आज फेरि पूर्ण बन्द अन्तर्राष्ट्रिय उडान, आन्तरिक केहीलाई अनुमति

A+ A A-

आइतबार कुनै पनि अन्तर्राष्ट्रिय उडानले अनुमति पाएका छैनन् । गृहमन्त्रालय र संस्कृति पर्यटन तथा नागरिक उड्डयन मन्त्रालयले आइतबारको लागि कुनै पनि अन्तर्राष्ट्रिय उडानलाई अनुमति नदिएको जनाएको छान् ।

यी २ मन्त्रालयबाट अनुमति नपाई जुन सुकै काम र सर्तले पनि उडान भर्न पाउदैनन् । नेपालको ६ देशक लामो अन्तर्राष्ट्रिय उडानमा ११, १२ र १३ चैतमा पूर्ण रुपमा अन्तर्राष्ट्रिय उडान बन्द भएको थियो । गत ९ चैत देखिनै अन्तर्राष्ट्रिय उडान स्थगनको निर्णय सरकारले लिए पनि शून्य प्यासेन्जर यताबाट लैजान सक्ने तथा उताबाट नल्याउने नीति अन्तर्गत केही कम्पनीलाई उडान अनुमति दिएकोमा इत्तिहाद र शिल्क एयरले नियम विपरित केही प्यासेन्जर लिएका थिए ।

त्यसपछि ३ दिन पूर्णरुपमा बन्द भएकोमा अन्तर्राष्ट्रिय उडनामा १४ चैतमा कतार एयरले अनुमति पाएको थियो । १५ चैतमा कतार एयरका २ र नेपाल एयरलाइन्सले काग्रो उडान अनुमति पाएको थियो । १६ चैत (आज) भने अहिलेसम्म कुनै पनि अन्तर्राष्ट्रिय उडानले अनुमति दिइएको छैन ।

नेपालका विभन्न ठाउमा अलपत्र परेका विदेशी नागरिकलाई उद्दार गर्ने क्रम भने जारी नै रहेको छ । जसके लागि आइतबार पनि आन्तरिक उडानको लागि केही विमानहरू सक्रिय हुने छन् । लुक्लाको लागि मात्रै आइतबारको लागि ७ वटा उडान अनुमति भइसकेको उड्डयन प्राधिकरणले जनाएको छ ।

समिट एयरले ३ वटा तारले एउटा र सिताले एउटा उडानको लागि अनुमति पाएका छन् । यी सबैले लुक्लाको लागि उडान अनुमति पाएका हुन् । तारले थप २ वटा उडानको अनुमति मागेको क्पनीले जनाएको छ । पोखरा उडाननको लागि पनि केही कम्पनीले उनुमति मागपनि अहिलेसम्म पाएका छैनन् । शनिबार लुक्लाबाट ११ वटा उडान भएका थिए । बिहीबार र शुक्रबार १/१ वटा उडान भरिएको थियो ।