लकडाउनलाई ध्यानमा राख्दै नेपाल लाइफले ल्यायो दुईवटा अनलाइन सेवा

A+ A A-

विश्वव्यापी महामारीको रूपमा फैलिएको कोरोना भाइरस (कोभिड १९) का कारण हाल सरकाले लकडाउन गरेको छ । यस चुनौतीपूर्ण परिस्थितिमा सबैले आफूलगायत आफ्ना परिवारजनको सुरक्षाका लागि आवश्यक उपायहरू अवलम्बन गर्नु अपरिहार्य छ ।

यस्तो अवस्थामा सबैले घरमै बस्नुपर्ने हुनाले सेवाग्राहीहरूको सुविधालाई दृष्टिगत गर्दै नेपाल लाइफ इन्स्योरेन्सले दुईवटा अनलाइन सेवा सञ्चालनमा ल्याएको छ । कम्पनीले म्याचुअरिटी क्लेम र क्लेम इन्टिमेसन नामक अनलाइन सेवा सञ्चालनमा ल्याएको हो ।

कम्पनीका अनुसार म्याचुअरिटी क्लेम सेवाबाट नेपाल लाइफका सम्पूर्ण बीमितहरूले आफ्नो बीमालेख म्याचुअरिटी हुने समयावधिको जानकारी लिन सक्नेछन् । यो सेवामा म्याचुअरिटीको समय पुगेका बीमितहरूले आफ्नो बीमालेखको म्याचुअरिटी क्लेमको प्रक्रिया अघि बढाउन सक्नेछन् । जसअनुसार कम्पनीका कर्मचारीहरूबाट म्याचुअरिटी क्लेमको प्रक्रिया अघि बढाइने कम्पनीले जनाएको छ ।

त्यस्तै, क्लेम इन्टिमेसन सेवाअन्तर्गत दाबीकर्ताहरूले घरमै बसेर अनलाइनमार्फत नेपाल लाइफको वेबसाइटमा दाबीसम्बन्धी जानकारी दिन सक्नेछन् । जसका आधारमा नेपाल लाइफका कर्मचारीहरूले दाबी भुक्तानी प्रक्रिया अगाडि बढाउनेछन् ।

यी सेवा कसरी लिने ?

नेपाल लाइफ इन्स्योरेन्सका ग्राहकहरूले निम्न लिंकमा गएर यी दुवै सेवाहरू लिन सक्ने कम्पनीले जनाएको छ ।

http://webapp.nepallife.com,np/ns/
claimMgmt/claimMain.aspx

नेपाल लाइफले आफ्ना सेवाग्राहीलाई जस्तोसुकै विषम परिस्थितिमा पनि उत्कृष्ट सेवा दिन तथा चुस्त दुरुस्त बनाउनका लागि आवश्यक प्रविधिको प्रयोग गर्दै आएको छ । सोही अभियानअन्तर्गत यो विषम परिस्थितिमा पनि कम्पनीले आफ्नो अनलाइन सेवालाई समयसापेक्ष अझ परिस्कृत गर्दै आफ्ना ग्राहकहरूसमक्ष ल्याएको कम्पनीको भनाइ छ ।

यी सेवाअन्तर्गत बीमितहरूको काम कारबाही विनारोकावट अघि बढ्ने कम्पनीले जनाएको छ । आगामी दिनमा पनि समयसापेक्ष आफ्ना सेवाहरू अझ परिस्कृत तथा प्रभावकारी ढंगले अगाडि बढाउँदै लैजाने प्रतिवद्धता पनि कम्पनीले गरेको छ ।

यस विषम परिस्थितिमा कम्पनीले आफ्ना अभिकर्ता तथा सेवाग्राहीहरूको काम कारबाहीमा कुनै कमी आउन नदिन भर्चुअल अफिसको रूपमा घरैबाट सेवा प्रवाह गर्नका लागि कर्मचारीहरूले अनलाइनमार्फत सेवा दिइरहेको बताएको छ ।

साथै, यस विषम परिस्थितिमा बीमित, अभिकर्ता, कर्मचारीलगायत सम्पूर्णमा एकजुट भई सकेसम्म घरमै बसी एकअर्कालाई सहयोग गर्न पनि कम्पनीले आग्रह गरेको छ ।

प्रकाशित मिति: सोमबार, चैत १७, २०७६ २०:११