिहरूको खोजी गर्ने काम कठिन भइरहेको छ । त्यसकारण घरमा बस्नु नै यो रोगको रोकथाम र नियन्त्रण भएको विज्ञहरूको भनाइ छ ।

प्रकाशित मिति: बुधबार, चैत १९, २०७६ १२:५५