कोरोना कोषमा १४ करोड, कसले कति दिए ?

A+ A A-

कोराना भाइरसको संक्रमणलाई मध्यनजर गर्दै नेपालमा पनि सम्भावित जोखिमका आधारमा कोष खडा गरिएको छ । कोषमा सामान्य कर्मचारीदेखि प्रधानमन्त्री तथा व्यापारीहरूले धमाधम रकम जम्मा गरिरहेका छन् ।

सरकारले ५० करोडको कोष खडा गर्दे सहयोग गर्न आह्वान गरेको हप्ता दिन नबित्दै कोषमा १४ करोड जम्मा भइसकेको छ ।

वाणिज्य बैंकको खाता नम्बर १९६०००००११०१ मा अहिले रकम जम्मा गर्नेको संख्या बढिरहेको वाणिज्य बैंकका सीईओ किरण श्रेष्ठले बताए ।

उनले भने, ‘सबैभन्दा धेरै अहिलेसम्म कृषि विकास बैंकले १ करोड २५ लाख रकम सहयोग गरिसकेको छ भने अन्य निजी तथा सरकारी संस्थाहरूले पनि धमाधम सहयोग गरिरहेका छन् ।’

यही रफ्तारमा सहयोग बढे सहयोग रकम खर्ब नाघ्ने उनको भनाइ छ ।

नेपालमा महामारी फैलिएको खण्डमा आवश्यक जोरजामका लागि कोषमा अहिले धमाधम पैसा दिनेहरूको संख्या बढ्दै गएको हो । सहयोग रकम कोषमा बढ्दै गएको छ भने दिने घोषणा गर्नेहरू पनि बढ्दै गएका छन् ।

कसले कति दिए ?

चौधरी फाउन्डेसन १ करोड
ग्लोबल आईएमई बैंक १ करोड १५ लाख
नेपाल बैंक १ करोड
बीमा समिति २ करोड
भाटभटेनी समूह १ करोड
धितोपत्र बोर्ड ५० लाख
निर्माण व्यवसाय विकास परिषद् १ करोड
डिल्लीबजार कारागारका कैदीबन्दी र कर्मचारीबाट ४० हजार
राष्ट्रपतिको २ महिनाको पारिश्रमिक
उपराष्ट्रपतिको १ महिनाको पारिश्रमिक
सभामुखको १ महिनाको तलब
राष्ट्रियसभा अध्यक्षको १ महिनाको तलब
महान्यायाधिवक्ता र पूर्वसञ्चारमन्त्रीको १ महिनाको तलब
समाजवादी पार्टीका सांसद प्रदिप यादवको १ महिनाको तलब
नेकपा सांसद्हरूको १५ दिनको तलब
कांग्रेस सांसदहरूको १५ दिनको तलब
अख्तियारका आयुक्तहरूको १५ दिनको तलब