रोजगारीका लागि यूएई पुगेका २९ जना कामदार २ सातादेखि अलपत्र

A+ A A-

वैदेशिक रोजगारीका लागि युएई पुगेका २९ जना कामदार अलपत्र परेका छन् । उनीहरू युएईको सारजाह पार्कमा बसेर दिन काटिरहेको जानकारी पाएको प्रवासी नेपाली समन्वय समिति (पिएनसिसि)ले जनाएको छ । उनीहरूको उद्धारका लागि सम्बन्धित निकायमा पहल गरिरहेको पिएनसिसिले जनाएको छ ।

२९ जना नेपाली युएईमा अलपत्र परेको समस्या आएपछि तत्काल परराष्ट्र मन्त्रालय, वैदेशिक रोजगार विभाग र युएईस्थीत नेपाल राजदूतावासमा पत्रचार गरेको पिएनसिसिका अध्यक्ष कुलप्रसाद कार्कीले जानकारी दिए । हाल अलपत्र अवस्थामा रहेका नेपाली श्रमिकलाई युएईमा रहेका विभिन्न संघसस्थाले सहयोग गरिरहेको र उनीहरुको अवस्था नाजुक रहेको पिएनसिसिका अक्ष्यक्ष कार्कीले बताए ।

अलपत्र परेका कामदारलाई खानबस्न समस्यासँगै कोरोना भाइरसको त्राससमेत रहेको उनको भनाइ छ । युर्एइस्थित नेपाल दूतावासमा पटकपटक जानकारी गराए पनि दूतावासले वस्ता नगरेको पीडितको गुनासो छ । उनीहरूलाई युएईको गैरअवसीय नेपाली संगठनले सहयोग गर्दै आएको पिएनसिसिको अध्यक्ष कार्कीले जानकारी दिए ।

पुरानो बानेश्वरस्थित ओसो रिक्र्युमेन्ट म्यानपावर प्रालिले पठाएको युएईबाट राजबहादुर तामाङले जानकारी दिए । यो म्यानपारका सञ्चालक लक्ष्मण बिसीलाई पटकपटक सम्पर्क गर्दा वास्ता नगरेको उनको भनाइ छ । उनीहरू २९ जनालाई विभिन्न म्यानपार कम्पनीले रोजगारीका लागि युएई पठाएका थिए ।

फ्युटर ईम्लोमेन्ट सर्भिस म्यानपावर प्रालिका सञ्चालक झमक कार्कीलाई सम्पर्क गर्दा फोन नउठाउने गरेको उनीहरूले बताए । युएईमा १५ सय दिरामसहित आकर्षण तलब, खाना , आवास र ट्रान्सपोर्टको खर्च हुन्छ भनेर प्रत्येक व्यक्तिसँग म्यानपारले ३ लाख लिएको पीडितले बताएका छन् । हाल उनीहरू पार्कमा बसेर दिनरात बिताइरहेको बताउँछन् । उनीहरूले सबैसँग सहयोग मागिरहेका छन् ।