धुर्मुस सुन्तली स्वस्थ्य सद्भावना दुत नियुक्त

A+ A A-

प्रदेश नं.१ अन्तर्गत सामाजिक विकास मन्त्रालयको ‘स्वास्थ्य जीवन’ कार्यक्रमका लागि नेपालका चर्चित हास्य कलाकारहरु कलाकार सीताराम कट्टेल (धुर्मुस) र कुञ्जना घिमिरे (सुन्तली) सद्भावनादूतमा नियुक्त भएका छन । यसका लागि सामाजिक विकास मन्त्रालय र धुर्मुस एवं सुन्तली बीच आज सम्झौता भएको छ ।

एक वर्ष अवधि रहने सद्भावनादूतले राष्ट्रिय स्वास्थ्य नीति–२०७१ र नसर्ने रोगहरुको रोकथाम तथा नियन्त्रण कार्यान्वयन योजना २०१६–२०२१ ले स्वस्थ जनीवशैली प्रवद्र्धनसम्बन्धी सञ्चार कार्यक्रमलाई प्राथमिकता दिएर अभियान संचालन गर्नेछन ।

त्यस्तै स्थास्थ्य प्रवद्र्धनका लागि प्रदेश सरकारले स्वस्थ्य नागरिक, स्वस्थ प्रदेशको नीति अवलम्बन गर्दै स्वस्थ जीवनका लागि खानपान, सरसफाई र योग तथा व्यायामलाई अभियन्ताले प्रमुख प्राथमिकता दिनु पर्ने सम्झौता पत्रमा उल्लेख गरिएको छ ।

प्रदेश सरकारको प्राथमिकतामा रहेको विषयलाई प्रभावकारी कार्यान्वयनका लागि आम जनसमुदायमा सचेतना सञ्चार गर्नु सामाजिक विकास मन्त्रालयको दायित्वलाई अभियन्ताले आत्मसाथ गर्नु पर्ने उल्लेख छ । मन्त्रालयले हाले ‘एक घर, पांच योग, पाँच जडिबुटी, पाँच वटा सकारात्मक व्यवहार’, ‘मेरो फोहोर म आफैँ सफा गर्छु’, ‘समुदायको सरसफाईमा मेरो दायित्व’ जस्तानारा विभिन्न अभियान घोषणा गरेको छ ।

त्यस्तै सहित दैनिक जीवन पद्धति, व्यवहार, सरसफाई, पोषण आदिलाई जोडेर स्वस्थ जीवन कार्यक्रमको प्रचार प्रसार अभियान सञ्चालन गर्न अभियन्ताको जिम्मेवारीमा पर्ने भनिएको छ ।

प्रदेश नं.१ का मुख्यमन्त्री शेरधन राईले प्रदेशलाई स्वस्थ र समृद्ध बनाउन सरकार शुरु देखि नै प्रयत्नशील रहेको बताए ।सामाजिक अभियन्ता कलाकारहरुले हात, भान्सा, पानी र हात धुने कामलाई पेचिलो तरिकाले आम नागरिकलाई प्रशिक्षित गर्ने आफ्नो विश्वास रहेको वताउँदै स्वस्थ नागरिक निर्माण गर्न यो अभियानले महत्वपूर्ण योगदान दिने चर्चा गरे ।

सामाजिक विकास मन्त्री जीवन घिमिरेले रोग लाग्न नदिन उपाय खोजी गर्न प्रदेश सरकार विभिन्न कार्यक्रम संचालन गरेको जानकारी दिए । उनले रोग लागि सकेपछि नागरिकको निकै जनधनको क्षति हुने भएकोले यसतर्फ नागरिक पनि सचेत रहनु पर्ने कुरामा जोड दिँदै ‘स्वास्थ्य प्रवद्र्धन वर्ष–२०७५’लाई मूर्त रुप दिन मानिसले खानपिन, सफाई र व्यायामप्रति केन्द्रित रहनुपर्नेमा जोड दिए ।

प्रकाशित मिति: आइतबार, माघ १३, २०७५ १८:४६